2. Ամպոտ սարից ուրախ ձենով
Ջուր է գալիս, անցնում շենով,
Մի թուխ մանուկ դուրս է վազել,
Ձեռն ու երես պաղ լվացել,
Լվացել է ձեռն ու երես,
Ու դարձել է ՝ խոսել էսպես.
3. - Դու ո՞ր սարեն կուգաս, ջրի՛կ,
Իմ պաղ ջրիկ ու անուշիկ:
- Ես էն սարեն կուգամ մթին,
Որ հին ու նոր ձյունն է գլխին:
4. - Դու ո՞ր առուն կերթաս, ջրի՛կ:
Իմ պաղ ջրիկ ու անուշիկ:
- Ես էն առուն կերթամ զվարթ,
Ուր ափերին են շուշան ու վարդ:
5. - Դու ո՞ր այգին կերթաս, ջրի՛կ,
Իմ պաղ ջրիկ ու անուշիկ:
- Ես էն այգին կերթամ դալար,
Որ տերն է ժիր, մեջն այգեպան: