Formaltasun-maila lan-eremuko idatzizko testuetan nola kudeatzen den aurkezten da

1. Lan-eremuan erabiltzen diren idatzizko testuak

2. FORMALTASUNARI BURUZ... Lan-eremuko testu guztiek ez dute formaltasun-maila bera; hemen ere, testuinguruaren eta asmo komunikatiboaren araberakoa izango da. Hala ere, ezin dira informalak izan, azken batean idatzizkoa bertan geratzen baita jasoa. Aurrez aurre harreman informalak ditugunean ere, idatzizkoetan errespetua eta distantzia minimoa gorde behar da. Idatzi informalenak ere ondo berrikusi behar ditugu, gure enpresaren eta gure geure irudia islatzen baitute.

3. Hain formalak ez diren idatziak: - Ohar laburrak - Bilera bateko oharrak, apuntetxoak - Posta elektronikoak, hartzailearen arabera (lankideentzakoak, adibidez) - Idatzizko elkarrizketak edo bilerak (txat bidezkoak) - Jarraipideak, hormetako oharrak

4. Idatzi formalak: - Bilera-deiak eta aktak - Posta elektronikoak, hartzailearen arabera (zuzendaritzara bidaltzekoak, kanpo-harremanetakoak) - Merkataritza-gutunak (enpresaren komunikazio-estiloaren arabera) - Idatzizko txostenak - Curriculum vitae-a eta aurkezpen gutuna - Jarraipideen liburuki teknikoak - Enpresaren arautegia

5. Hizkera formal idatziaren ezaugarri nagusiak: - Euskara batuaren idaztarauak errespetatzen dira - Informazioa argitasunez eta zehaztasunez azaltzen da - Hiztegia bereziki zaintzen da, hitz iraingarri edo bortitzegien ordezko formala erabiliz - Agintera edo galdera zuzena gutxiago erabiltzen da eta subjuntibera eta zehar-estiloa erabiltzen dira adierazpidea leuntzeko - Azalpenezko sintaxi-egiturak ohi baino maizago erabiltzen dira: -enez, bait-, ba-...ere, -ta/-rik ere...