1. 2. PRAKTIKA
2.2. Musikogramak
1. Eginbeharra: Inoiz entzun al zenuen musikogramen berririk?
Erabiltzen al duzu zure lanean? Nola? Hemendik aurrera baliagarria
izango al zaizu?
Musikograma izena ez nuen sekula entzuna. Dena den, izena
ikusita, musikaren idazkerarekin nolabaiteko lotura izango zuela argi
geratzen zen.
Baina nire harridura etorri zen teoria eta praktikako materiala
ikusterakoan. Izan ere, ni Lehen Hezkuntzako haurra nintzenean
musikako irakasleak behin baino gehiagotan erakutsi zigulako horrelakoren
bat eta horiekin lan egin genuela ikusi nuen.
Egia esan, ez dut gogoratzen zein abesti lantzen genuen, baina L.
Mozart-en “Jostailuen sinfonia”-ren antzeko fitxa dut gogoan.
Nire lanean ez dut erabili, bi urtetan egon naiz lanean LH-ko 3.
zikloko tutore gisa eta musika musikako irakaslearen arloa bezala ikusten
nuen.
Egia da txikitatik musika gustatu izan zaidala eta nire etxean mota
guztietako musika entzun dela eta betidanik erakarri nauen gaia da,
baina inoiz ez dut neure burua musika irakasteko gai ikusi. Bai ikasleei
jartzen nizkiela ezagutzen ez zituzten aspaldiko abestiak. Hutsune handi
bat ikusten bainuen euren kultura eta ezagutza musikalean, gaur egungo
musikatik at.
Hemendik aurrera, musikograma baliabidetzat hartuta, musika
lantzeko gai ikusten naiz, pentagramekin musika irakurri eta idazten
jakin arren, lantzearekin konfiantza handiagoa emango didatelakoan
bainago.
Gainera, tutore gisa, ikasleekin tarte goxo bat emateko aukera gisa
ikusten dut.Elkarrekin gozatzeko aukera bat bezala ikusten dut.
2. 2. Eginbeharra: Erakutsi musikograma bat (sortua edo lortua) 4-6
urteko haurrentzako egokia dena. Ondorengoak landu:
Honakoan, Andersonen “Idazmakina” abestia lantzea aukeratu
dut. http://www.youtube.com/watch?v=LGcA9QKzEOQ
- Zergatik aukeratu duzu?
Haur guztientzat deigarria den abestia iruditzen zait eta musika
klasikoa gizartean aspergarritzat eta nagusien musikatzat ikuste hori
apurtzeko aukera ona ikusten dut.
Era berean, aspaldiko teknologiak ezagutzeko aitzakia ona da,
eztabaida interesgarri bat sortu dezakeena.
- Zer landu nahi da musikogramarekin?
Aipatu bezala, hainbat helburu bete ditzakeela ikusten dut:
- Musikan zailtasunak dituzten haurrei musikaz gozatzeko aukera berri
bat eskaintzea.
- Irudimena lantzea.
- Entzumena lantzea.
- Kontzentrazioa eta arreta lantzea.
Eta kasu honetan, bereziki:
- Musika klasikoa entretenigarria dela ikustea.
- Aspaldiko erremintak eta teknologiak ezagutzea.
3. - Haurrekin inoiz erabili al duzu? Erabiliko al duzu? Nola
aurkeztuko zenieke haurrei?
Haurrekin ez dut sekula erabili, baina esan dudan bezala, oso
interesgarria iruditzen zait lantzea eta etorkizun batean, aukera izanez
gero, lantzea gustatuko litzaidake. Horregatik, jarraian nola aurkeztuko
nukeen azalduko dut.
Kasu honetan lau aukera desberdin eskaintzen ditut. Aurrerantzean
nire musikograma propioak egitea gustatuko litzaidakeen arren,
momentuz, sortutakoekin ekingo diot lanari.
Haurrei abesti berri bat landuko dugula esango diet eta ea zeren
antza hartzen dioten edo burura zer dakarkien esango diet, gaur egun
idazmakinak askok ezagutuko ez dituztelako.
Horregatik, arbel digitalen baliabideak probestuz, idazmakinak
nolakoak ziren eta zein soinu ateratzen zuten erakutsiko diet:
IDAZMAKINA: http://www.youtube.com/watch?v=hDbcoVjLlks
4. Ondoren, musika irakurtzen era entretenigarri batean ikasiko dugula
esango nieke eta eraren bat bururatzen zaien galdetu.
Orduan, adinaren eta dituzten ezagutzen arabera ondorengo
musikogrametakoren bat erakutsiko nieke, errazenetik zailenera sailkatuta
aurkezten ditut:
1.: http://www.youtube.com/watch?v=rxfcsHD2U4g Bideoan bertan
azaltzen da nola jarraitu behar duten.
2.:
6. 5: Beraiek taldeka bat egitera bultzatuko nituzke.
Azken urrats bezala, nagusiagoak direnean abesti berberaren
pentagrama irakurtzen erakutsiko litzaieke, bai tutoreak berak bai
musikako irakasleak, elkarlan baten barruan ere badagoela ikus dezaten.
7. 3. Eginbeharra: Bururatzen al zaizu zerbait ezberdina? Azaldutako
praktikaz gain beste ideiaren bat al duzu? Kontaiguzu. Konpartitu. Nahi
izanez gero, foroan ere aurkez ditzakezu.
Denok konturatuko ginen bezala, musikogramak gehienetan musika
klasikoarekin loturik daude eta hori dela eta, musika modernoarekin lotzea
gustatuko litzaidake. Horretarako, trebetasun pixka bat lortzea gustatuko
litzaidake nire musikograma propioak sortzeko. Bitartean topatutakoekin
konformatu beharko.
Orkestrako musika izan arren haurrek ezagutzen duten “Piratas del
Caribe-ko BSO”-a topatu dut:
http://www.youtube.com/watch?v=KRqR9Iz9Ycc
Jarraian, El Canto del Loco-ren “Besos” abestia:
http://www.youtube.com/watch?v=1cp5GR-Hesw
Bestalde, tutorial bat topatu dut Flash-en musikogamak egiteko,
arestian aipatutako arbel digitalari etekina ateratzeko:
http://www.youtube.com/watch?v=2eOygkyg93E
Amaitzeko, esan nahiko nuke, ahizpari eta bioi txikitan “Fantasía”
pelikula oparitu zigutela eta oso erakargarria egiten dela, niri bereziki
ikusi nuen lehenengo aldian. Oso landua dago eta oso aberatsa iruditzen
zait eta gai honi esker jakin izan dut musikograma bat dela. Honekin eta
lehenengo ariketan esandakoarekin azpimarratu nahiko nuke askotan
baliabideak eskaini dizkigutela eta baita guk baliatu ere, zer erabiltzen
ari ginenaz kontziente izan gabe. Eta etorkizunari begira, ez haur
txikiekin baina bai 6 urtekoei eta nagusiagoei aipatu ahal zaiela
musikograma hitza, behintzat ezaguna izan dezaten. Egin gaitezen eta
egin ditzagun kontziente ikasten denaz.
