Más contenido relacionado
La actualidad más candente (20)
Similar a Э.Базарваань - Монголын хөрөнгийн биржийн үнэт цаасны арилжаанд техник шинжилгээ ашиглан ханшийг таамаглах боломж (20)
Э.Базарваань - Монголын хөрөнгийн биржийн үнэт цаасны арилжаанд техник шинжилгээ ашиглан ханшийг таамаглах боломж
- 1. Монголын хөрөнгийн биржийн үнэт цаасны арилжаанд техник шинжилгээ
ашиглан ханшийг таамаглах боломж
Энхбаатар овогтой Базарваань
ШУТИС,
Компьютерийн, техникменежментийнсургууль
Санхүү менежмент 3-р курс
Bazraa_s@yahoo.com
ХУРААНГУЙ
Энэхүү эрдэм шинжилгээний ажилд Монголын хөрөнгийн бирж дээр арилжаалагдаж
буй үнэт цаасны үнэ ханшийг техник шинжилгээ ашиглан таамаглаж дүн шинжилгээ
хийсэн билээ. Монголын хөрөнгийн зах зээлийг мэргэжилтнүүд судалж үзээд үр
ашиг султай зах зээл гэж дүгнэсэн дүгнэлт байдаг. Иймээс суурь шинжилгээгээр
үнэт цаасны үнийг таамаглах төдийлөн үр дүнгүй учраас техник шинжилгээ хийж
үнэт цаасны үнийг таамаглаж үзлээ. Энэ ажлын үр дүнд техник шинжилгээний
индикаторуудыг зөв хослуулан ашиглаж үнэт цаасны ирээдүйн үнэ ханшийг өндөр
магадлалтайгаар таамаглах боломж олгож байна.
Түлхүүр үг:тренд, индикатор,платформ, үнийн график
ОРШИЛ
“Хөрөнгийн зах зээлд 90% нь 10%-ийнхаа ашгийг санхүүжүүлдэг” гэсэн үг байдаг.
Энэ нь нийт арилжаанд оролцож буй арилжаачдын ихэнх нь зөв шинжилгээ хийж
чадалгүй буруу шийдвэр гаргадагтай холбоотой. Монгол оронд 1991 онд Монголын
хөрөнгийн бирж /МХБ/ үүсгэн байгуулагдаж анхны брокер диллерийн компаниуд
байгуулагдсан цагаас хойш 23-н жил үйл ажиллагаагаа явуулж байгаа бөгөөд
сүүлийн жилүүдэд хөрөнгийн зах зээл идэвхжиж байна. Гэвч үр ашиг султай
хөрөнгийн зах зээлд үнэт цаасны арилжаа төдийлөн хөгжөөгүй байгаа билээ. Зах
зээлд мэдээлэл бага зарлагддаг, зарлагдсан мэдээллийг нь үнэн гэдгийг батлах
баримт нь ил тод бус, хөрөнгө оруулагчид мэдээлэлдээ итгэдэггүй, шинэ мэдээлэл
олж авах, түүнийг хайж, илрүүлэх хүчин чармайлт багатай гээд эцсийн бүлэгт
хувьцаат компаниудын мэдээллийн ил тод байдал, нөгөө талаас мэргэжлийн
байгууллагуудын үйлчилгээ, мөн хөрөнгө оруулагчдын өөрсдийх нь боловсролын
түвшинд муу учраас манай орны арилжаачдын хувьд хамгийн тохирсон шинжилгээ
нь техник шинжилгээ юм. Тиймээс техник шинжилгээг хэрхэн хийх талаар энэхүү
ажлын хүрээнд судалсан билээ.
