1. Gipuzkoako Aldizkari Ofiziala
17. zenbakia Data 2003-01-28 1432 orria
7 UDAL ADMINISTRAZIOA
LEGAZPIKO UDALA
Udal liburutegiaren araudia. Behin betiko onespena.
LEGAZPIKO UDALA
Iragarkia
Legazpiko Udal Korporazioaren Osoko Bilkurak, joan den 2002ko azaroaren 20an egin zuen
ohiko bileran, hasierako onespena eman zion Udal Liburutegia arautuko duen Ordenantzari.
Jendeaurreko informazio-epea amaiturik eta alegazioak aurkeztu ez direla ikusi ondoren,
aipatu Ordenantzak behin betiko onespena jasoko duela ulertuko da, beraz argitaratzeari
ekingo zaio.
Legazpi, 2003ko urtarrilaren 15a.—Alkatea.
(113) (659)
Legazpiko Udal Liburutegi Publikoko Araudia.
SARRERA
LEGAZPIKO UDAL LIBURUTEGIKO SARRERA ETA ERABILPENAREN ARAUAK
Legazpiko Udal Liburutegiak, liburutegi publikoa den einean, aisialdi, informazio, kultura eta
heziketa beharrak betetzeko tresnak eskuragarri jarri behar ditu herritarrei, eta bertoko kultura,
irakurketaren suspertzea eta informazioa lortzea bermatuko duen erakunde izan.
Arau hauek, helburu hauek bete eta errazteko idatzi dira eta hainbat kapitulu, sail eta
artikulutan banatu dira. Arau hauek idazteko, estatu eta autonomi mailan gai honi buruzko
legedia eta baita hainbat eremu administratiboko liburutegi publikoetan ezartzen diren barne
araudiak kontutan izan dira.
1. KAPITULUA
LIBURUTEGIAN SARRERA
1go artikulua.
1.ºUneskoren (Manifiesto de la Unesco sobre Biblioteca Pública. 1994) gomendioak jarraituz,
Liburutegi Publikoa doaneko zerbitzu bat izan behar du.

2. 2.ºSarrera herritar guztiei irekia izan behar du. Liburutegiko arduradunak edo ordezkoak,
printzio honi mugak jarri diezaioke, iskanbilak eta algarak sortzen duen edonorri.
2. artikulua.
7 urte baino gutxiagoko haurrak, heldu batez lagunduta egon behar dute. Liburutegiak ez du
haur hauen ardura beregain hartuko.
3. artikulua.
Telefono mugikorrak amatatu beharko dira liburutegian sartzeko.
4. artikulua.
Liburutegia ez da arduratuko, erabiltzaileen ondasun eta hauek bertan utzitako objetuez.
5. artikulua.
Liburutegiko gune ezberdinen arteko armonia eta konbibentzia errazteko, komenigarria da
iskanbilarik eta algararik ez sortzea eta jarrera zuzena mantentzea.
Beraz debekatua dago:
—Jatea, edatea, erretzea edo irakurlearen atentzioa gogaitu dezaketen bestelako ekintzak.
—Liburu, aldizkari edo bestelako dokumentuetan idatzi edo zirriborroak egitea.
—Liburutegiko ondasun higigarri edo higiezinak hondatzea edo kaltetzea.
—Irakurketa edo ikasketa postutik aldentzea hogeita hamar minutu baino gehiago. Denbora
hori pasa eta gero, edozein irakurlek okupatu ahal izango du aipatutako postua.
—Irakurketa postuak erreserbatzea.
—Telefono mugikorra erabiltzea.
—Irakurketa guneetan isiltasuna ez mantentzea.
2. KAPITULUA
FONDOEN KONTSULTA
6. artikulua.
Pertsona guztiek dute eskubidea liburutegiko fondoak eskuratu eta kontsultatzeko. Salbuespen
gisa, ez dira eskuragarri izango horretarako propio adierazten direnak.
7. artikulua.

