1. BILERA-AKTA
GAIA: Urretxu eta Zumarragako euskaltzaleok egituratu eta
berrindartzeko prozesua
DATA: 2010/07/07 TOKIA: ZELAI ARISTI
PARTE-HARTZAILEAK: 43
HITZ EGINDAKOA
1.SARRERA
Bileraren helburuen eta asmoen aurkezpena egin dugu lehendabizi, honako gai-
zerrenda azalduz:
•Sarrera
•Talde-dinamikak
•Laburpena eta aurrera begirakoa
Batetik, Zintzo Mintzok ekainean egindako gogoetaren berri eman da eta
horrekin batera Soziolinguistika Klusterrak egindako neurketaren azken emaitzak
ere azaldu dira, bileraren testuingurua kokatzeko eta aurrera begira baliagarriak
izan daitezkeen gogoetak azaltzeko.
Bestetik, gaurko bilera, Urretxu eta Zumarragan euskaltzale-talde antolatu eta
eraginkor bat berrindartzeko abiapuntua izan nahi duela azaldu da, bileraren
helburu garrantzitsuena hori dela azaldu da.
Hona hemen Zintzo Mintzoren jardunaren balantze orokorraz aurkeztutakoa:
•Egin, asko egin dugu, eragin ez hainbeste.
•Jendea biltzeko zailtasunak, ezin erakarri. Egoera larria.
•Martxan ditugun hainbat proiektu (Otamotz, Otamotz.com) bere bidea egin
behar dute, elkarlanean.
•Erabileran eragin beharra dago: gizartean, harreman-sarretan eta
hiztunengan eragingo duten ekimenak behar dira.
•Euskaldunak, euskaltzale bihurtu. Euskaldun izatea ez da “nahikoa”, eragile
aktiboak behar ditugu.
Soziolinguistika Klusterrak egindako kale-erabileraren azken neurketen emaitzak
ere azaldu dira grafikoki:

2. Azkenik aurrera begira Zintzo Mintzoren gogoetan ateratako ondorio nagusiak
azaldu dira:
•Euskaltzale-talde antolatu eta eraginkor baten beharra dagoela; euskaldunon
erantzun bateratua behar dugu.
•Fase berri bati ekin behar zaio: egitasmo berritu eta ilusio sortzailea.
•Parte-hartzaile eta eta motor berriak behar ditu fase honek.
•Lehentasunak definitu eta sektore berriak inplikatuko dituen motor edo
lantalde berria.
•Elkarrekin erantzungo diogu erronkari, asko gara laguntzeko prest gaudenok.
2.TALDE-DINAMIKAK
Bilera modu antolatu eta parte hartzailean bideratzeko talde-dinamiken
metodologia erabili da. 5-6 laguneko 7 taldetan batu da jendea eta honako
galderei erantzun zaie
•Zertan aritu beharko ginateke? (Zein helburu eta eremutan kokatu beharko
litzateke Urretxu eta Zumarragan euskaltzale talde batek)
•Nola antolatuko gara? (Zehaztu ditugun helburuak lortu edo eremuetan
eragiteko zein egitura edo antolaketa-moldea hartu behar dugun)

