1. 2012
CALENDAR
ONE FOR OTHERS

2. “Busina Mo, Dunong Ko” Mobile Education Project

3. Busina Mo, Dunong Ko Mobile Education Project
Ang Busina Mo, Dunong Ko o BMDK ay isang programang pang-
edukasyon para sa mga batang nasa lansangan, mahihirap at kapos sa
lahat ng mga bagay simula sa kanilang pagkabata.
Ito ay nagbibigay ng karagdagang edukasyon sa mga batang nag-aaral
sa pampublikong paaralan at gayundin sa mga hindi nag-aaral na mga
bata at kabataan. Sa tulong ng mga VIDES Volunteers, nabibigyan ang
mga bata ng katesismo, values education, tutorials, pagkain, libro,
laruan, libangan at mga gawaing pangkultura. Nagsasagawa rin ang
mga volunteers ng pagtataguyod ng mga karapatan ng bata.
Ganundin, may mga pang-edukasyong laro at pagpapakita ng mga
video at pelikulang pang-edukasyon at pambata. Mayroon ring
BMDK mobile library na maaaring hiraman ng mga bata ng libro.
Sa BMDK, maging ang mga magulang ay nabibigyan ng seminar ukol
sa tamang paghubog at pagpapalaki ng kanilang mga anak sa
pamamagitan ng paggamit ng positibong pagdidisiplina. Tinuturuan
rin ang mga nanay ng mga livelihood projects upang magkaroon sila
ng sariling negosyo at makagawa ng mga bagay na maaari nilang
pagkakitaan.
Paano kayo makakatulong:
1. Maaari kayong magbigay ng libro, mga gamit sa pag-aaral, pagkain
at inumin, laruan, school and art supplies at iba pang donasyon
2. Mag-Volunteer. Sumali sa VIDES at maging mga “Ate at Kuya”.
Magbahagi ng mga kaalaman sa mga bata at maging magandang
halimbawa at inspirasyon sa mga bata.
Ang BMDK ay isinasagawa sa mga sumusunod na lugar:
a. Cabrera St., Pasay City
b. Bgy. 286, Delpan, Binondo
c. Recto, Manila
d. NIA Road, Quezon City
e. San Roque, Quezon City NOTES
f. South Triangle, Quezon City
g. Sacred Heart Parish, Sta.Mesa, Manila
h. Don Bosco School Manila -Bgy. 602—ALS

4. “Baboy Mo, Buhay Ko” - Rural Livelihood Project

5. Baboy Mo, Buhay Ko – Rural Livelihood Project
Ang baboy pangkabuhayan ay nagbibigay ng isang alternatibong
kabuhayan at pagkakataon para sa komunidad na magkaroon ng
maunlad at produktibong pamumuhay.
Ang biik ay ibinibigay sa isang pamilya na makikinabang batay sa
pamantayan ng mga Daughters of Mary Help of Christians (FMA).
Ang mga makikinabang ay may pananagutan sa pangangalaga ng
kalusugan at pagdami ng mga biik. Upang matiyak ang pagpapanatili
ng programa, ang konsepto ng pagtutulungan sa komunidad ay
kasama sa layunin ng programa.
Kapag ang baboy na ibinigay ng VIDES sa isang pamilya ay nanganak o
may kinita sa pinagbilhan, isang biik ang ipapasa sa kasunod na
pamilya ng komunidad. Dito maipapakita ang pagtutulungan ng
komunidad para sa pag-unlad ng kanilang kabuhayan.
Paano kayo makakatulong:
1. Magbigay ng isang biik o ng halagang katumbas nito (Php2,000) at
pumili ng isa sa mga lugar na kung saan nailunsad na ng VIDES
Philippines ang programa, katulong ang mga FMA:
a) Negros Occidental
b) Oriental Mindoro
c) Canlubang, Laguna
d) Minglanilla, Cebu
e) Mabalacat, Pampanga (Aetas)
2. Mag-Volunteer. Sumali sa VIDES at maging bahagi ng komite na
magsasagawa ng mga pagbisita sa mga baboy at paggawa ng ulat.
———————————————————————————————
Maari kayong magpadala ng inyong donasyon sa:
VIDES Philippines Volunteers Foundation, Inc. NOTES
Metrobank Account No. 3306-24619-5
Metrobank V. Mapa Branch
Sta. Mesa, Manila

