1. PROXECTO: O IMPRESIONISMO
XUSTIFICACIÓN
O noso colexio forma parte da rede de bibliotecas da mariña, e coma todos os anos, proponse un
tema para traballar nos distintos colexios que integran a microrrede. Este ano é “O arte” nas
súas distintas modalidades.
Dende hai anos, dámonos conta , das dificultades que teñen os nosos alumnos para expresarse
por medio do debuxo e pensamos que este sería unha boa proposta para profundizar no estudo
das distintas técnicas pictóricas.
Na educación primaria non cambiaron moito os hábitos á hora de educar e ser educado no que á
apreciación da arte se refire. Xeralmente non existen especialistas e se os hai atópanse coas
limitacións do propio sistema. Infraválorase e non se ten coñecemento da importancia do contido
que leva implícito (apreciación da contorna, observación, lectura de imaxes, expresión,
creatividade, desenvolvemento de destrezas, coñecemento da arte, etc.) para o desenvolvemento
da persoa.
Partindo deste baleiro, queremos conquerir con este proxecto, un achegamento ao mundo da
pintura, da creatividade e da expresión. Dar a coñecer ao noso alumnado distintas técnicas
pictóricas e distintas correntes pictóricas que se sucederon ao longo dos anos.
Este proxecto, no seu conxunto, pretende dar resposta aos intereses e necesidades dos nosos
alumnos e alumnas. Consideramos que a contorna dos nenos e nenas é, na actualidade, unha
contorna da cultura visual: televisión, anuncios, carteis pola rúa, letreiros luminosos, propaganda
nas caixas de correos; un mundo de imaxes cheo de estímulos que inflúen continuamente neles.
Por iso, é necesario que desde a escola axudemos aos nenos e nenas a analizar e comprender
as imaxes, educalos no gusto estético e inicialos no goce das obras de arte mediante un novo
enfoque das artes plásticas, un proxecto globalizador e creativo mediante o cal se convida aos
nenos e nenas a coñecer, mirar e descubrir os diferentes artistas e as súas obras.
Non pretendemos por tanto,preparar ao neno para...., senón permitir que o neno descubra as
súas posibilidades en relación aos demais e ao medio, actúe, decida e se exprese. Debuxar e
pintar para comunicarnos cos demais.
Propoñemos o traballo da Expresión Plástica e, máis en concreto, do Impresionismo, a
través deste proxecto de traballo, xa que consideramos que é unha forma de traballo que
propicia e favorece a implicación activa dos nenos, sendo eles os que constrúen as súas
propias aprendizaxes a través da experimentación, a observación e manipulación,
favorecendo o desenrolo da autonomía, a imaxinación e a creatividade.
Sublíñase os aspectos lúdicos, espontáneos e vivenciais destas actividades.
COÑECER E GOZAR DA ARTE CONTRIBÚE A SENSIBILIZARNOS E SUPÓN OUTRA
MANEIRA DE EXPRESAR OS NOSOS SENTIMENTOS.
2. OBXECTIVOS DA EDUCACIÓN PRIMARIA
a) Coñecer e apreciar os valores e as normas de convivencia, aprender a obrar de acordo con
elas, prepararse para o exercicio activo da cidadanía e respectar os dereitos humanos, así como
o pluralismo propio dunha sociedade democrática.
b) Desenvolver hábitos de traballo individual e de equipo, de esforzo e de responsabilidade no
estudo, así como actitudes de confianza en si mesmo/a, sentido crítico, iniciativa persoal,
curiosidade, interese e creatividade na aprendizaxe, e espírito emprendedor.
e) Coñecer e utilizar de xeito apropiado a lingua galega e a lingua castelá, e desenvolver hábitos
de lectura en ambas as linguas.
J). Utilizar diferentes representacións e expresións artísticas e iniciarse na construción de
propostas visuais e audiovisuais.
OBXECTIVOS ESPECÍFICOS
Incitar á apreciación da contorna.
Estimular a imaxinación e a creación.
Saber expresarse libremente mediante distintas técnicas.
Aprender a apreciar e aceptar a arte e as producións alleas.
Traducir plasticamente o mundo emocional.
Enriquecer a expresión e o coñecemento de si mesmo.
Identificar e dominar a cor coa súa nomenclatura correcta. Cores primarias e
secundarias.
Manipular distintos tipos de materiais pictóricos: ceras, lapis, témperas …
Adquirir hábitos de observación visual, retención e imaxinación creadora,
observación da contorna e do feito artístico.
Expresarse plasticamente con diferentes técnicas e estampados: estampado co
propio corpo, con selos e tampóns diversos (cortiza, vexetais, esponxas, cordas...) e
combinándoo con outras técnicas plásticas.
Estudo do espazo e iniciación ao neno/a nos fundamentos das perspectivas
segundo idade do alumno: forma, medida, proporción...
Experimentar o mundo sensorial e perceptivo e establecer relacións cos diferentes
sentidos para achegar máis elementos á propia experiencia plástica.
Desenvolver destrezas manipulativas, cortar tanto coa man, como coas tesoiras,
rasgar e pegar.
Iniciación de técnicas de composición, figurativas e non figurativas, e pegado: colaxe
de papel, teas, las, etc.
Desenvolver hábitos de limpeza, coidado e orde do material empregado.