ОНОЛЫН ХЭСЭГ
Техник шинжилгээ:
- 2. Техник шинжилгээ гэдэг нь зах зээлийн судалгааг тухайн зах зээлийн тоон үзүүлэлт,
хувь, хүснэгт график, эрэлт нийлүүлэлтийн хэмжээ болон тухайн зах зээлийн өмнөх
цаг үеийн тоон үзүүлэлтүүд гэх мэт дээр тулгуурлан цаашдын төлөвийг тодорхойлох
үйл явц юм. Техник анализ нь хэрэглэж буй тоон үзүүлэлтүүдийн нарийвчлалаас
ихээхэн шалтгаалах бөгөөд суурь анализийн нэгэн адилаар дангаар нь ашигласан ч
амжилтанд хүрэх боломжтой гэдэг.Техник шинжилгээний зорилго бол зах зээлийн
хөдөлгөөнийг үнийн графикийн тусламжтайгаар судалж цаашид үнийн хөдөлгөөн
ямар байхыг таамаглах явдал юм. Тухайн үнэт цаасны эрэлт ба нийлүүлэлтийн
тэнцвэр нь үнэ болно. Тенхик шинжилгээ нь дараах гурван зарчимд үндэслэгдэнэ.
1. Зах зээл бүгдийг тооцно (үнэ бүгдийг тооцсон байна)
Үнэ ханшинд нөлөөлж болох бүх хүчин зүйлийг (эдийн засгийн, улс төрийн, сэтгэл
зүйн г.м) зах зээл тооцоод үнэ ханшинд багтаасан байна. Үнийн графикийг судалж
байж үнийн хөдөлгөөнийг таамаглах боломжтой. Гэхдээ үнэ ханшинд нөлөөлөх
хүчин зүйлийн хугацаа өөр байж болохыг анхаарах хэрэгтэй. Зарим хүчин зүйл маш
хурдан нөлөөлдөг бол зарим нь хэсэг хугацааны дараа байж болно.
2. Үнийн хөдөлгөөн тодорхой чиглэлтэй байна (үнийн хөдөлгөөн чиг хандлагатай
байна)
Үнийн хөдөлгөөн тодорхой нэг чиглэлд явагдах чиг хандлагыг тренд(trend) гэж
нэрлэнэ. Тренд нь техник шинжилгээний гол судлагдахуун болно. Трендийг гурав
ангилдаг.
Бух тренд(bullish trend)- үнэ дээшээ өсөх тренд. Хөрөнгийн биржийн бэлэг
тэмдэгийн нэг болох бух эврээрээ дээш нь сэжиж үнэ өсгөж байна гэсэн зүйрлэлээр
“Бух” гэж нэрлэдэг.
Баавгай тренд(bear trend)–үнэ доошоо унах тренд. Баавгай үнийг биеэрээ дарж доош
унагах гэсэн билэгдлээр “Баавгай” гэж нэрлэдэг
Хэвтээ тренд(flat, sideways trend) – үнийн хөдөлгөөн тогтвортой хэвтээ чиглэлийн
графикийг хэлнэ. Үнийн үгцом өөрчлөлтийн өмнө үнэ хэвтээ байрлалд орно. Өөрөөр
хэлбэл зах зээл хүлээсэн түвшинд байна гэсэн үг юм.
Трендийг үргэлжлэх байдлаар нь:
Богино хугацааны
Дунд хугацааны
Урт хугацааны гэж хуваана
Трендийг явцаар нь:
Трендийн эхлэх үе
Трендийн дунд үе
Трендийн төгсгөл үе гэж хуваана.
- 3. 3. Түүх давтагдана
Түүхийн янз бүрийн хугацаанд физик, эдийн засгийн, сэтгэл зүйн гэх мэт байгаль ба
нийгмийн хуулиуд үйлчилсээр ирсэн. Өнгөрсөнд үйлчилж байгаа хууль дүрмүүд
одоо ч ирээдүйд ч үйлчилсээр байх болно. Энэ нь техник шинжилгээг хийх болон
үнийн ирээдүйг таамаглах үндэслэл болдог. Техник шинжилгээгээр үнийн
хэлбэлзлийг харж болно. Үнийн хэлбэлзэл нь:
Ханшийн савалгаа бага буюу үнийн хэлбэлзэл нарийн зурвасын хэмжээнд явагдана.
Ханшийн савалгаа их буюу үнийн хэлбэлзэл дундаж түвшингээс холдож явагдана.