6. VIDES Alternative Learning System (ALS)

7. VIDES Alternative Learning System (ALS) para sa
Out-of-School Youth (OSY) ng Busina Mo, Dunong
Ko Mobile Education (BMDK) Project
Unang inilunsad ng VIDES Busina Mo, Dunong Ko ang Alternative
Learning System (ALS) project sa sampung mga out-of-school youth
ng Pasay noong Oktubre 2010. Nang binuksan din ng VIDES ang ALS
para sa Delpan, ipinasok na nila ang lahat ng 38 na OSY sa Don Bosco
School - “Reach-Ed ALS Program” sa Bgy 602, na isang accredited
DepEd ALS institution. Matapos ang dibdibang paghahanda, pitong
(7) bata mula sa Pasay at apat (4) na bata mula sa Delpan ang
kumuha ng DepEd ALS Exams noong Oktubre 2011. Sinimulan naman
noong Nobyembre 2011 ang pagpasok ng 14 OSY galing sa South
Triangle, Quezon City.
Sa kanilang pag-pasa sa mga DepEd ALS exams, ang mga bata ay
maaaring bigyan ng diploma sa elementarya o sekondarya, batay sa
kanilang kinuhang pagsusulit.
Karamihan sa mga ALS learners ay mga batang nasa panganib,
nagtatrabaho sa murang edad na 12-16, o mga “Children In Conflict
with the Law” (CICL) na hindi nabigyan ng pagkakataong makapag-
aral dahil sa kapabayaan, pang-aabuso, malnutrisyon, at kahirapan.
Upang tulungan silang maabot ang kanilang mga pangarap na
maipagpatuloy ang kanilang pag-aaral, ang VIDES ang nagbibigay ng
mga pagkain, uniporme, bag, mga gamit sa paaralan at
transportasyon, para sa mga OSY na ALS learners na ngayon.
Paano kayo makakatulong:
1. Tulungan ang VIDES magpadala ng isang bata sa ALS program
* Php 700 - para sa isang buwang pagkain at transportasyon. NOTES
* o kaya ay magbigay ng school supplies, bag, uniporme
2. Mag-Volunteer. Sumali sa VIDES at maki-isa sa programa ng
edukasyon sa pamamagitan ng pagtuturo sa mga bata

8. Quarterly Medical Mission

9. Medical Mission at Pagsugpo sa Tuberculosis
Ang VIDES Philippines ay nagsusulong ng pag-unlad ng
mga kababaihan at mga bata. Isang aspeto na
nangangailangan ng espesyal na pansin ay ang kalinisan
at kalusugan, na kung saan ang VIDES ay tumutugon sa
pamamagitan ng mga medical mission.
Simula 2009, pinalawak ng VIDES Philippines ang
kanyang serbisyo sa pamamagitan ng pagbibigay ng
minsan sa tatlong buwan na medical mission sa mga
lunsod, bayan o probinsiya.
Kasama rin sa programa ng VIDES ang pagsugpo sa sakit
na tuberkulosis (TB) sa Bgy. 601, Bgy. 602 at Bgy. 286.
Sa tulong ng mga Volunteers, marami na ang mga
pasyenteng naidulog sa mga health centers ng
Department of Health. Nagsasagawa rin ang mga
Volunteers ng TB classes upang maiparating sa
karamihan ang nararapat na impormasyon ukol sa sakit
na ito.
Paano kayo makakatulong:
1. Magbigay ng mga gamot at medical supplies.
NOTES
2. Mag-Volunteer. Sumali at magbahagi ng oras at mag-
imbita ng mga doktor at mga nurses

