1. 3. Barrapunto (/.) kazetarientzat
Barrapunto, ingelesez Slashdot deituriko sare sozialaren kopia bat dela esan daiteke, izan
ere bere sorrera Slashdoten oinarrituta dago. “/.” Zeinuez ezaguna, teknologiaren inguruko
albisteak argitaratzen dituen sare soziala da. 1999an sortu zen, eta gaur egun erabiltzen
duen softwarea librea Slash da. Barrapunto erreferentzia bat da iada jende hispanoaren
artean, eta albisteak irekian argitaratzen diren webgunea da, baina editore batzuen
menpean beti ere. 2004.en urtetik aurrera, bertan argitaratzen diren notiziak Creative
Commons-By lizentziapean argitaratzen dira. Barrapuntok gainera, online 20 minutos
egunkariak aurkeztutako Premios 20blogs-en, “mejor comunidad de blog” saria
irabazitakoa da.
Barrapunton parte hartzen duen jende gehiena informatikan eta teknologian aditua edo
zaletua den jendea izan ohi da, eta espezialki Linux/GNU software libreak gustoko
dituztenak. Barrapunton erabiltzen diren gai garrantzitsuenak hauek dira: zientzia,
formakuntza eta lana, liburuak, aisia... eta guztiaren gainetik ziberzuzenbidea eta software
librea.
Hau azaldu ondoren, askok galdetu dezakezue, eta honek zer zerikusi dauka sare
sozialak eta kazetaritzarekin?. Ofizioz kazetariak diren pertsonek egia esan, ez dute
zuzeneko eraginik normalean Barrapunton, baina esan beharra dago kazetari herrikoiak
edo barnean kazetari sena duten edozein pertsonak parte hartzen duen weblog-a da.
Weblogak esan nahi du, argitaratzen diren azken albisteak aurrena agertuko direla. Izan
ere, beste hedabide batzuetako informazioa zabaltzen baita, enlace edo link bidez.
Bestalde, sare honetan parte hartzen duten pertsonak, beste ia guztietan bezala,
erregistratu beharra daukate, eta horretarako, hemen ere posta elektronikoa behar da.
Behin barnean zaudela, nahi duzun sekzioari buruzko informazioa jaso dezakezu,
pantailaren ezker aldean ageri den secciones atalaren barnean. Eta hau baino
beheraxeago, Barrapunto atalean, barrapuntoren zerbitzuei buruzko informazioa eskuratu
dezakezu.
Informazioa egunean bi aldiz eguneratzen da, eta administratzaileari dagokio zuk
igorritako edukia balioztatzea edo baliogabetzea. Horrez gain, bitakora eta beste hainbat
atal daude Barrapunton, elkar interaktuatzeko. Karma deituriko balorazio prozesua ere
badago; eta hau, erabiltzailearen edukien kalitatearen arabera handiagoa edo txikiagoa
izango da, eta honek prestigioa gehitu edo kentzeko balio du.