Ikastaroa, garenaren eta egiten dugunaren kontzientziaz 201211
1. GARENAREN ETA EGITEN DUGUNAREN KONTZIENTZIAZ
Euskaltzaleon/Euskaldunon Elkarteak
2012ko azaroak 26-27-28
HELBURUAK:
-
Elkarteetan egiten dugunari buruzko gogoeta bideratzeko, konpartitzeko,
irizpide teorikoak eskaini: soziolingustikaz eta gizarte mugimenduez.
Elkarteetan darabilgun aitzindaritza-ereduaz gogoeta egin.
Mugimendu beraren partaide izatearen kontzientzia landu ikaskideon artean.
Elkarteen arteko hartu-emanetan sakontzen jarraitzeko bidea landu.
2013an bideratuko dugun aditu-titulura jendea erakartzeko jakinmina piztu.
EMAILEAK:
HUHEZIko Sorguneak ikertegiko kideok Topagunearekin sinatutako hitzarmenaren
baitan kokatzen da ikastaro hau.
Nekane Goikoetxea eta Julen Arexolaleiba izango dira irakasleak.
PROGRAMA:
Azaroak 26, astelehena:
09:00-13:00
- Euskaltzaleon/ Euskaldunon elkarteetako ekimenen irizpide
soziolinguistikoez:
Zergatik eta zertarako ari gara lanean? galderari erantzuteko hainbat kontzeptu
soziolinguistiko landuko ditugu: hiztun-tipologiak eta beraien arteko
interakzioak, hizkuntzen gizarte-funtzioak, hizkuntzen galera azaltzeko eta
biziberritze-dinamikak argitzeko irizpideak, etab.
-
Topagunearen izaeraz eta garrantziaz:
Azken urteotan Euskaltzaleon Topagunean bideratzen ari garen gogoeta
estrategikoak izango ditugu aztergai: oinarriparren arrazoiak, eraldabideen
zergatiak… eta horiek guztiak aldez aurretik landutako irizpide
sozioliguistikoekin erkatuko ditugu. Dokumentu horien izpiritua eta jomugak
herrietara eramateko moduez ere arituko gara.
14:30-17:30
- Gure elkarteen aitzindaritza-ereduaz
Euskaldunon arteko trinkotze lana ezinbestekotzat jotzen badugu, non gaude
gure herrietan euskara elkarteak, zentro ala periferian? Zein harreman modu
ditugu euskalgintzako beste eragileokin? Zein harreman ditugu euskara
elkarteok geure artean? Eta federazioarekin? Galdera horiei guztiei gure
aitzindaritza-ereduaren argitan begiratuko diegu.
2. Azaroak 27, asteartea
09:00-13:00
- Topagunearen ekimenak hiztunen tipologiaren arabera: hobetzeko
bideak
Bezperan landutako irizpide soziolinguistikoak aintzat hartuta, aztertu egingo
ditugu euskaltzaleon/euskaldunon elkarteetan egiten ditugun lanak:
sentsibilizazioan, aisialdian, hedabideetan, kulturgintzan, etab.
Darabilgun praktikari buruzko gogoeta bideratu nahi da; beti ere, jakina!, tokian
tokiko ekinbideon emaitzak optimizatzen jarraitzeko, elkarrengandik ikasten
jarraitzeko.
-
Euskaldunon elkarteen ekimenen azterketa, gizarte-mugimendu garen
aldetik
Irizpide soziolinguistikoez gain, gizarte-mugimenduei oro har dagozkien zenbait
kontzeptu teoriko geureganatzea komeni dela diosku esperientziak. Zein nola
gizarteratzen dugu herriz herri egiten ari garen lanaren duintasuna? Geure
ekinbideak bideratzeko grina, modua, zein nolakoa da? Zein eratako batasunirudia ageri dugu gizartean euskararen gizarte-mugimendu anitzok? Zer egin
dezakegu bazkideekin/laguntzaileekin/gainerako eragileekin gero eta gehiago
izateko kuantitatiboki eta elkarrekiko hartu-emanetan sakontzeko kualitatiboki?
14:30 -17:30 Federazioko eta elkarteetako langileen aitzindaritza-ereduaren
azterketa
Topaguneak diagnostikoa egina du bere gidaritza-estiloaz eta lan-dinamikaz. Zer
daukagu esateko autokritika ariketa horren gainean? Balio digu guk geuk ere
ariketa bera egiteko? Nola pasa gintezke zerbitzugintzako koordinaziotik
mugimendu gisa jokatzera? Zer egin genezake gutako bakoitzak? Lidergo
eraldatzailearen paradigmatik begiratuko diogu harremanen artikulazioari.
Azaroak 28, asteazkena:
9:00-13:00
- Euskaldunon elkarteetako harrera plana egiteko edukiak diseinatu
Harrera-planak bideratzeko Topagunean landu diren dokumentuak aintzat
hartuta, beste urrats batzuk egingo ditugu:
a) harrera-plana herri-tipologia bakoitzaren ezaugarrietara egokitu
b) tokian tokiko elkarteen harrera-plana diseinatzen hasi (barruko eta
kanpoko eragileei begira)
-
Saioetan egindakoaren / lortutakoaren ondorioak