10. Annual Mission Camp

11. Annual Mission Camp
Ang Mission Camp ay isang taunang “outreach project” o
pagbibigay ng serbisyo sa mga kapatid natin sa iba’t-ibang
dako ng Pilipinas kung saan matatagpuang naglilingkod ang
mga Daughters of Mary Help of Christians (FMA). Ang mga
lugar na ito ay: Negros Occidental; Minglanilla, Cebu; Puerto
Princesa, Palawan; Calapan, Oriental Mindoro; Canlubang,
Laguna; at Mabalacat, Pampanga.
Ito ay isang pagkakataon para sa mga VIDES volunteers na
makapagbigay ng kanilang sarili sa pamamagitan ng pakiki-isa
sa mga gawain ng VIDES tulad ng: pagtataguyod sa mga
karapatan ng bata; libreng medikal na konsultasyon at gamot;
libreng pagpapagupit; pagtuturo ukol sa mga gawaing
pangkabuhayan; pagpapakain at pagbibigay ng pangunahing
mga pangangailangan gaya ng bigas, delata, damit, gamit sa
banyo at paaralan.
Ang mission camp ay nagbibigay daan at lugar para sa
paghubog ng mga VIDES Volunteers. Ito ay hindi lamang para
sa mga VIDES Pinoy Volunteers kundi para rin sa mga VIDES
Volunteers mula sa ibang bansa na kung saan mayroong
grupo ng mga VIDES Volunteers na itinatag ang mga
Daughters of Mary Help of Christians.
Paano kayo makakatulong:
1. Maging ang isang donor. Maaaring magbigay o maghandog
ng donasyon
NOTES
2. Mag-Volunteer. Sumali sa VIDES at ibahagi ang iyong sarili
para sa mga batang salat sa lahat ng bagay.

12. Scholarships / Educational Assistance Project

13. Scholarships / Educational Assistance Project
Ang Scholarship ay isang programang pang-
edukasyon ng VIDES na naipapalaganap sa mga
batang kasapi ng BMDK sa Delpan, Pasay, Recto,
South Triangle, San Roque, Sta. Mesa, at NIA Road.
Ang pondo ay nagbibigay ng tulong sa bahagyang
pagtugon sa mga pangangailangan sa edukasyon
ng mga batang nasa ilalim ng programa. Nasa
prinsipyo ng VIDES na ang edukasyon ng mga bata
ay ang pangunahing responsibilidad ng mga
magulang at ng bansa, kung kaya’t ang suporta ng
VIDES ay karagdagang tulong lamang para sa
pamasahe at baon ng mga bata.
Paano kayo makakatulong:
Sumuporta sa pag-aaral ng isang bata sa
pamamagitan ng pamasahe at baon. Maaari
kayong magbigay ng anumang halaga na maluwag
sainyong kalooban sa:
VIDES Philippines Volunteers Foundation, Inc.
Metrobank Account No. 3306-24619-5 NOTES
Metrobank V. Mapa Branch
Sta. Mesa, Manila

15. “Makina Mo, Kabuhayan Ko” Urban Livelihood
Project
Inilunsad ng VIDES Philippines ang programang
“Makina Mo, Kabuhayan Ko” bilang pagtugon sa mga
suliraning pang-kabuhayan ng mga pamilyang
naninirahan sa lungsod. Sa ilalim nito, ang bawat
Nanay na kasapi ay binibigyan muna ng pagsasanay sa
pananahi at pagkatapos ay pinagkakalooban ng sariling
makina na kanyang huhulugan. Ang nalikom na bayad
ay gagamitin sa muling pagbili ng mga bagong makina
para sa mga susunod na tatanggap.
May mga ilang Nanay naman na bumuo ng isang grupo
sa ilalim ng pangangasiwa ng VIDES upang magsanay at
manahi ng mga damit sa pamamagitan ng paggamit ng
mga high-speed sewing machines. Layunin nila ang
magkaroon ng isang mas matatag at malagong
kabuhayan.
Paano kayo makakatulong:
1. Magturo ng pananahi sa mga nanay
2. Ibahagi ang inyong kaalaman sa paggawa ng mga
disenyo
3. Maghanap ng mga interesadong magpapatahi ng NOTES
mga damit, uniform, costume, t-shirts, at iba pa
4. Tumulong magbenta ng mga tinahi ng mga nanay
5. Magbigay ng makina sa mga nanay

