1. CONTACONTOS KALANDRAKA
Alex Fente e Patricia González viñeron un ano máis visitar a nosa escola e a
entreter aos máis pequenos (alumnado de educación infantil e 1º e 2º de primaria)
cantando e contando...A biblioteca escolar serviu como escenario para esta actividade,
que se desenvolveu o vernes 6 de marzo de 2015 de 12:15 a 13:00 horas. Trouxeron
baixo o brazo máis historias publicadas a través da editorial Kalandraka, e presentaron
esas curiosas bonecas chamadas "sacapenas", unha idea que dará moito para traballar
nas aulas e construír as nosas propias propostas. E que dicir da historia de Tío Lobo,
que arrincou risas e algún que outro llanto... xa que foi todo emoción e suspense...