Техник шинжилгээний төрлүүд, түүний индикаторууд:
1. Шугаман шинжилгээ
1.1 Чиглэлийн шинжилгээ
1.2 Лааны шинжилгээ
1.3 Эллиотын даваргааны онол
1.4 Pattern, График дүрсүүдийн шинжилгээ
1.4.1 Head and shoulder
1.4.2 Cup and Handle
1.4.3Triangles
1.4.4 Pennat and flag
1.4.5Triple tops and bottoms
1.4.6Rounding bottom
1.5 Fibonacci шинжилгээ
1.5.1 Фибоначчийн хөндлөн эсэргүүцлээр (Fibonacci retracement)
1.5.2 Фибоначчийн түнэл (Fibonacci channel)
1.5.3 Фибоначчийн алтан огтлолт дэвүүр (Fibonacci fan)
1.5.4 Фибоначчийн нум (Fibonacci Arcs)
2. Индикаторын шинжилгээ
2.1 Тренд буюу үнийн чиг хандлага
2.1.1 Дэмжих ба эсэргүүцэх түвшин
2.2 Гулсах дундажын шинжилгээ
2.2.1 Simple moving average – Энгийн хөдөлгөөний дундаж
2.2.2 Weighted moving average – Жигнэсэн хөдөлгөөний дундаж
- 4. 2.2.3 Exponential moving average – Жигнэсэн хөдөлгөөний дундаж
2.3 Үнийн чиг хандлагын суваг
2.3.1 Өсөх (дээд ба доод цэгүүд дээш өснө)
2.3.1 Уруу (дээд максимумын цэгүүд доошилно)
2.3.2 Хэвтээ (үнэ бага хэмжээнд өөрчлөгдөнө)
2.4 Техникийн индикаторууд ба математик томьёолол
2.4.1 Avarage true range, ATR индикатор
2.4.2 DeMarker, Демаркийн индикатор
2.4.3 Detrended price oscillator, DPO индикатор
2.4.4 Elder Rays, элдэрийн цацраг индикатор
2.4.5 Envelopes Дугтуй индикатор
2.4.6 Force Index, FRC Хүчний индекс индикатор
2.4.7 Moving average of convergence and divergence, MACD индикатор
2.4.8 Relative Strength Index, RSI индикатор
2.4.9 Relative Vigor Index, RVI индикатор
2.4.10 Ichimoku Kinko Hyoиндикатор
2.4.11 Моментум индикатор
2.4.12 Williams Percent Range, %R индикатор
2.5 Трендийн индикаторууд
2.5.1 ADX индикатор
2.5.2 Bollinger Bands (BB 20), Боллинжерын индикатор
2.5.3 Commodity Channel Index, CCI индикатор
2.5.4 Parabolic SAR индикатор
2.5.5 Standart deviation, StdDvиндикатор
2.5.6 Билл Вильяамсын индикаторууд
2.5.7 Alligator, Матар техникийн индикатор
2.5.8 Awesome осциллятор
2.5.9 Fractals, Фракталз индикатор
2.5.10 Gator Oscillator, Готар осциллятор
- 5. 2.5.11 Market Facilitation Indesx, MFI индикатор
2.5.12 A/D, Хуримтлал/хувиарлалтын индикатор
2.5.13 Money flow Index индикатор
2.5.14 Volume Rate of Change, эзлэхүүн өөрчлөлтийн индикатор
Одоогийн байдлаар зуу зуун индикаторууд байдаг бөгөөд хүмүүс дээрх
индикаторуудыг арилжаанд хамгийн өргөн хэрэглэдэг байна. Эдгээр индикаторууд
нь бүгд өөр өөрийн гэсэн утга илэрхийлдэг. Үнэт цаасны үнэнд ямар хүчин зүйл
нөлөөлж байгааг харуулдаг эдгээр индикаторуудыг зөв хослуулан хэрэглэж хүчин
зүйлсийн нөлөөг бүх талаас харж зөв шинжилснээр үнэт цаасны ирээдүйн үнийг зөв
таамаглахад илүү дөхөм болох юм.
