1. Դալի ժայռային մողես

2. • Դալի ժայռային մողես ՝
• Դալի դարևսկիա, իսկական
մողեսների ընտանիքի Դարևսկիա Darevskia ցեղի
մողես։ Փոքր Կովկասի բնաշխարհիկ է։
Հայաստանում հանդիպում է Տավուշի և Լոռու
մարզերում։ Բնակվում է ժայռային և խիստ
քարքարոտ վայրերում, ինչպես նաև
շինությունների
պատերին, ճեղքերում, տափաստանային, թփուտ
ային, նոսրանտառային, անտառային
բուսականությամբ ցածր լեռնային վայրերում։

3. Արտաքին կառուցվածք
• Բարեկազմ, տափակ մարմնով փոքր մողես
է, երկարությունը՝ 2,4-6,4 սմ, պոչը՝ կրկնակի
երկար, ինքնահատվող։ Գլուխը տափակ է՝
ծածկված խոշոր վահանիկներով, մեջքային
մակերեսը՝ միանման մանր ոսպանման
թեփուկներով, կողմնային մակերեսների
թեփուկներն ավելի խոշոր են։ Մեջքի
գունավորումը խայտաբղետ է. գերիշխում են
գորշ, մոխրագույն, ձիթապտղագույն ու բաց
շագանակագույն երանգները։

4. • Մեջքի երկայնքով ձգվում է
մուգ, տձև, լայնակի ձգված մանր բծերից
բաղկացած բավական նեղ նախշ։
Կողմնային մուգ գորշաշագանակագույն
զոլերը կազմված են այս կամ այն չափով
արտահայտված օղանման խալերի
զուգահեռ երկայնակի շարքերից, ունեն բաց
գույնի սպիտակավուն կենտր. խալ և
մուգ, հաճախ՝ կտրտված եզրագիծ։ Առջևի
վերջավորությունների մակարդակին առկա
են կապույտ խալեր։

5. • Որովայնային մակերեսը ծածկված է 6
երկայնակի շարքեր ձևավորող խոշոր ու լայն
վահանիկներով և ունի բաց դեղնավուն
գունավորում, իսկ կոկորդային և ներքին
ծնոտային մակերեսները սպիտակավուն են։
Որովայնային մակերեսի եզրային վահանիկները
կրում են բաց երկնագույն խալեր։
• Կարող է հանդիպել համատեղ
հայկական, Ռոստոմբեկովի, Ռադդեի ու
Պորչինսկու ժայռային մողեսների հետ, որոնցից
տարբերվում է գունավորմամբ և
թեփուկավորման առանձնահատկություններով։

6. Սննդառություն
• Սնվում է մանր հոդվածոտանիներով և
փափկամարմիններով։ Օգտակար
է, կարգավորում
է միջատների թվաքանակը։

7. Բազմացում և զարգացում
• Կուսածին տեսակ է, հունիսի վերջից
հուլիսի սկիզբը էգը դնում է 2-5 ձու (12x7
մմ)։Ձագերը ծնվում են օգոստոսի վերջից
սեպտեմբերի վերջը։ Պահպանության
նպատակով, ինչպես նաև սիրողների
կողմից հաճախակի խնամվում է
անազատ պայմաններում։
Օգտագործվում է գիտահետազոտական
նպատակով։