3. A neve e o sol casaron
en mañanciña de abril,
ela ves da de branco
con perfume de xasmín
el co seu metal brillante
de trompeta e de clarín.
Foi na praia dos lagartos
onde se dixeron o si.
E baixaron polas laxas
aquel día tan feliz
augas cantareiras, limpas
como un só de violín.
Helena Villar Janeiro.
"Na praia dos lagartos”
Edicións do Castro
4. O sol chámase Lourenzo
e é un señor moi finchado
que está no outo do ceo,
todo o día relumbrando.
Vai ves do de marelo
leva chaleque encarnado.
Moi seguro de sí mesmo,
o seu calor nos vai dando.
O sol chámase Lourenzo
e é un señor moi señalado.
¡Se non fora polo sol,
estaría o mundo xeado!
Soio o sol manda no ceo,
moi solemne, moi barbado.
¡As súas barbas son os raios,
con que nos vai alumando!
"Os soños na gaiola".
Manuel María
Edicións Xerais
5. Díxome o paspallás
cando pasei o río
que non saía o sol
por mor de que vai frío.
Eu mandeille un abrigo
de cunchiñas do mar
para que se acochase
e saíse a pasear.
E o sol saiu tan forte
que o paspallás voou
e entre moitas folliñas
co medo se agochou.
Anisia Miranda.
"Cantarolas”.
Edicións Xerais
6. O sol sol sol
quentaba
na horta.
O sol sol sol
queimaba
na porta.
O sol sol sol
cabelos
de ouro.
O sol sol sol
gardaba
un tesouro.
O sol sol sol,
o sol lacazán
anuncia o verán.
Antonio García Teijeiro
As catro estacións
Ed. Xerais
7. O SOL NAMORADO
O sol namorado
pintou nun espello
a face da lúa
cun lápis de xeo.
“ O sol está tolo”,
dixo ela abraiada
pousando a cachola
na fonda almofada.
A lúa esvaeuse
co sono que ña.
o sol moumeaba:
“¡ai, que boni ña!”
Antonio García Teijeiro
8. A lúa e o sol
No ceo hai dous reinos
ben separados,
os seus monarcas
están namoarados.
Falo da lúa
e falo do sol
sempre agochados
tras do seu amor.
O sol sae cedo
ha de madrugar,
cando chega a lúa,
tense que agochar.
Dálle moita mágoa
dálle moita pena,
non pode ver a lúa
cando está chea.
María Canosa
Vagalume dos versos
Editorial Galaxia
9. O sol e a lúa
son moi bos amigos.
se vós non o credes,
pechade os olliños.
Escriben poemas
que deixan nas rúas
con moito agarimo
e sol e a lúa.
O sol e a lúa
e certas estrelas
aledan con elas
ós nenos e as nenas.
Antonio García Teijeiro
Trazos,trozos e retrincos
Xunta de Galicia