Үнэтний цаасны ханшинд ижил төсөөтэй утга илэрхийлж түүнд нөлөөлж буй хүчин
зүйлсийг илүү найдвартай шинжилж үзэх үүднээс тодорхой бүлэгт хуваан ангилж
үзье.
Шинжилгээ ба түүний индикаторуудыг ангилах нь:
A.Ханшид арилжаачдын сэтгэл зүй нөлөөлж байгааг харуулах шинжилгээ ба
индикаторууд:
Энэ бүлэгт багтах индикаторуудыг арилжаачдын сэтгэл зүйтэй холбож тайлбарладаг
бөгөөд өсөлт болон уналт нь тодорхой нэг түвшнээр хязгаарлагддаг гэсэн санааг
агуулдаг. Өөрөөр хэлбэл арилжаачдын сэтгэл зүйн байдал тогтворгүй болж,
эргэлзээнд орж худалдан авах эсвэл зарах ажиллагаагаа түр зогсоодог бөгөөд энэ үед
үнэт цаасны үнэ түр тогтворждог гэсэн үг юм. Харин тэр түвшнийг сэтлэн гарвал
эргэлзээгүй зарах, худалдан авах үйл ажиллагааг дараагийн түвшин хүртэл хийдэг
байна.
1. Дэмжих ба эсэргүүцэх түвшин
2. Сувгууд
Өсөх (дээд ба доод цэгүүд дээш өснө)
Уруу (дээд максимумын цэгүүд доошилно)
Хэвтээ (үнэ бага хэмжээнд өөрчлөгдөнө)
3. Fibonacci шинжилгээ
Фибоначчийн хөндлөн эсэргүүцлээр (Fibonacci retracement)
Фибоначчийн түнэл (Fibonacci channel)
Фибоначчийн алтан огтлолт дэвүүр (Fibonacci fan)
Фибоначчийн нум (Fibonacci Arcs)
4. Эллиотын даваргааны онол
- 6. Б.Ханшинд үл мэдэгдэгч зүйлс нөлөөлж байгааг харуулах шинжилгээ ба
индикаторууд:
Энэ бүлэгт хамаарагдах индикаторууд нь үнэт цаасны үнэ ханшинд зах зээлээс ямар
нэгэн хөдөлгөгч хүч ямар хүчээр үйлчилж байгааг харуулдаг загварууд юм. Өөрөөр
хэлбэл үнийн хэлбэлзэл үүсэх болсон шалтгаан нь арилжаачдад ямар нэгэн үл
мэдэгдэгч хүч нөлөөлж үнийг огцом бууруулж бас өсгөдөг гэсэн утгатай. Макро
эдийн засгийн зүгээс нөлөөлсөн нөлөөлөл гэж ойлгож болно.
1. Elder Rays, элдэрийн цацраг индикатор
2. Force Index, FRC Хүчний индекс индикатор
3. Moving average of convergence and divergence, MACD индикатор
4. Relative Strength Index, RSI индикатор
5. Williams Percent Range, %R индикатор
6. Alligator, Матар техникийн индикатор
7. Awesome осциллятор
8. Gator Oscillator, Готар осциллятор
В.Түүх давтагдана гэсэн үзэл баримтлалд үндэслэсэн практик шинжилгээний
аргууд ба индикаторууд
Энэ бүлэгт хамаарагдах шинжилгээнүүд нь өмнөх туршлага дээр үндэслэн гарагсан
шинжилгээний аргууд бөгөөд тухайн үзэгдэл буюу дүрс үүссэн тохиолдолд
таамаглал биелдэг гэж үздэг бөгөөд зөрж байсан тохиолдол тун ховор гэдгийг
арилжаачид баталдаг.