16. “Pera Mo, Kabuhayan Ko” - Micro Credit Project

17. “PERA MO, KABUHAYAN KO” - Micro Credit
Project
Ang “Pera Mo, Kabuhayan Ko” ay ang pagpapahiram ng
VIDES ng puhunan sa mga Nanay na may kapasidad
na maghanap-buhay ngunit walang kakayahang
mamuhunan. Maliit lamang ang kanilang kailangan at
hindi naman nila kayang manghiram sa mga bangko.
Sa programang ito, 5% lamang ang interes na kanilang
binabayaran at ang bawat kasapi ay insured pa.
Ang mga maaaring sumali sa proyektong ito ay ang
mga nanay na kabilang sa oratoryo ng mga
Daughters of Mary Help of Christians at ng BMDK.
Marami na sa kanila ang nakapagsimula at
nakapagpapatuloy na ng kanilang maliliit na mga
negosyo para sa pang-araw-araw na pangangailangan
ng kanilang mga pamilya.
Karamihan sa mga nanay ay nagtitinda ng pagkain,
basahan, barbeque, balut, mais, prutas, laruan, at
mga damit.
Paano kayo makakatulong:
1. Ibahagi ang inyong kaalaman sa pag-gawa ng mga NOTES
bagay na maaaring pagkakitaan.
2. Bumili ng mga paninda ng mga nanay

18. Solidarity / Being “One for Others”

19. Solidarity / Being “One for Others”
Ito ay ang pagkaka-isa at pagsasama-sama ng mga
VIDES Volunteers upang makatugon sa mga
pangangailangan ng mga tao, lalung-lalo na sa
panahon ng sakuna at kagipitan.
Ang VIDES Philippines, sa abot ng kanyang
makakaya at sa tulong ng maraming taong may
mabubuting loob, ay nagsasagawa ng tulong para
sa mga nasalanta ng kalamidad tulad ng bagyo,
sunog at baha. Sa pagbibigay ng sarili at
pagbabahagi ng kanilang munting tulong sa mga
kapatid nating naging biktima ng anumang uri ng
kalamidad, naisasabuhay ng mga VIDES
Volunteers ang kanilang pagiging
“One for Others”. Ito ay nagmumula sa isang
maliit na tulong na lumalaki kapag pinagsama-
sama. Ito ang pagiging isa at ang pagkakaisa ng
VIDES Volunteers sa lahat ng oras: lalo na sa oras
ng pangangailangan.
Ang VIDES Philippines ay tumatanggap ng mga
damit, sapatos, pagkain at mga pangunahing
NOTES
bilihin para sa mga kapatid nating nasalanta ng
kalamidad.

20. Advocacy on Children’s Rights

21. Advocacy on Children’s Rights
Bawat bata ay may karapatang mabigyan ng
proteksiyon at pangangalaga ng kanilang pamilya,
komunidad at ng lipunan. Ang UN Convention on
the Rights of the Child (UN CRC) ay nagsasaad ng
mga karapatan ng bata sa pagkain, tahanan,
edukasyon, proteksiyon, pakikilahok, kalusugan at
mga batas na angkop para sa edad at pag-unlad ng
bata.
Ang VIDES Philippines ay isang organisasyon na
nangangalaga sa mga bata at sa kanilang mga
karapatan. Nagbibigay ito ng impormasyon ukol
sa UN CRC sa mga batang kasapi ng BMDK upang
maiwasan ang mga pang-aabuso sa kanilang mga
karapatan at malaman nila kung paano nila ito
maipaglalaban. Ipina-uunawa din sa mga bata na
ang bawat karapatan nila ay may kaakibat na
responsabilidad at pag-galang sa karapatan ng
ibang tao.
Kasama ng VIDES Philippines sa pagtataguyod ng
mga karapatan ng bata ang Council for the
NOTES
Welfare of Children (CWC), Child Rights Network
(CRN) at ang Philippine NGO Coalition on the
UN CRC.