3. CONTIDOS
Bloque 1. Educación audiovisual
B1.1. Valoración e respecto polas obras plásticas do contorno.
B1.2. Valoración da limpeza, a orde e a presentación ao realizar un traballo.
B1.3. Satisfacción na manipulación e na exploración de diferentes materiais.
B1.3. Interpretación e valoración da información que proporcionan as imaxes no contexto
social e comunicación das apreciacións obtidas.
B1.4. Interese por usar adecuadamente os instrumentos, os espazos etc.
B1.5. Observación e exploración sensorial dos elementos plásticos presentes nos ámbitos
natural, artificial e artístico.
B1.6. Descrición de imaxes presentes no contexto próximo.
B1.6. Documentación, rexistro e valoración de formas artísticas e artesanais
representativas da expresión cultural.
B1.7. Observación de elementos plásticos do ambiente artificial presentes en edificios,
moblaxe urbana,luminosos ou sinais.
B1.7. Descrición de profesionais relacionados/as coas artes plásticas e visuais.
B1.8. Procura de información sobre as manifestacións culturais e artísticas do contexto.
B1.8. Descrición verbal de sensacións e observacións das obras plásticas.
B1.9. Observación da obra plástica e visual no contexto, en exposicións e en museos, e
comentarios posteriores sobre elas.
B1.10. Expresión oral das impresións que a obra artística xera.
Bloque 2. Expresión artística
B2.1. Uso de diferentes formas, texturas e cores nas producións.
B2.1. Exploración de cores, mesturas e manchas de cor con diferentes tipos de pintura e
sobre diversos soportes.
B2.2. Elaboración de debuxos, pinturas, colaxes, estampaxes, ilustracións, volumes,
encartado de formas etc.
B2.3. Manipulación de obxectos para a súa transformación (monicreques, disfraces,
escenarios etc.).
B2.4. Exploración de recursos dixitais para a creación de obras.
B2.5. Manipulación adecuada de materiais, instrumentos e espazos.
B2.12. Respecto polas contribucións dos compañeiros e das compañeiras, e disposición
para resolveras diferenzas.
COMPETENCIAS CLAVE
Con este proxecto traballaremos as competencias clave que deben desenvolver os alumnos e
alumnas na educación primaria.
Comunicación lingüística. Mediante a procura e selección da información, a realización de
traballos escritos e orais na clase, exposicións orais …
Competencia matemática e competencias básicas en ciencia e tecnoloxía e competencia dixital:
Mediante o emprego do ordenador para procura de información, realización de Power Point,
estudo da perspectiva …
4. Aprender a aprender: Mediante a selección de materiais e información, para a realización dos
súas composicións tanto lingüísticas coma plásticas.
Competencias sociais e cívicas: Participando, colaborando e respectando as súas producións e
as dos demais.
Sentido de iniciativa e espírito emprendedor: Promovendo a realización dos seus traballos de
xeito creativo e valorando o esforzo na súa realización.
Conciencia e expresións culturais: Achegando os alumnos e alumnas as manifestacións culturais
de artistas pictóricos de agora e de sempre.
METODOLOXÍA
1. Que sabemos ?
Como en todo proxecto, o punto de partida será preguntarlles aos nenos que saben sobre o
tema.
2. Que queremos saber?
Que é o impresionismo?
Cales son os pintores máis coñecidos?
Cales son os cadros máis importantes?
Como pintan?
Con que pintan?
Que pintan?
Que son os museos?
Museos importantes.
3. Buscamos información:
Nos cursos máis baixos, esta procura, será de forma guiada, ben por parte do profesor/a ou
pola familia.
4. Seleccionamos a información e clasificámola:
Unha vez recollida a información achegada a clase, entre todos, organizarémola e faremos
exposicións co material conseguido.
5. Análise da información recollida:
Unha vez feitos os murais, carteis … afondaremos nos aspectos máis relevantes do exposto,
poñendo especial atención sobre daqueles aspectos máis significativos sobre os que
queremos traballar: a cor, os materiais empregados, a temática,a luz …
6. Talleres temáticos:
Nos talleres estudaremos aspectos e conceptos máis técnicos que infiren nunha obra de arte,
tales coma a perspectiva, as mesturas de cor, os obxectos e a luz, as sombras etc.
Algúns destes talleres será impartido por artistas da zona.
5. 7. Práctica do aprendido:
É hora de practicar o aprendido, agora os alumnos e alumnas, realizaran as súas propias
creacións, de xeito individual e colectivo.
RECURSOS ESPECÍFICOS para o desenvolvemento do proxecto :
Recursos bibliográficos : libros con láminas, biografías de pintores, contos tradicionais e
modernos.
Recursos económicos: fondo da aula e achegas dos pais e nais.
Recursos audiovisuais: carteis, fotos, postais, fotografías, gravadora, televisión, computadores.
Recursos materiais: cartolinas , papel charón, , papel de seda de seda, de xornal, de revistas,
temperas e acuarelas, ceras, rotuladores, lapis de cores, pegamento, pinceis.
Outros materiais: Pemento, café, cacao soluble, perexil, legumes: garavanzos e lentellas, pipas,
sopa de letras e todo tipo de materiais que podamos atopar na contorna e que nos serva para a
expresión plástica.