1. Япон лааны шинжилгээ
2. График дүрсүүдийн шинжилгээ
Head and shoulder
Cup and Handle
Triangles
Pennat and flag
Triple tops and bottoms
Rounding bottom
Аливаа бизнест ашиг олохын тулд өөрсдийн гэсэн стратегиийг боловсруулах нь
чухал. Үүнтэй адил үнэт цаасны арилжаанд оролцогч өөрийн гэсэн стратегийг
боловсруулах хэрэгтэй. Хэрэв та ямар нэгэн стратеги боловсруулж амжаагүй бол
арилжаанд орох гэж яарсны хэрэггүй. Харин энэхүү ажлын хүрээнд бүх хийсэн
судалгаа шинжилгээний үр дүнд би өөрийн гэсэн стратегийг боловсрууллаа.
Стратеги:
- 7. 1. График шинжилгээ
Хамгийн түрүүнд арилжаачин графикийг сайтар ажиглаж ямар нэгэн техник
шинжилгээний дүрс үүссэн эхэсийг ажиглах хэрэгтэй. Хэрэв техник шинжилгээний
график шинжлэлийн ямар нэгэн дүрс үүссэн бол та түүнийг тэмдэглэн дараагийн
индикаторыг тавих хэрэгтэй.
2. Чиглэлийн шинжилгээ
Трендийг шинжилж үзэхийн тулд чиглэлийн шинжилгээг хийж трендийг
тодорхойлох хэрэгтэй.
3. Арилжаачдын сэтгэл зүйн шинжилгээ
Арилжаачдын сэтгэл зүйн хэрхэн байгааг судлахын тулд сэтгэл зүйн сэтгэл зүйн
бүлэгт багтах индикатор буюу нөлөөллийг харуулах түвшний шугамыг тавих
хэрэгтэй.
4. Үл мэдэгдэгч хүчийг шинжлэх
Ханшинд ямар нэгэн үл мэдэгдэгч хүч нөлөөлж буйг шалгахын тулд үл мэдэгдэгч
хүчийг заах индикоруудаас тавих хэрэгтэй.
Жишээ нь:
1. графикийг сайтар ажиглах
2. Фибоначчийн хөндлөн эсэргүүцлээр (Fibonacci retracement) +
3. Weighted moving average – Жигнэсэн хөдөлгөөний дундаж +
4. Moving average of convergence and divergence, MACD индикатор
5. Шийдвэр гаргах
СУДАЛГААНЫ ХЭСЭГ
Монголын хөрөнгийн биржид бүртгэлтэй нийт 336 хувьцаат компани байдаг. Эдгээр
компаниудаас зах зээлийн үнэлгээ, арилжааны идэвхээрээ бусдаасаа манлайлдаг
шилдэг 20 компанийг ТОП-20 индекс гэж нэрлэдэг. ТОП 20 компанийн үнэт цаасны
ханш, эрэлт нийлүүлэлтээсээ шалтгаалж буурах тохиолдолд индекс дагаад буурч,
өсвөл дагаад өсч байдаг. 2000 оноос эхлээд индексийн журамд өөрчлөлт орж ТОП-75
индекс тооцдог байснаа ТОП-20 болж өөрчлөгджээ. ТОП-20-г шалгаруулахдаа хагас
жил тутамд тодорхой шалгуураар сонгон шалгаруулж багц бүрдүүлэн тооцдог байна.
ТОР-20 индекийг тооцохдоо
1. Зах зээлийн үнэлгээ – Тухайн ХК-нийн хувьцааны тоог тухайн өдрийн
арилжааны хаалтын ханшаар үржүүлж гаргана.
2. Арилжааны өдрийн дундаж гүйлгээ – Тухайн үнэт цаасны сүүлийн хагас
жилд арилжигдсан арилжааны үнийн дүнг арилжаа явагдсан өдөрт нь хувааж
гаргана.
