As redes sociais

1. 1. Que son as redes sociais.
As redes sociais son espazos de relacións persoais nos que persoas con intereses
comúns establecen grupos de comunicación e intercambio.
As redes sociais, atendendo a súa temática, poden ser moi variadas: xeneralistas,
especializadas, profesionais, de contactos, etc. Para os e as docentes, interésannos
as comunidades virtuais de aprendizaxe ou de práctica, que orientan a interacción
ao afondamento en aspectos didácticos e á mellora do labor docente, e permiten
compartir experiencias, coñecemento e práctica. De feito, a participación en
comunidades profesionais é unha das orientacións que aparecen nos estándares da
UNESCO de competencias en TIC para docentes.
Para que esa comunicación e intercambio sexa posíbel, cómpre dispoñer dunha
plataforma que permita a creación dunha rede.
Entre elas están Facebook, Myspace, Tuenti, Hi5,
fotologs e moitas outras.
A plataforma básica de comunicación e
intercambio é Ning, pero tamén existen outros
servizos sociais especializados, como Delicious
para compartir ligazóns, Flickr para compartir
fotografías, ou Youtube para vídeos.
Unha das redes sociais é Ágora Rede, creada na
plataforma Ning e que vai poñer á nosa
disposición unha serie de recursos útiles de
intercambio e comunicación, entre eles:
• Un foro de discusión
• Un blogue persoal
• A posibilidade de compartir fotografías, vídeo, audio, arquivos, etc.
• Un correo interno para a comunicación persoal entre os membros desta
rede.
Pero, máis importante cá plataforma ou cás ferramentas e recursos que se poñen á
nosa disposición, para o éxito e eficacia dunha rede é imprescindíbel o compromiso
mutuo de todas as persoas que integran a rede na participación activa na mesma.
Cada membro comparte a súa experiencia e o seu propio coñecemento e recibe o
do resto de persoas.