22. “Kambing Mo, Kabuhayan Ko”

23. “Kambing Mo,Kabuhayan Ko”
Unang inilunsad ng VIDES Philippines sa
Canlubang, Laguna ang proyektong “Kambing Mo,
Kabuhayan Ko”.
Malawak na damuhan ang kailangan upang
mapangalagaan ang mga kambing. Ang bawat
pamilyang napili ng Daughters of Mary Help of
Christians (FMA) na tatanggap ng kambing ay may
responsabilidad na ibalik ang isang guya nito
o ang katumbas na halaga upang maigawad
naman sa susunod na tatanggap na pamilya.
Layunin ng VIDES na ang proyektong ito ay maging
laganap sa komunidad kung saan ito ay inilunsad.
Ang “Kambing Mo, Kabuhayan Ko” ay
matatagpuan sa mga lugar na ito:
Canlubang, Laguna; Minglanilla, Cebu;
Macarascas, Puerto Princesa, Palawan;
at sa mga Aetas ng Sitio Monicayo, Mabalacat,
Pampanga.
Paano kayo makakatulong:
1. Magbigay ng kambing para sa mga napiling
pamilya NOTES
2. Magbigay ng katumbas na halaga ng isang
kambing

24. Boluntarismo (Volunteerism)

25. BOLUNTARISMO (VOLUNTEERISM)
Ang pagbibigay ng sarili, oras at pagbabahagi ng talento ay
isang karanasan na nagdududulot ng lubos at malalim na
kaligayahan na nanggagaling sa puso at nagiging resulta ng
positibong pag-uugali ng isang taong nagpapasalamat sa
Diyos. Ang pagiging isang VIDES Volunteer ay isang bokasyon
at isang hamon sa iyong sarili upang gumawa ng isang
pagbabago.
Ang VIDES Philippines ay isang boluntaryong organisasyon na
nagbibigay ng pagkakataon sa mga institusyon, negosyo,
kabataan, propesyonal at sa mga estudyanteng may pusong
magbahagi ng kanilang sarili. Ito rin ay binubuo ng mga
indibidwal na may kani-kaniyang talento na siyang
nagpapatingkad ng kulay kapag ito ay pinagsama-sama.
Makikita sa grupo ang pagkakaroon ng respeto at
pagpapahalaga sa mga kakayahan ng bawat volunteer.
Isa sa pinakamagandang halimbawa na ginagawa ng
volunteers ng pagpapakita ng pagmamahal ay ang taunang
Christmas Party kasama ng mga batang Aetas at ng kanilang
pamilya. Isang pangako ng volunteers na sa halip na
magkaroon ng palitan ng regalo at mag-Christmas party sila
ay ipunin na lang ang mga regalo upang ibahagi sa mga
batang Aetas. Nagustuhan ito ng mga volunteers sapagkat
ang kasiyahan ng pagbibigay at pagbabahagi ng simpleng
regalo ay higit sa lahat ang pagkakaroon ng panahon na
makasama ang ating mga kapatid na katutubo.
NOTES
Ito ay naging palagiang gawain na tuwing unang Linggo ng
Disyembre, malapit sa December 5, na siyang itinakdang
International Volunteer Day ng United Nations.

26. VIDES Philippines Volunteers Foundation, Inc.
Of the Daughters of Mary Help of Christians
(Volunteers International for Development, Education and Solidarity)
3500 V. Mapa Extension , Sta. Mesa Manila 1016 PHILIPPINES
Tel. No.: (02) 703-5606; Telefax: (02) 715-6740
Email: videspinoy@gmail.com Website: http://videsphil.multiply.com