1. COMENTARIO DUNHA OBRA DE ARTE
1º Título, autor, cronoloxía e estilo ou escola á que pertence
2º Contexto histórico-artístico: referencias a acontecementos históricos
importantes que inflúan nesa obra de arte, así como o contexto cultural-
relixioso (por exemplo: como se reflicte en ela certa concepción da vida ou
do mundo), a valoración dos artistas ou a figura dos comitentes.
3º Análise tipolóxico e características formais que xustifiquen a catalogación
feita.
→ Arquitectura: Tipoloxía, elementos arquitectónicos (a planta, os soportes,
as cubertas, as fachadas...), proporcións e dimensións, análise do espazo
interior (eixes, función do edificio, tipo de espazo, a luz, a relación co
exterior...), relación coa contorna, función simbolica ou
propagandística...
→ Escultura: Tipoloxía (posición, resalte, parte representada...), materia e
técnica, cor, tratamento das superficies, volume, os puntos de vista e o
sue emprazamento, os efectos da luz, a composición, a forma de
representar o movemento ou o reposo (tensión nas figuras, momento
escollido da acción...), tratamento dos motivos especialmente da figura
humana: as expresións, as proporcións, realista, esquemática,
idealizada, antinatural...Tema (iconografía) e significado (iconoloxía), se
é un relevo, a representación espacial: perspectiva, horror vacui,
desinterese polo mesmo...
→ Pintura: materiais e técnicas utilizadas, a cor: tipos, gradacións,
sensación de volume..., o debuxo e a súa relación coa cor. A
representación da luz: orixe, se crea volume, natural, externa ou
interna... A composición. Representación do espazo tridimensional e
tratamento dos motivos en especial da figura humana: expresións,
canon, modelado...Tema (iconografía) e significado (iconoloxía).
4º Outros asuntos de interese: repercusión cara o futuro, outras obras de
arte vencelladas á analizada xa sexa por estar nesa obra ou ser do autor da
mesma, comparación con obras contemporáneas... en xeral calquera cousa
que se considere pertinente para rematar o comentario da obra
Todo anterior debe figurar non como un exercicio de
preguntas e respostas senon con un estilo persoal. O comentario
é un exercicio de REDACCIÓN. Utilización de vocabulario
específico da disciplina ( p.e. non son figuras femininas que
sustitúen o fuste da columna, son cariátides ou non é o centro do
arco, é a clave do arco)