3. 3. ZERTAN ARITU BEHARKO GINATEKE?
Galderari lantaldetan eman zaizkion erantzuna eta gogoetak:
•Motibazioa – hizkuntza bizia: hizkuntza tresna gisa  Tropela.net
•Sentsibilizazioa eta motibazioa: bi atal hauek dira garrantzitsuenak.
•Sentsibilizazioa. Euskaltzaleak erreferente bezala euskaldunen artean sartu
•Sentsibilizazioa: gizartean eta taldetan eragin. Beste erakunde eta taldeetan
eragin beharko genuke. Gazteengan eragin beharko genuke.
•Belaunaldi berriak (gazteak)
•Gazteak motibatu, hizkuntza bizia dela transmititu
•Herrian eragin beharko genuke. Banakoarengan eragin eta taldeetara
zabaldu.
•Jendearengana hurbiltzeko lan egin  elkartea ezagutzera eman
•Erabilera bultzatu: Euskara hizkuntza da  tresna
•Erabileran aritu beharko genuke
•Erabilera areagotu
•Erabileran eragin beharko genuke, betiere garai berrietara egokituz.
•Erabilera bultzatu beharko genuke, hori egiteko gauza oso konkretuak
antolatu
•Hiztunen mailan eragin. Hizkuntza hautua indibiduala da
•Euskaldunak euskaltzale bihurtu. Euskal identitatea landu.
•Gauza oso konkretuetan, bestela indar asko galtzen da  indarrak ez dira
xahutu behar: adb.: bertso-eskola autonomo bihurtu.
•Eragile potentzialak (norbanakoa, elkarteak…) identifikatu eta aktibatu.
Eragile izatearen “kontzientzia” hartu dezaten.
•Taldeak euskaldundu (dantza, kirola…). Horretarako taldeetan euskaldunak
sartu.
•Elkarteekin lan egin. Euskaraz aritzen dira ¿ Zergatik? Konpromisoak lotu.

4. •Sare bat lortu eragile desberdinekin. Taldeetan eragin.
•Sare bat sortu eta elikatu. Gaurko errealitatearen beharrei erantzun
•Baliabideen araberako ekimenak aurrera eraman
•Euskaraz hitz egiteko guneak erreskatatu
•Euskaraz bizitzea erakargarriagoa egitea, ez derrigorrezko zerbait.
•Euskaldunak babestu, legea betearaziz eta gure eskubidea defendatuz.
•TELP moduko ikastaroak
•Teknologia berrietan
•Elkarteetan eragin beharrean, elkarteetan jendea “kokatu” edo euskaltzaleak
identifikatu eta euren eragile-lana koordinatu.
•Gazteen formazio soziolinguistikoa landu, belaunaldi berriena.
4. NOLA ANTOLATUKO GARA?
•Lan taldeak sortu beharko genituzke, proiektu motzak eta luzeagoak ere
aurrera aterako dituztenak. Oso garrantzitsua da emaitzak ikustea eta taldeak
konfiantza hartzea.
•Gure herrietan dauden gabeziak jorratuko dituen taldea.
•Aniztasuna, edozeinek du lekua gure taldean. Konpromiso maila desberdinak
hartzeko aukera ematen duena.
•Talde txikitan antolatu beharko genuke eta norbera egoki ikusten den
taldean sartu
•Esparruak zehaztu eta hauen arabera taldeak antolatu. Lan taldeak sortu
esparru hauen arabera.
•Euskal komunitate konpaktu bat lortu eta lan taldeak egin. Norbait liberatu
gestioak egiteko. Beste elkartetako ordezkariak gurera erakarri zuzeneko
komunikazioa bermatzeko.
•Herriari begira lan egingo duen taldea izatea nahi dugu, beste talde
batzuekin harremana sortuko duena.
•Ahalik eta zabalena: aniztasuna bultzatu. Aniztasuna esparru zeharo
ezberdinetan eragin ahal izateko.

5. •Batzorde bat osatu: euskararen egoera aztertzeko (urtero edo 2 urtez behin)
eta betebeharrak zehazteko
•Jendeari egiteko gai den lanak eman
•Helburua: taldeak autonomo izanik, elkarteak haiek koordinatzeko lana
egitea, babesa eskaintzea erabilera bultzatzeko.
•Ekintza sinbolikoetan indarrik ez galdu.
•Barrura begira (motorra izango den taldea sortuz) eta kanpora begira
(herrian, elkarteetara zabalduz)
5. AURRERA BEGIRA
Gaurko bilera abiapuntua izan da, fase berri baterako lehen bilera eta jarraipena
izan behar duela ondorioztatu da. Bileran ateratako gaiak zehazten eta
praktikara nola eramango diren lotzen joan beharra dago. Gaur ateratako gai eta
gogoetatik tira egin eta eginkizun zehatzetara pasatuz beharra nabarmendu da,
alegia.
Hurrengo bilera irailean egingo da eta aldez aurretik egingo da bilera-deia.
Hartutako konpromisoak:
•Antolatzaileek bileraren akta eta dokumentazioa bidaltzea (Zintzo Mintzoren
gogoeta-txostena, barne) parte hartzaileei.
•Partaideek bileran azaldutakoa euren inguruan zabaltzea: etorri ezin izan
dutenei eta interesgarria iruditzen zaien orori.
•Hurrengo bilera irailean izango da eta deialdia egingo dute antolatzaileek
irailaren lehen astean.