3. Haur eta Gazte, Hemeroteka eta Gela Orokorrean dauden fondoak, kontsultarako
eskuragarriak dira.
8. artikulua.
Herriko fondoa eta Hemerotekako ale erretiratuak kontsultatzeko, irakurleak bazkide txartela
entregatu beharko du liburutegian eta horretarako prestatuta dagoen kontsulta imprimakia
bete.
9. artikulua.
1.ºInformatika zerbitzua eskeiniko da 18 urtetik aurrerakoentzako eta gazteagoak gurasoen
baimena ekarri beharko dute zerbitzu hau erabili ahal izateko. Ordenagailua erabiltzeko, kuota
bat ordaindu beharko da eta zerbitzuaren iraupena ordubetekoa izango da, pertsonako eta
orduko.
2.ºInformatika zerbitzua, Legazpiko herritarrei liburutegiak eskeintzen dion informazio
eskuratzeko zerbitzu bat da. Bere erabilpena beraz, informazioa eskuratzeko eta eskolako
lanak egiteko mugatzen da. Ezin da, aipatutakoak ez diren bestelako erabilpenik egin.
3.ºEzin da kanpotik disketerik ekarri ezta ordenagailuko disko gogorrean lanik gorde.
Liburutegiak ez du gordetako lanen ardura beregain hartuko. Liburutegiak, aurrez
ordaindurik, eskatzen duen erabiltzaileari disketeak eskeini ahal izango dio Ordenagailu
bakoitza, pertsona bakar batek eta isiltasun osoan erabili ahal izango du.
3. KAPITULUA
MAILEGUA
10. artikulua.
Mailegu zerbitzuak denbora mugatu baterako, irakurleei hainbat dokumentu liburutegitik
ateratzeko aukera ematen dio, ondoren adierazten diren baldintzak eta ezaugarriak kontutan
hartuta:
LEHENENGO SAILA. Zer mailegatu daiteke
11. artikulua.
Liburutegia osatzen duten materiale guztiak dira mailegagarriak. Hauek izan ezik:
—Erreferentzi obrak edo kontsulta maiztasun handia dituztenak.
—Agortutako obra moderno eta ordezkaezinak zein bakarrak diren dokumentuak.
—Materiale bereziak: Mapak, argazkiak, grabatuak, etab.
12. artikulua.
Mailegu mugatua dute:

4. —Herriko Bilduma osatzen duten fondoak.
BIGARREN SAILA. Bazkideak eta mailegatzaileak:
13. artikulua.
Mailegu zerbitzua, herritar guztiei irekia den doaneko zerbitzua da. Baldintza bakarra,
liburutegiko bazkide txartela eskuratzea da, zeinekin bazkide izaera lortzen da.
(Mailegatzailea, liburutegiko fondoak mailegatzen dituen pertsona da).
14. artikulua.
Liburutegiko bazkide txartela pertsonalki eskatu beharko da, horretarako prestatuta dauden
bazkide imprimakiak betez. Imprimakian honako datuak jaso ahal izango dira: Izena,
helbidea, telefonoa, NAN edo pasaporte zenbakia eta jaiotze data.
15. artikulua.
Bazkide txartela, transferiezina eta pertsonala da.
16. artikulua.
Bazkide txartelaren galerak, 3 eurotako isuna ordaintzea dakar.
17. artikulua.
Bazkideak liburutegiari jakinarazi beharko dio helbide aldaketak.
18. artikulua.
Bazkide txartelaren jabea, maileguan eramaten dituen dokumentuen erantzule da.
HIRUGARREN SAILA. Mailegu motak
19. artikulua.
Mailegu motak:
A. Mailegu pertsonala.
B. Mailegu kolektiboa.
C. Mailegu interbibliotekarioa.
A. Mailegu pertsonala
20. artikulua.
Bazkideek, 2 liburu, 2 aldizkari eta 2 ikus-entzunezko dokumentu eraman ahal izango du
maileguan.