- 8. s Компаний нэр
ТОР-20 индекст
н л л х хувьө өө ө
13 BNG БАЯНГОЛ ЗБ 2,89%
22 TCK ТАЛХ ЧИХЭР 1,79%
90 APU А.П.У 38,90%
209 MCH МОН ЦАХ ХОЛБОО 1,80%
309 SHG ШАРЫН ГОЛ 11,50%
317 SIL СИЛИКАТ 1,04%
354 GOV ГОВЬ 5,23%
396 BAN БАГАНУУР 3,08%
444 BDL МОГОЙН ГОЛ 0,75%
458 TTL ТАВАН ТОЛГОЙ 10,81%
460 SHV ШИВЭЭ ОВОО 1,12%
135 SUU СҮҮ 2,00%
484 UID УЛСЫН ИХ ДЭЛГҮҮР 2,16%
3 ULN УЛААНБААТАР 4,36%
517 MSH МОНГОЛ ШИЛТГЭЭН 1,19%
521 JTB ЖЕНКО ТУР БЮРО 1,17%
522 BDS БИ ДИ СЕК 4,76%
524 MDR МОНГОЛИА ДЕВЕЛОПМЕНТ РЕСОРСЕС 1,65%
530 RMC РЕМИКОН 1,97%
532 HGN ХӨХ ГАН 1,84%
100,00%
Хүснэгт1. ТОР-20 индекс ба түүний өөрчлөлтөд компаниудын нөлөөлөх хувь
Эдгээр компаниудаас ТОР-20 индексийн өөрчлөлтөнд хамгийн их нөлөөтэй А.П.У-
38%, Шарын гол-11,5%, Таван толгой-10,81%, Говь-5,23%, БИ ДИ СЕК-4.76% гэсэн
5-н компаний хувьцаан дээр техник шинжилгээ хийж үзлээ.
- 9. 1. А.П.У ХК-ий хувьцааны үнийн графикийг Chartgeanyпрограмм ашиглан гаргаж,
Incrediblechartproпрограммаар давхар хянуулсан болно. Өгөгдлийг 2012.1.2-оос
2014.1.27 хүртэлх өгөгдөл өгж шинжилсэн юм.
Зура
г1. А.П.У ХК-ий хувьцааны үнийн график
Энэхүү графикаас хувьцааны үнэ хамгийн доод түвшин хүртлээ унасан байгаа нь
харагдаж байна. Үл мэдэгдэгч хүчин зүйлийн нөлөөлөл нь хувьцааны үнэд хүчтэй
нөлөөлж үнийг унагасан бөгөөд тренд хамгийн доод түвшин хүртлээ унасан байна.
Графикийг бүтэн ажиглаж үзвэл Эллиотын давалгаа ажиглагдаж байгаа нь
арилжаачдын сэтгэл зүйн байдал энэхүү хувьцааг худалдан авахад бэлэн болсон
гэдгийг харуулж байгаа бөгөөд хувьцааны үнэ удахгүй өснө гэж таамаглаж болохоор
байна. Үнэ өсөж 3938 хүрээд түүнээс цааш 4079 хүрэх хандлага харагдаж байна.
2. Шарын гол ХК-ий хувьцааны үнийн графикийг Chartgeanyпрограмм ашиглан
гаргаж, Incrediblechartproпрограммаар давхар хянуулсан болно. Өгөгдлийг 2013.1.2-
оос 2014.3.3 хүртэлх өгөгдөл өгж шинжилсэн юм.
Зура
г2. Шарын гол ХК-ны хувьцааны үнийн график
Энэ графикаас ажиглахад хувьцааны үнэ хамгийн доод түвшиндээ огцом хүрсэн
байгаа нь харагдаж байна. Мөн график шинжлэлээр үзэхэд Flag харагдаж байгаа нь
- 10. энэхүү хувьцааны үнэ удахгүй өсөх магадлалтайг илтгэж байна. Мөн үл мэдэгдэгч
хүчний нөлөөллөөр хамгийн доод цэгтээ хүрж арилжаачдын сэтгэл зүй үүнийг их
хэмжээгээр худалдан авахад бэлэн болсон харагдаж байгаа бөгөөд удахгүй
хувьцааны үнэ өснө гэсэн таамаглал дэвшүүлж байна. Үнэ өсөхдөө хамгийн түрүүнд
8000 хүрэх бөгөөд үүнээсцааш үргэлжлүүлэн өсвөл 8600 хүртэл өснө гэсэн
таамаглал дэвшүүлж байна.
