1. Condición física na praia de Samil
O día trece de abril o alumnado de 2º ESO fixo unha saída a praia de Samil. Neste extraordinario paraxe
traballamos a condición física.
O entrenamento na praia permite:
o O traballo descalzo. Deste modo os pés refórzanse notablemente previndo a aparición de lesións na
súa bóveda.
o Ao ser unha superficie menos dura, non provoca tanta sobrecarga articular como a pista, o asfalto
ou os camiños.
Segundo os tipos de area pódense efectuar distintos traballos:
o A da area seca (máis lonxana ao mar), os pés afúndense. Zona ideal para exercicios de traballo de forza
individual e por parellas, arrastres, loitas, multisaltos a pés xuntos.
o A zona de area case seca e prensada é ideal para exercicios de técnica de carreira, velocidade ata 20
m, multisaltos de todos os tipos.
o A zona de area dura onde van e veñen as ondas. A dureza do chan é a máis parecida á da pista aínda que
algo máis branda. Nesta zona pódense facer os mesmos traballos que na anterior; é a zona ideal para a
carreira continua.
o A zona na que a auga chega ao nocello é óptima para o trote de final da sesión, para exercicios de
técnica de carreira que obriguen a elevar os xeonllos.
Este é un medio moi útil porque permite efectuar grande cantidade de xogos sen riscos de caídas
traumáticas. Tamén psicoloxicamente é moito máis relaxante e agradable o traballo na praia que no pavillón,
ximnasio..etc.