5. 21. artikulua.
Liburutegiko zuzendaritzak, mailegutik kanpo dauden obrak edo aurreikusitakoa baino
mailegu epe laburragoak edo luzeagoak ezarri ditzazke, zerbitzuaren beharren arabera.
22. artikulua.
Maileguaren iraupena 20 egunekoa da liburuentzat eta 7 egun ikus-entzunezko dokumentu
(kaseteak, CD, bideoak, DVD, CD-ROM) eta aldizkarientzat. Mailegu guztiak berriztatu
daitezke, dokumentuak duen mailegu-epe berarekin.
23. artikulua.
Maileguen luzapena pertsonalki edo telefonoz eska daiteke, bazkide zenbakia eta
dokumentuaren barra kodea adieraziz.
24. artikulua.
Mailegu bat duen bazkideak, mailegatutako dokumentua zaindu beharko du eta dagokion
epean bueltatu. Mailegua egin aurretik dokumentuetan erreparatuko edozelako kalteak
liburutegiko langileei adierazi beharko dio.
25. artikulua.
Bazkideak maileguan eramandako dokumentua galdu ezkero, galdutako dokumentuaren
ezaugarri berak dituen beste batez ordezkatu beharko du.
26. artikulua.
Bazkideek mailegatutako dokumentuen erreserbak egin ditzazkete. Dokumentu berari
erreserba bat baino gehiago egin ezkero, eskaera daten araberako segida jarraituko da.
Bazkideari jakinarazi eta 7 egunetara baliogabetzen da erreserba bat.
27. artikulua.
Mailegua epean bueltatzen ez duen bazkideari, atzerapenaren jakinarazpen bat luzatuko zaio
eta mailegu zerbitzutik at mantenduko da, dokumentua itzuli bitartean.
28. artikulua.
Mailegua epean bueltatzen ez duen bazkideari, atzerapenaren arabera zigortuko zaio, alegia,
ezin izango du mailegu zerbitzua erabili denboraldi batean. Denboraldi hori, itzulpena egiteko
atzeratu den periodo bera izango da.
29. artikulua.
Araudi hauek betetzen ez dituzten bazkideei, liburutegiak behin betiko edo aldi baterako
mailegu zerbitzuaren erabilpena mugatu diezaieke
B. Mailegu kolektiboa

6. 30. artikulua.
Herri erakundeek (eskolak, erakunde kulturalak, etab.) edo pertsona taldeek, mailegu
kolektiboak egin ahal izango dute. Betebehar hauek izango dituzte:
—Mailegatu zaizkien liburu multzoak, aurreikusitako epean bere kontura jaso eta bueltatzea.
—Erakunde bakoitzak maileguaren arduradun bat izendatzea.
—Maileguarentzako arauak bete eta behar diren datu estatistikoak ematea.
—Mailegatutako dokumentuen galeren eta kalteen erantzunkizuna bere gain hartzea.
C. Mailegu interbibliotekarioa
31. artikulua.
Mailegu interbibliotekarioari esker, irakurleak nahi duen dokumentua kontsulta ahal izango
du, dagoen estatuko liburutegian dagoela, estatu mailako liburutegien arteko fondoen trukeei
esker.
32. artikulua.
Mailegu interbibliotekariotik kanpo geratzen dira: Aldizkako argitalpenak eta egunkariak,
erreferentzi obrak, materiale bereziak, liburuak ez direnak eta dokumentuen kontserbazio
kaltetu ditzazketen maileguak.
33. artikulua.
Mailegu eskaera egiteko, edozein inprimaki erabili ahal izango da, hartarako propio
prestatutako inprimakiak nahiago baldin badira ere. Eskaera hori, beste medio hauen bitartez
jaso edo bidali daiteke ere: Posta, posta elektronikoa, telefonoa eta faxa.
34. artikulua.
Mailegu interbibliotekarioaren iraupena, dokumentua jaso eta hilabete batekoa da.
35. artikulua.
Mailegatutako dokumentuaren zaintze egokia, liburutegi eskatzailearen ardura izango da.
36. artikulua.
Mailegatutako dokumentuan kalteak edo galerak zigortuak izango dira eta galdutako
dokumentua birjartzea behartuko da.
37. artikulua.
Mailegatutako dokumentua ezin izango da liburutegitik atera eta ez da inongo euskarritan
erreproduzitu ahal izango.