3. Таван толгой ХК-ий хувьцааны үнийн графикийг Chartgeanyпрограмм ашиглан
гаргаж, Incrediblechartproпрограммаар давхар хянуулсан болно. Өгөгдлийг 2013.1.2-
оос 2014.3.3 хүртэлх өгөгдөл өгж шинжилсэн юм.
Зура
г3. Таван толгой ХК-ий хувьцааны үнийн график
Энэхүү графикаас харахад хувьцааны үнэ огцом өссөний дараа буцаад буурч байгааг
харж болохоор байна. График шинжлэлийн Flag дүрс үүссэн байгаа нь үнэ цаашид
үргэлжлэн унах хандлагатай байгааг харуулж байгааг харуулж байна. Мөн
арилжаачдын сэтгэл зүйн зүгээс харахад үнэ эсэргүүцэх түвшнийг сэтлэн гарсан
учир дараачийн эсэргүүцэх түвшин хүртэл арилжаачид эргэлзэх зүйлгүйгээр зарна
гэсэн таамаглал тэвшүүлж байна. RSI индикатор нь үнийг бууруулахад ямар нэгэн үл
мэдэгдэгч хүч нөлөөлөл байгааг харуулж байгаа байна. Үүнээс үзэхэд үнэ цаашид
унах төлөвтэй байгаа бөгөөд 5349 хүртэл унаж, цааш үргэлжлүүлэн унавал 4081
хүртэл унах магадлалтай хэмээн тооцоолж байна.
4. Говь ХК-ий хувьцааны үнийн графикийг Chartgeanyпрограмм ашиглан гаргаж,
Incrediblechartproпрограммаар давхар хянуулсан болно. Өгөгдлийг 2013.1.2-оос
2014.3.3 хүртэлх өгөгдөл өгж шинжилсэн юм.
- 11. Зура
г4. Говь ХК-ий хувьцааны үнийн график
Энэхүү графикаас ажиглавал хамгийн сүүлчийн лаан дээр flag үүссэн байх нь
харагдаж байгаа бөгөөд үнэ цаашид өсөх мгадлалтайг харуулж байна. Гэвч
Fibonacci-н түвшний хамгийн дээд эсэргүүцлийн түвшинтэй тулсан учир
арилжаачдын сэтгэл зүй одоо зарах үйл ажиллагааг эхлэх болно гэж таамаглаж
байна. Мөн Эллиотын давалгаа үүссэн учир үнэ буурна гэж таамаглаж болохоор
байна. Үл мэдэгдэгч хүчний нөлөөлөл бага байгаа гэж MACD индикатор харуулж
байгаа учраас үнэ унана гэж таамаглаж байна. Үнэ унахдаа хамгийн түрүүнд 5894
түвшний шугам хүртэл унах ба түүнийг сэтлэн гарвал 5481 түвшний шугам хүртэл
унаж түр тогтворжино гэж таамаглаж байна.
5. БИ ДИ СЕК ХК-ий хувьцааны үнийн графикийг Chartgeanyпрограмм ашиглан
гаргаж, Incrediblechartproпрограммаар давхар хянуулсан болно. Өгөгдлийг 2013.1.2-
оос 2014.3.3 хүртэлх өгөгдөл өгж шинжилсэн юм.
Зура
г5. БИ ДИ СЕК ХК-ний хувьцааны үнийн график
- 12. Энэ графикаас ажиглахад Эллиотын давалгаан үүссэн нь харагдах бөгөөд үнэ
эсрэгээрээ эргэж өсөх магадлалтайг харуулж байна. Гэвч Bollinger band индикатор үл
мэдэгдэгч хүчний нөлөөлөл бага байгааг харуулж байгаа бөгөөд MACD
индикаторийн заалт давхар баталж байна. Гэвч арилжаачны сэтгэл зүйн нөлөөллийн
үүднээс харахад 12ibonacci эсэргүүцлийн түвшинд 2 удаа тулж сэтэлж чадаагүй
байгааг харахад үнэ өсөх магадлалтайг харуулж байна. Эдгээрээс шийдвэр гаргахад
үнэ дундаж түвшнээс доогуур орсон учир учир хэзээ нэгэн цагт өснө гэж үзэж
худалдан авч өсөхийг нь хүлээх хэрэгтэй гэдэг магадлал дэвшүүлж байна. Дундаж
түвшин буюу 2897 хүртэл өсөх магадлалтай.
