GRADE V

1. Paunang salita…………………………1
Panimula………………………………..2
Pagsasanay…………………………….3
Mga sagot sa pagsasanay
Pagtatalakay……………………………4-5
Ikalawang Pagsasanay……………….6
Mga sagot sa Ikalawang Pagsasanay
Bibliyograpiya…………………………..7

2. Mahal naming mambabasa,
Ang Modyul na ito ay ginawa para sa iyo. Layunin
nitong tulungan ka sa iyong pag-aaral, tinatalakay nito ang
tungkol sa Pandiwa at ang mga aspekto nito. Sa
pamamagitan ng modyul na ito ay maari ninyong gamitin
ang inyong kakayahan at kahusayan sa pang-unawa at
pagsagot ng mga pagsasanay na buong sipag na aming
inihanda para sa iyo.
Nawa ito ay iyong magustuhan!
~Ang mga may-akda~

3. Ang pandiwa o berbo (Verb) ay bahagi ng pananalita na
nagsasaad ng kilos o galaw.
Ilan lamang sa mga halimbawa nito ay tumakbo, bumili,
kumanta, sumayaw at iba pa.
Sa modyul na ito ay iyong matutunan ang mga iba pang
impormasyon tungkol sa pandiwa at ang aspekto nito.
Ingatan ninyo sana ang modyul na ito, at lagi ninyo
itong basahin!

4. Panuto: Piliin ang titik ng tamang sagot.
1. Ito ay isang pananalita kung saan ito ay nagsasaad ng kilos o gawa.
a. Pang-uri c. panghalip
b. Pandiwa d. pangngalan
2. Ano ang iba pang tawag sa pandiwa
a. Pandiliwa c. pang-uri
b. Pananalita d. berbo o verb
3. Alin ang halimbawa ng pandiwa?
a. maganda c. maalat
b. tumakbo d. tamad
4. Ang pandiwa ay isang uri ng ___ na nagsasaad ng kilos o galaw.
a. pananalita c. tradisyon
b. kaugalian d. panngalan
5. Ano ang isinasaad ng pandiwa?
a. katangian c.tradisyon
b. kilos o galaw d.paghahambing

5. Ang pandiwa o berbo ay isang pananalita ng angsasaad ng kilos
o galaw at nagbibigay buhay sa isang lipon ng mga salita. Ito ay
binubuo ng salitang-ugat at panlapi. Maaaring gumamit ng isa o higit
pang panlapi sa pagbuo ng salitang kilos na ito. Ang panlaping
ginagamit sa mga pandiwa ay tinatawag na panlaping makadiwa.
May tatlong aspekto ang pandiwa. Ang aspekto ng pandiwa ay
nagpapakita kung kalian nangyari, nangyayari o ipagpapatuloy pa ang
kilos.
1. Perpektibo o pangnagdaan - ito ay nagsasaad ng kilos na
naganap o nangyari na. Tinatawag din itong aspektong naganap.
Halimbawa:
Nagpaalam si Nena sa kaniyang nanay na siya ay aalis.
Nagluto si Mang Kulas ng adobong manok.

6. 2. Imperpektibo o Pangkasalukuyan - ito ay nagsasaad ng
kilos na kasalukuyang nagngyayari. Tinatawag din itong
aspektong nagaganap.
Halimbawa:
Naglalaba si Aling Bining sa ilog.
Nagwawalis si Nena sa kanilang bakuran.
3. Kontemplatibo o Panghinaharap – ito ay nagpapahayag na
ang kilos ay gagawin pa lamang. Tinatawag din itong aspektong
magaganap.
Halimbawa:
Magbibigay ng pagsusulit an gaming guro bukas ng umaga.
Maglalaro kami ng basketbol sa susunod na Biyernes.

7. Panuto: Basahing mabuti ang mga sumusunod na pangungusap. Guhitan ang pandiwa
at isulat ang aspekto nito.
1. Nagdidilig ng halaman si Aling Nena.
2. Maghahandog ng tulong ang Red Cross sa mga kababayan nating biktima ng
mga trahedya.
3. Namitas si Carlo ng mangga kahapon.
4. Mamimili kami sa palengke bukas.
5. Naglaro si Arnold ng videogames noong sabado.
6. Nagluluto si Aling Julie ng pininyahang manok.
7. Sila ay pupunta sa Boracay sa bakasyon.
8. Kami ay maghahanda para sa darating na kaarawan ng aking pinsan.
9. Nagtitinda ng halu-halo si Mang Pedring.
10. Nagtungo si Julius sa Maynila upang humanap ng trabaho.

8. http://WIKIFILIPINO.COM
http://FILIPINOTAGALOG.BLOG.SPOT.COM
https://prezi.com/orPREZI.COM
http://teksbook.blogspot.com/Gabaysapag-aaral/

10. MGA SAGOT SA PAGSASANAY
1. b
2. d
3. b
4. a
5. b
MGA SAGOT SA IKALAWANG PAGSASANAY
1. Nagdidilig - Imperpektibo o pangkasalukuyan
2. Maghahandog - Kontemplatibo o Panghinaharap
3. Namitas - Perpektibo o pangnagdaan
4. Mamimili - Kontemplatibo o panghinaharap
5. Naglaro - perpektibo o pangnagdaan
6. Nagluluto - Imperpektibo o pangkasalukuyan
7. Pupunta - kontemplatibo o panghinaharap
8. Maghahanda – kontemplatibo o panghinaharap
9. Nagtitinda - imperpektibo o pangkasalukuyan
10. Nagtungo - perpektibo o pangnagdaan