7. 38. artikulua.
Mailegatutako dokumentua behar bezala paketatua itzuliko da eta sor daitezken gastuak,
eskatzaileak ordaindu beharko ditu.
4. KAPITULUA
REPROGRAFIA
39. artikulua.
Dokumentuen kopia egitea erraztuko du liburutegiak, baldin eta kopiak egiteari buruzko
indarrean dagoen legedia errespetatzen bada eta dokumentuetan kalterik sortzen ez bada.
Kopien gastua, eskatzaileak beregain hartuko beharko ditu.
40. artikulua.
Liburutegian dagoen fotokopiagailuan egiten diren kopiak, ikerketa, heziketa eta ikasketa
helburuekin baino ezin izango dira egin.
41. artikulua.
Irakurleak bere kasa egin ahal izango ditu kopiak, baina inola ere ezingo du erreproduzitutako
obraren %20-a (Centro Españo de Derechos Reprográficos (CEDRO)) gainditu.
42. artikulua.
Jabetza Intelektual legeak babestutako idazleen eskubideen aurka egindako kopien erabileren
ardura, ez du beregain hartuko liburutegiak.
43. artikulua.
Liburutegi honetako fondoen kopiak egin nahi baldin badira ondoren argitaratzeko
helburuarekin, jarraian adierazten diren artikuluen baldintzatara atxiki beharko dira.
44. artikulua.
Liburutegi honetako fondoetako edozein testu edo ilustrazio argitaratu nahi duenak,
liburutegiko arduradunari eskatu beharko dio espresuki baimena.
45. artikulua.
Liburutegi honetako fondoen erabateko edo zatikako erreprodukzioak jasoten dituzten
argitalpenentan, berauen jatorria adierazi beharko da.
46. artikulua.
Liburutegi honetako fondoen erreprodukzioak erabiltzen dituzten argitalpenen kopia bat eman
beharko da liburutegira.

8. 5. KAPITULUA
FONDOEN DOHAINTZA
47. artikulua.
1.ºBere ondasunen jabe den edonork egin dezake fondoen dohaintza.
2.ºLiburutegiak, edozein pertsona fisiko zein pertsona juridikoren bitartez, jaso ditzake
fondoak dohaintzan.
48. artikulua.
Liburutegiko zuzendaritzak ebaluatuko ditu dohaintzan eskeintzen diren dokumentuak.
Horretarako kontutan izango da, jasotako dokumentuen gaurkotasuna, iraunaldia eta balio
patrimoniala eta erabakiko da zein den hauentzat erabilera aproposena.
49. artikulua.
1.ºDohaintza onargarria eta eraginkorra izango da, emaileak liburutegiaren onarpena
ezagutzen duen momentutik.
2.ºDohaintzak ez du emailea behartzen ez eta ondorioak ekartzen onarpenetik aurrera baino.
50. artikulua.
Dohaintza ezin izango da gauzatu, emailea adingabekoa denean, behar bezala baimendua ez
dagoenean edo legez ezindua denean.
51. artikulua.
Dohaintzaren onarpena, Alkateari edo Plenoari dagokio, Toki-Jaurpidearen legearen arabera.
52. artikulua.
Fondoen dohaintza ahoz zein idatziz egin ahal izango da.
53. artikulua.
Dohaintza fondoak eman ondoren, liburutegiak dagokion ordainagiria luzatu beharko du hala
eskatzen duten emaileei edo berak baimendutako pertsonari.
6. KAPITULUA
ORDUTEGIA
54. artikulua.
Liburutegiko ordutegia, astelehenetik ostiralera goizeko hamaiketatik ordubatera eta
arratsaledez lauretatik zortziretara izango da.

9. AZKEN XEDAPENAK
Lehen xedapena.
Liburutegiko bazkide izateak arau hauen onarpena dakar berekin.
Bigarren xedapena.
Arau hauetan jasotzen ez diren bestelako kasuetan, zuzendaritzako arduradunak erabakiko du
bidezkoena, kontutan izanda horretarako indarrean dagoen legedia eta zerbitzuaren onura.
Hirugarren xedapena.
Zerbitzuaren arduradunak, araudi honek jasotzen ez dituen supuestoetan, gai honi buruz
dauden goi-mailako arauak ezarri ditzake lehenen osagarri.