Poema de Manuel María

1. Oración galega a Rosalía
Grazas, nai Rosalía, por nos dares
un idioma novo e ben luído.
Grazas pola fala e por cantares
o noso pobo, humilde e esquecido.
Grazas, nai Rosalía, pola cura
e fonda canción que ti cantaches
tan chea de verdade e fermosura.
Grazas pola fala que salvaches!
Grazas, nai Rosalía, polo feito
de recobrar o idioma e a canción,
as palabras que enchen todo o peito
e poden aquecer o corazón…!
Grazas, nai Rosalía, por saberes
marcaros o destino e o vieiro.
Grazas, nai Rosalía, por faceres
un milagre puro e verdadeiro.
Manuel María (A Rosalía, 1971)