Дүгнэлт
Энэ судалгааны ажилд Монголын хөрөнгийн бирж дээр арилжаалагдаж буй ТОР-20
индекст хамгийн их нөлөө үзүүлэх 5-н компаний хувьцааны үнэн дээр техник
шинжилгээ хийж үзлээ. Энэхүү судалгааг хийхдээ Chartgeanyплатформыг ашиглаж
хувьцааны үнийг графикийг байгуулсан бөгөөд IncredibleChartproплатформоор
графикийг давхар шалгасан болно.
График байгуулах аргуудаас хамгийн өргөн хэрэглэгддэг “Япон лааны арга”
ашиглаж байгуулсан бөгөөд өөрийн судалгааны үндсэн дээр баримталсан арилжааны
стратегийн дагуу индикаторуудыг байрлуулж технк шинжилгээ хийснээр үнэт
цаасны ханшийг таамагласан бөгөөд 2014.3.18-н буюу өнөөдрийн байдлаар
таамагласан 5-н компаний хувьцааны үнэ ийнхүү өөрчлөгджээ.
Компаний нэр Таамаглагдса
н огноо
Таамаглагдсан
үнэ(хаалт)
Таамаглал 2014.3.18 үнэ
(хаалт)
А.П.У ХК 2014.1.27 3855 3938-4079
хүртэл өснө
4001
Шарын гол ХК 2014.3.3 7800 8000-8600
хүртэл өснө
8500
Таван толгой
ХК
2014.3.3 5600 5349-4081
хүртэл унана
5295
Говь ХК 2014.3.3 6400 5894-5481
хүртэл унана
6500
БИ ДИ СЕК
ХК
2014.3.3 2400 2500-2897
хүртэл өснө
2692
Хүснэгт2. Эх сурвалж Монголын хөрөнгийн бирж
Таамаглал хийгдсэн 5-н компаниас 4-н компаний хувьцааны үнийг зөв таамаглаж
Говь ХК-ний хувьцаан дээр хийсэн техник шинжилгээ зөрсөн бөгөөд 80%-тай зөв
таамагласан нь Монголын хөрөнгийн бирж дээр арилжаалагдаж буй үнэт цаасанд
техник шинжилгээ хийх бүрэн боломжтойг харуулж байна.
Бидэнд техник шинжилгээ хийхэд хамгийн тулгамдаж буй асуудал бол
арилжаанд орох сонирхолтой хувь хүмүүст зориулсан платформ байдаггүй явдал
юм. Тиймээс Монголын хөрөнгийн биржтэй холбогдсон платформ нэвтрүүлвэл
арилжаанд оролцох сонирхолтой хувь хүмүүс болон албан байгууллага техник
шинжилгээ хийж үнэт цаасны үнийг урьдчилан таамаглажарилжаанд оролцох бүрэн
боломжтой юм. Ингэснээр үнэт цаасны ханшийн мэдээлэл өдрөөс бус цагаар,
минутаар, секундээр олон нийтэд мэдэгдэж, хөрөнгийн зах зээлийн үйл ажиллагааг
идэвхижүүлж дараагийн түвшинд гаргаж ирнэ гэж үзэж байна.
- 13. АШИГЛАСАН МАТЕРИАЛ:
1. Дирк Ду Доит, Forex арилжааны нууц, 2009
2. Еэрик Беэнн, Хөрөнгийн зах зээлийн далд нууцууд-1, 2011
3. Корнелус Лука, Олон улсын валютын арилжаанд Техник шинжилгээг
ашиглах нь, 2012
4. Bryce T. Schwager, Geometry of markets I, 1989
5. Н.Жаргал, П.Чимгээ, О.Хишигбаяр, Форекс, 2013