5. Tabi
P Lias ate Tuhanta Jesus Kristus ras kekelengen Dibata
Bapa, ras persadan Kesah Sibadia kap, ras kam kerina.
U Janah ras tendindu
6. Kinijeran
Ngaku me aku,
man Dibata si la ersibar kuasa-Na
janah man bandu kerina,
maka aku enggo erdosa
alu perukuren ras perkatan,
alu perbahanen ras kelalen.
Aku erdosa, aku enggo erdosa,
aku tuhu-tuhu erdosa.
Em sabapna mindo aku man Maria si sokeliamen,
man kerina malekat ras kerina kalak si badia,
janah man bandu kerina,
gelah notoken aku man Dibata Tuhanta.
14. Berita si Meriah (Yohanes 1:35-42)
P Itemani Tuhan me kam kerina
U Janah tendindu pe itemani Tuhan e.
P Enda me Berita si Meriah rikutken
Johanes
U Imuliaken me Tuhan
16. Pengakun Kiniteken
Aku tek man Dibata,
Bapa si la ersibar kuasa-Na,
si nepa langit ras doni.
Janah man Jesus Kristus, Anak-Na
Sitonggal, Tuhanta,
Si jadi jelma arah Kesah Sibadia
janah ipupus singuda-nguda si koliamen
Maria;
si enggo ngalemi kiniseran,
sangana pemerintah Ponsius Pilatus,
si enggo ipesilangken,
mate janah ikuburken;
si enggo nusur ku ingan nimai,
ibas wari si peteluken
enggo keke idur si mate nari;
si enggo nangkih ku surga,
kundul arah kemuhen Dibata Bapa,
si la ersibar kuasa-Na;
Ijenari me Ia pagin reh
ngeranaken si nggeluh ras si enggo mate.
Aku tek man Kesah Sibadia,
man Perpulungen Katolik Sibadia,
man persadan kalak sibadia,
man pengalemi dosa,
kekeken kula,
janah man kegeluhen si rasa lalap.
Amen.
22. Prefasi
P Itemani Tuhan me kam kerina.
U Janah tendindu pe itemani Tuhan e.
P Marilah dage sialaken pusuhta kempak Tuhanta
U Enggo ialaken kami.
P Mari dage ngataken bujur man Tuhan, Dibatanta.
U Tuhu patut kal janah bujur.
29. Persikapen Komuni
P Enda me, Anak Biri-Biri Dibata si
masapken dosa doni enda, ketuahen kita
kerina si idilo ku kerja man-man si badia.
U O Tuhan, la patut Kam reh kubas aku,
tapi katakenlah sengkebabah saja, maka
sikap me aku.
33. Peberkatken
P Senina ras turang, Lakon Ekaristi si Badia enggo dung.
U Bujur man Dibata.
P Mari dage berkat, lawes pebelangken kata Dibata.
U Amen.