7. ERANSKINA (Bilera-deia egiteko erabilitako testua):
Fase berri bati ekitera goaz. Animo, zain zaitugu
Orain hiru aste amaitu genuen Zintzo Mintzoko gogoeta-prozesua eta burututako bi
saioetako ondorio nagusiak aurreratu nahi dizkizuegu.
Badira urte batzuk Zintzo Mintzo Euskaltzale Elkarteak bere bideari hasiera eman ziola.
Urte hauetan makina bat lan eta proiektu aurrera atera ditu, hala nola sentsibilizazio eta
erabilera kanpainak (giza katea, kandela piztea, merkataritza, jantokien erabilera, kirola
euskaraz...), gure herrietako euskararen ondarea jasotzea (toponimia lana, Urretxu-
Zumarragako euskara), kultura ekitaldiak (zinema euskaraz, kantu afaria...), euskal
hedabideen areagotzea (Otamotz aldizkaria, www.otamotz.com atari digitala, HITZA) eta
beste hainbat ekimen.
Urte hauetako esperientziak asko erakutsi digu, jende berri asko ezagutu dugu,
euskararen mundua anitza eta zabala dela ikusi dugu. Gu euskara erabiltzeko desioak eta
horretarako ditugun oztopoak gainditzeko gogoak elkartzen gaitu.
Zintzo Mintzo Elkarteak euskararen erabilera areagotzea du helburu, gure hurbileko
egunorokoan gure hizkuntza aukera errealagoa izan dadin, hiztunongan eta inguruan
eraginez. Jakin badakigu euskarak ez duela elkarterik behar, guk, euskaltzaleok, behar
dugula elkartea, gure indarrak batu eta errealagoa izan dadin euskaraz bizitzeko aukera.
Euskaltzaleok gure herriotan euskaraz bizitzeko ditugun oztopoei erantzun bateratu bat
emateko behar dugu elkartea.
Argi dugu Urretxu eta Zumarragan euskaltzale-talde antolatu eta eraginkor baten beharra
badagoela. Erabilerari buruzko azken datuek premia hori oraindik nabarmenago utzi dute
agerian.
Zintzo Mintzon egindakoaren eta egungo egoeraren inguruan hausnartu dugu eta
elkartearen fase bat amaitu dela uste dugu. Dagoeneko martxan ditugun proiektuek bide
berriak urratu beharko dituzte, egoera eta baldintza berrietara egokituz. Gure egitekoa
eta gure egitura birmoldatu beharrean gaude.
Fase berri bati ekiteko prest gaude. Fase horrek motor berria behar du; hau da,
zuzendaritza-talde eta parte-hartzaile berriak behar ditu. Antolatzeko eta egiteko bide
berriak urratuko dituzten pertsonak behar ditu, lehentasunak definitu eta sektore berriak
inplikatuko dituztenak. Gure proposamena irekia da, malgua, ekarpen berrietara irekia,
jende berriari zuzendua.
Zu proiektu berri honen partaide, sustatzaile edota gidari izan zaitezke, anima zaitez,
aukera polita da, erronka bikaina da, merezi duena, elkartuta errazagoa izango da eta
guztion lorpen txikiak aukera berriak irekiko dituzte. Badakigu asko dagoela egiteko,
baina ez zara bakarrik sentituko asko baikara laguntzeko prest gaudenak.
Fase berriaren abiapuntu gisa, asteazken honetan, uztailaren 7an, batzar irekia antolatu
dugu, bazkide eta euskaltzale guztiei zabalik. Batzarra 18:30ean izango da, Zelai Aristi
kultur etxean.
Animo, zain zaitugu.