2. Լուսին, լուսին,
Կլոր լուսին,
Սարի ուսին
Բոլոր լուսին,
Լույսի կրակ
Շողն երեսին,
Ամպի բարակ
Քողն երեսին,
Մթնով դուրս գա,
Լույսով տուն գա,
Լուսին, լուսին,
Կլոր լուսին,
Աստղ ու լուսին
Միշտ միասին:
Սա մայրիկս է,
Սա հայրիկս է,
Սա էլ կրտսեր
Իմ քույրիկն է:
3. Հանելուկներ
Մութ երկնքով
Ամեն ամիս
Կիսատ դեմքով
Ման եմ գալիս,
Բոլորում է`
Իմ երեսը
Կլորում է…
Ալևոր եմ սպիտակ,
Բերում եմ բուք ու սահնակ,
Կարմիր ներկում այտ, երես,
Ասեք, տեսնեմ` ով եմ ես:
4. Շուտասելուկներ
Սարի ուսին, սիրուն լուսին,
Սիրուն լուսին` սարի ուսին:
Լուսիկ, լուսիկ լուսերես,
Լուսնի մասին լուր ունե՞ս:
Լուսամուտին լայն ու լույս
Նստեց փիսոն սուս ու փուս:
5. Սանասա'ր,
Սա լուսին է,
Իսկ սա` սար:
Կիսալուսին,
Կիսալուսին,
Ե՞րբ կդառնաս
Լիալուսին:
Ասատո'ւր, սուր-սուր մասուր տուր,
Սուր-սուր մասուր տուր, Ասատո'ւր: