1.
KACOU 3: PROFETA WAKUTUMA KULI ZAMBI
CHOKWE
Awuno uli mukanda uze Mwene Yesu Kristu ahana kuli Profeta
Kacou Philippe hanga alamwine aze eswe apwa ana ja Zambi ha
chisemuko chino.
Nyi muze mutanga uno mukanda mba muwanamo maliji aze
uchikwevwashana nyingika ngwo achino chinapu ngwe yifwo ku
chifwaha chitangu liako yifwo mba chifwaha mwosa sali, muze
hiwamana mba mupolota chifwaha
NYI MUZANGA NAWA KUTANGA MIKANDA YIKWO, SANYIKA
MU FONE JINO:
931993967/934792807
Hanjika nawa nyi ma apostolo já Kacou Philiipe muno Ngola:
Mu Facebook: Apóstolo Hugo Zé da Costa
Mu Facebook: Apostolo Aniceto Manuel.

2.
KACOU 3 : PROFETA WAKUTUMA KULI ZAMBI
(Kamwambulwile há chalumingu tangwa 20 lia Kakweji wa kwali
mwaka 2002, ku Locodjro, Abidjan - Costa do Marfim)
1 Sango Lipema lia wanangana wa Malilu liakwiza Mwilu
nyi mungelo, chikwo nawa kuli sango lipema likwo lineza mu
jondo mu shikola ya tufunga, mumu Zambi kakuzalisa mbunge
mba liapu aye kakuzalisa mutwe. Ewulukenu há tangwa 24 lia
kakweji wa kunake mwaka 1993,chize liji lienyi lianjilile muli
yami nyi chize nalimbukile mu ufwe. Yenwe nunamono? Mwe
liapu wakutunga shikola ya tufunga. Mumu, nyi yami ngutuma
mutu hanga asanyike pwo liami unakaya ku chihunda, awuno
kanganda kechi kutambula fumbo lia mutu nyiumwe. Yami wika
ngumwambulwila chize mamba kuli pwo liami nyi yami
ngunanyingika ngwo yiye mamutayiza. [Ed: Chikungulwila
chamba: «Amém!»].
2 Sanata nyi anenyi apwe nyi Shikola ya tufunga, nyi chipatulo cha
kulilongesa mbimbiliya nyi internet, yami nyi zuwo liami mutupwa
nyi usolwelo wa uprofeta. [Ed:Chikungulwila chamba :
«Amém!»]. Mba muze haakatuka mu shikola ya tufunga, nyi mu
yiwanyino ya kulilongesa nyi yichapa yo ya uteologia muze ano
yilembekese ano ana já liapu mamana ku chilumbilo, ó kakwamba
ngwo : «ó Zambi! Ngujimune hanga yena uhanjikile muli
yami!». Yenwe nunamono? Auno kali luvundo! Nyi yena
unanyingika ngwo Zambi mahasa kukujimuna hanga ahanjikile
muli yena, mba yika wayanga nyi kufupa kushikola ya tufunga?
3 Shikola ya tufunga kuyishi ulemu shina wika chihela chize atu
akuya hanga ahase mana akwonga nawo mukachi ka manyonga.
Yenwe nunamono? Ayo kakulilongesa yitanga nyi ndako ja atu.
Ayino yeswe kakuyivuluka malifwa. Mba yeyino ayo akuswekela
kuli atu.
4 Chipema! Mbimbiliya yinambe ngwo kushi nyi chimwe
chinaswamana kechi kachisolola ku pangu lia tangwa. Zambi
kachilingile mumu shimbu ya kutungulula hiyaheta, alioze
chinyengo wika, mumu aze achilakenyenene hanazengewa mba
kahashile kusakula chipema nyi chipi, Spiritu ya Zambi nyi spiritu
ya liapu, Liji lia Zambi nyi teologia … mba muhuko unasemukako
yili yikungulwila ya katolika, protestante, evajelika nyi a
branhamista.
5 Mba mumu lia upyanguke ayino yizulie ya usatana anayivulukila
yikungulwila, yinalipwisa shimbu lioliene chimwe kushingiwa cha
chifuchi nyi chikashi cha utenu wa Zambi. Alioze muze musenge
wa lamba mawuhinjila ha chimwe chifuchi, yikungulwila yikwete
washi há kuchilumbununa hanga akolese chihenge mu jila yenyi.
Yami chichikuhasa kunyonga lamba lize yikungulwila
muyikawana mu usopeso!
6 Nyingikenu ngwenu Zambi te nyi mwe watumina yino
yikungulwila ayino kachi, yichikulemba chimuwika
nyi a mbundista, a mahikari, a musuulumanu, ma nganga, tufuza,
makombe nyi wino wa mu jita…
7 Mba yikungulwila wika ya afrika, kachi yinahanjika kutwala ku
yisaji ya yizulie ya ulianyi nyi ya upole, kutwala ha wano matapalo
ja tunana uta nyi ja litoko, ha jornal kaanaseho chizulie cha mapwo
ali uselesele, miaso nyi wino wa luchisa, kupangiza kamizinya,
kulikinda ufumba, nyi yuma yikwo. Yenwe nunamono? Chihela

3.
chize shili kanatayiza, chikungulwila ndo chihanjike. Nyi ayo
kanapangiza kamizinya kuli alonge, kuli maswalale nyi kuli atu
akwo mba yikungulwila yinalihulika, ayo katelele kulemba newo,
nyika ayo kaanapu akwa kole anene ja afrika mba chechize ayo
apwa.
8 Mumu liaka? Mumu shili ya yoze wakuzala kazinya, yitumbo ya
kulikinda ufumba che chimuwika nyi ya yoze wakulichiza
ufumba.
9 Muze luyinda meza mu chimwe chifuchi, ku yikungulwila
awuno luyinda anamutumu, ngwe ku mashimbu akunyima hali
mazambi ja mu Engitu. Yenwe nunamono? Yami Kacou Philippe,
ndungo ya Yesu Kristu, yami chanukokolwele, alioze mu
mokomoko nwalemba. Zambi kakukatwisa tulala jenyi hanga
alinge usopeso, ngwe chize Iye akatwishile kalala wenyi
Nabucodonosor walimikine nyi Izalele ku mashimbu
akunyima. Hi Zambi ko wakutumina yeswe yize yakupalika
hano hashi? [Ed: Chikungulwila chamba : «Amen!»].
10 Ngwe Yosefwe, atu alaa aze alanjiwile mu afrika nyi anapanga
anachina myhuza ja kukaujola cha roma yaliwanyina mu chifuchi
chaha cha Amérika. Zambi wa wahishile, mba yalinga hanga
mandumbu jo, chifuchi chamundu, aliumbe makungunwa kulutwe
lia kutumina cho mukachi ka ONU mumu hakusula cha falau,
papa wa Engitu, kapwile Yosefwe. Yetwe tunachimono ku
mukanda wa Uputukilo nyi ku Usolwelo 13. Yenwe nunamono?
11 Mba, mu kupwa cho cha ma panga nyi ajikulu ja akwa kristu,
kulishinga nyi Bimbliya, ayo yalipwisa umwe ndrakau, akwa
kufwenyia nyi kukonga mbomba nyi kusa yinjinda nyi kukanjisa.
Sapu hanga atume tiliku ya chamwana kuli asoko jo ja mu afrika
hanga amone mwono, ayo kaanatumu mata hanga ayo alishihe.
Ayo kaanatumu amwe a Tommy Osborn, Kenneth Hagin, Benny
Hinn, Morris Cerullo, Billy Graham… hanga onge akwa hashi.
Ayo kanevu chisseke cha kwamba ngwo: «Zambi awahise
Amerika». Nyi Zambi mawahisa ayino Amérika yami ngunamono
chize, nyi chocho, Zambi ndo alikonyekene mumu lia kupuzula
Sandoma nyi Ngomora. Yenwe nunamono? Nyi Zambi mawahisa
ayino Costa ya Marfim yami ngunamono chize, nyi chocho, Zambi
ndo alikonyekene mumu lia kupuzula Sandoma nyi Ngomora.
Mba muze muchikapwa kuhuzuluka, Zambi ndo akete ukonekeno
kuli akwa Sandoma nyi Ngomora. Zambi ndo akete ukonekeno
kuli akwa Nínive. Yenwe nunamono?
12 Nyi Zambi malamwina umwe mukwa katolika, umwe wa ku
protestante, umwe mukwa evajelika hanji umwe ka branhamista
hanji ano yilio ya ku misau nyi milimo, Zambi ndo ajime ngehena
mba atu eswe ndo maya mu palayisu chipwe Satana. [Ed:
Chikungulwila chamba: «Amen!»]. Kuchi mutu malituna profeta
wa mwono wa shimbu yenyi mba maya mu palayisu? Kuchi umwe
mutu malilamwina mu sanga lia meya shimbu iye kalituna Noa?
Muze Mwene Yesu kristu apwile hashi, kuchi mutu malitunaye
mba malilamwina? Hashi heswe mu jondo hali hamukunda lia yino
yikungulwila.
13 Mba ha tangwa 11 lia kakweji wa kamoshi mwaka 2001, muze
Amerika ayashile, yami yingwamba nyi chikatashi ngwami:
«hichalingiwa!» Mba yami yinguwezaho: «yeyino alumbunwine
kuli mukeji wa kushimbu ya chingoloshi». Keke ha chino chifuchi
cha Amérika! Yika muchikalingiwa musono haliapwila? Chize
hano, woma nyi chikekeshi muchikapwa muli ano atu. Kashika
sapu akalakalile upeme, ayo hanazange kukalakala nyi kutokesa
chihenge.

4.
14 Ukulungunga kuchapwile kufupa kukwata Al-Quaeda nyi
ulianyi; ajino jinapu mbwechi jipema ja Zambi. Alioze kuhechi
kapwa ulukungunga, shimbu hachili Tommy Osborn nyi Morris
Cerullo nyi Benny Hinn nyi Manasseh Jordan nyi eswe aze
akulinga ungeji muze mwaya mavu! Mba nyi yenwe munufupa
kukwata hanji kushiha aze, nyingikenu ngwenu Zambi mahasa
kukatwisa mbwechi ku yihela yeswe! Zambi mahasa
kukatwisa kakundukundu, kulipulapula hashi nyi mihiji. Mba
yenwe kunwanyingikine ngwenu shiki yipi chinji kuhiana sida
muyikasoloka hashi? Mba yenwe kunwanyingikine ngwenu yize te
kuyatelele kushiha muyikashiha? Mba Zambi makakatwisa yino
yuma hali mutu mweswe hanji chifuchi cheswe chakulingiwa
chako cha shili nyi cha aprofeta akwonga.
15 Mba chechize Zambi mba yanongesa ku shimbu ya Noa.
Yikungulwila yapwile nyi amwe a Tommy Osborn, akwa mahuza
nyi atu a lufuma aze achichimikine kuli atu. Mba jila yeswe ya
ulamwino kayipiangwile. Talenu ku Uputukilo 6:11-12: «… hashi
hihanapianguka ku meso ja Zambi, mba hashi hazalile nyi kole.
Mba Zambi watalile hashi, aho te hihanapianguka, mba musunyia
weswe wapiangwile jila yenyi hano hashi». Talenu chino: «…
hapiangukile ku meso ja Zambi». Kuchapwile ku meso ja atu,
alioze ku meso ja Zambi! Kuli atu, ayo kali mu umwenemwene;
ayo keshikumona upi weswe uze ayo analingi! Chenachize aho
Zambi yakatwisa umwe mutu mukehe kuli ayo, keshi nyi fumbo lia
uteologia, kwambujola chenyi chaanehene luvundo. Mba Noa
yambujola mumwe um yimwe puya yambwende.
16 Atu kaanatayiza ngwo tuli ha shimbu ya Noa. Akwa
kwambujola eswe kanatayiza ngwo tuli ha shimbu ya Noa.
Yikungulwila yinatayiza ngwo tuli hashi Noa… alioze Noa kuliko
ali? Achino chihula chacho ayo keshi kuchikumbulula. Alioze,
kuchi umwe mutu mahasa kupwa ha shimbu ya Noa kuheshi Noa?
Mba yenwe ana ja Zambi, kanda nufupa tufunga anene, apostolo
nyi aprofeta, alioze fupenu Noa! Nyi yenwe, tufunga akehe! Nyi
yenwe tufunga akehe akehe! Nyi yenwe a sasendote akehe! Kanda
nuya ku Yerusaleme, alioze yenu ku Mbeteleheme! Kanda nuya
mu yikungulwila yinene, kanda nufupa yikungulwila yinene, kanda
nufupa yikungulwila ya Heronde, kanda nuya kuli ano anasanyika
atu ja Zambi, alioze yenu chitangu kuli kalupindelu Yosefwe. [Ed:
Chikungulwila chamba : «Amen!»]. Noa kaalitunyineye mba
achize chapwile chilayi Zambi ahanyine ku yisemuko yeswe ya
hashi. Aprofeta eswe makalitunawo hamukunda lia Sango jo.
Alioze Mwilu Zambi yaatayiza.
17 Mba nyi Noa mamutayiza, nyi yami makangutayiza. Mba
henaho yetwe tunahwimina, yami nyi tumbaji jami [Ed:
Chikungulwila chamba : «Amen!»]. Hashi hihanapianguka mba
Mwene Yesu Kristu yamba ngwenyi hakusula cha mashimbu,
nyi Iye mashimbula, kuhechi kapwa nyiumwe wakusakula hashi.
Mba kuliko kunakatuka awuno upianguke? Ku Estados Unidos ya
Amérika. Talenu kuli Tommy Osborn, Benny Hinn, Billy Graham,
Morris Cerullo nyi wano eswe… ayo hanapiangula hashi, yami
ngunakomoka atu anavuluka jina lia Mwene Yesu Kristu kakuhala
kuya mu Estados Unidos. Yihunda yenu kuyapemene kuhiana Los
Angeles nyi Hollywood? Mba kuliko kuneza awuno ukole, ano
tupela nyi tuvwanda ha majimo? Kuliko kuneza kusakula kambu
cha upianguke? Chizechene nwahala kuya Europa nyi Amerika,
chechize alma jenu jinazembamina ku shili nyi ngehena! Mba aze
ali mu Europa nyi Estados Unidos hanazala nyi Spiritu Musandu
kakuzanga kupwa mu yihela yenu muno mu Áfricka, kusuko nyi
yize akumona kuze.

5.
18 Mufunda wa ngongo utangu wa ku Usolwelo 13, yili Vatikanu,
hunapiangula hashi nyi chikungulwila cha katolika cha roma. Yami
ngunanulweze hanga nupanjike nyi matwi jenu ku Vatikanu.
Tangwa limwe umwe mujimbu mukachikimisa chifuchi. Mba yino
shimbu hinahete musono mba chikashi cha uno usopeso yili spiritu
yize yili ku Al Qaeda. Mba chifuchi chamundu muchikamba
ngwenyi: iya wachilinga? Yenwe nunamono?
19 Mufunda wa ngongo wa muchaali wa ku Usolwelo 13, Estados
Unido, yiye mwene chimwe chizulie cha Vatikanu, chinapu
kupiangula hashi nyi yikungulwila ya protestante, evajelika,
Yikungulwila yacho neyo yili chizulie cha katolicismu, eswe
kaanakalakalila mufunda wa ngongo, spiritu yacho chisuho
chimwe yasangulwishile Babel mba yipwa kusambulwisa ku
Mbambilonyia, kusulaho ku wanangana wa Medo nyi Persa
kusulaho ku wanangana unene wa ngresia kusulaho ku wanangana
wa roma nyi ku Chikungulwila cha katolika chikatuka ku Roma.
Katu ha chizundamo chize, ayino spiritu kayisambulwishile ku
Estados Unidos ya Amérika nyi ku yikungulwila ya protestante nyi
evajelika nyi musono kuli a branhamista. Mba ku unji wa kwa
amerika, Amerika yinapu Yerusaleme yaha. Chambwende! Alioze
wapwile umwenemwene wa kushimbu ya kunyima, muze akwa
kristu achinyine kukaujola cha roma.
20 Mba muso, kwambulula ngwo chifuchi cha mu afrika yinapu
Yerusaleme yaha, acho che kwihia Zambi nyi ngunja yenyi! Nyi
Costa ya Marfim yinapu njamba wa upite nyi wa malinjekela, nyi
neye kanapu kafukufuku wa uspiritu achino hichinasoloka kulu ku
meso ja chifuchi chamundu. Umwe kashitu wakuhumuka, wakulia
nyi mapihishila ku kanwa, wakupomba machikula mutwe mwishi.
Umwe kashitu keshi kutala wakuhumuka ufuku nyi
mwalwa, kajila katwamine nyi malumbi, kajila
ukwete mazo: chitanga chaluchisa mba chechize apwa ano
anavuluka akwa kristu ja mu Costa ya Marfim. [Ed: Chikungulwila
chamba : «Amen!»]. Ayo mahasa lume kulichinga nyi yizavu ya
mafwe hanga alembe. Akwa katoliku, a musulumanu, a mbudista, a
protestante nyi akwa evajelika nyi manganga… yalikungulula
hanga ete kuli mazambi jo. Ulumbanganyi wa akwa kristu ja mu
Costa ya Marfim hiwasoloka. Mbunge yo nyi kupwa cho nyi
spiritu ya Costa ya Marfim yinasoloka hamukunda lia amwe
tufukufuku. Yami nguli mukwa kristu, mungutayiza kulembela
chimwe chifuchi cha laico hanga chimone mwono? Zambi ukwete
limi lia chinyingi kasele tufukufuku ku mbunge ya Plateau, ku
mbunge ya Abidjan, ku mbunge ya Costa ya Marfim? Mumu liaka?
Mumu chinapu chinyingi cha uspiritu nyi cha yikungulwila ya
Costa ya Marfim, achino Chechize anambe Mwene. [Ed:
Chikungulwila chamba : «Amen!»].
21 Tangwa limwe, yami te ngunambujola sango ku Plateau yami
yingwamba ngwetu Costa ya Marfim yinatela chinji kuhiana sida
mba umwe uli te ha mbunga ya atu yakalumuka ngwenyi :
«ngwetu sida yikehe, Zambi atume ma ndrakau, yetwe uno!» Mba
matangwa ahachileho, chifuchi yichipupiwa, manyinga
kamwanganyine. Chochene, ma ndrakau yasa jita. Yenwe
nunamono?
22 Nyi yenwe nuli akwa kulinga shili mba munukalisa kota muze
manukanjisa, Zambi manukatwishila Bin Laden uli nyi ndundo ja
uprofeta wa uzambi.
23 Zambi yoze ngunalingila Mweuze wakulinga mahango jenyi
hali akwa hashi.

6.
24 Enwe akwa Costa ya Marfim, yenwe nwasolola ku meso ja
chifuchi cha mundu nuli api chinji kuhiana Kongo-Kinshasa nyi
Tshala Muana… ndo yami ngulembe hanga ano matapalo ja ma
chenge anyongonoke? Yami ndo ngulembe hanga ayino
yikungulwila nyi aprofeta anyongonoke? Nyi ngulinga
chenachize, alma yami kanda utwama mba yikolo ya ngehena
yazulukile hali yami. Alioze yami ngulemba hali aze akusakula
hanga achine kwahungula ku meya, mba ayo akalikungulule ku
Mwono wa Mutolo ufulielo wo hanga uchine kukeketela.
25 Alioze hamukunda wa shili nyi hamukunda lia yikungulwila,
nyingikenu ngwenu chifuchi muchikapalika mu lamba nyi lamba.
Mba muchikapwa hakumeneka, mutu kechi kahasa kufufuminyia
kwoko lia ndumbwenyi hanji lia kasendo kenyi mumu lia woma
wakukwachika yikola. Atu makenda kechi kalisenyia. Shikola
mujikayikiwa mba yenwe munukevwa mamba gwenyi: «yami
woma ngunevwu wa kunyina mu komboyi, yami woma ngunevu
wa kunyina mu mynyiau, yami woma ngunevwu wa kukwachika
yikola». Yenwe nunamono? Mukwa ululi makambila kuli
chitanguke ngwenyi: «yako usolwese uselesele we ku lwiji!» Mba
chitanguke makamwamba ngwenyi : «yami chisolo!». Yenwe
nunamono?
26 Mbo! Kuchi chize Bimbliya yinambe? Kuchi chize anambe
Mateu 24:22? Bimbliya yinambe ngwo nyi shimbu kuyapwile
kuhihisa, nyiumwe musunyia kachi uchikalilamwina, alioze muze
tunamono mulimo nyi kwoka cha yikungulwila, tunanyiongo ngwo
nyi Mwene mashimbula, musunyia weswe mukalilamwina. Kanda
anwonga ndo hoho!… mba kanda nutala kuli yami ngwe nguli
mukwa kuchikimisa yikungulwila yenu hamukunda wa solo lienu,
alioze ndo nungutale ngwe umwe upale.
27 Ayo kanangusanyika profeta wa mahuza, mukwa kulimika nyi
Kristu, mukeji wa Satana, mukwa longeso lia kasawutu, kusanyika
yize nakwambujola kwambujola cha yitumbo ya kachiki… alioze
keshi kuhasa kwamba ngwo yize yami nakwamba yinapu ya
mahuza. Yenwe nakwambujola teologia nyi yuma yikwo, munuya
mu Palayisu! Mba Noa nyi Mose nyi aprofeta nyi apostolo nyi
yami, acho yetwe nakwambujola Sango lipema lineza mu Malilu
mutukaya mu ngehena. Ana ja mu utoke anende hanga aye mu
ngehena nyi mu utoke!… ngusanyikenu profeta wa mahuza
nyi mukwa kulimika nyi kristu, alioze Zambi kananushimbwila
mu usopeso! [Ed: Chikungulwila chamba: «Amen!»].
28 Hindu, Mwene Yesu Kristu kambile kuli Mateu 13:24-30 ngwo
ana ja liapu nyi yikungulwila yo makakasa mu mylumba hanga
aakoche, alioze akusakula makapwa kukungulwila mu chila
yimuwika. Kwapwile ndako ja ufulielo jinji nyi mazambi ja mu
Engitu mba Zambi watuhwishile ana jenyi nyi kulinga usopeso.
Kulutwe lia unji wa yikungulwila ya Izalele, Zambi wakungulwile
aze akusakula. Kwapwile a fariseu, esenyu, sanduceu, a helenista, a
heronde, a zelote… ó eswe kapwile mu jila ya upianguke mba
Mwene watuhwishile aze akusakula mba walingile usopeso hali
ayo. Mba muze kupindumuna kanda chiheta, akusakula, kulita nyi
Mateu 24:31 nyi Tesalonika atangu 4:16, makapwa kukunga nyi
choji cha chitavwi, kuwezaho Usolwelo 14:6-10. Nyihindu
chechize Mwene Yesu Kristu analingi.
29 Mba chino kwambujola chinapu kulimbuka cha amwe atu
amwe mba kutatwisa cha anji. Sanga lia meya alilamwinyine Noa

7.
lianongesele chifuchi. Lusango yomwene mukatulamwina musono
mwenawuno makahisa achino chisemuko. [Ed: Chikungulwila
chamba: «Amen!»].
30 Chipwe nyi ulise wa shimbi, yikungulwila yinalichingi mu
usendo yami ngunambe ngwo ayino yili Myfunda ya ngongo amwe
ma ndrakau akwete unji wa mytwe, mutwe nyi mutwe
unalumbunuka chimwe chikungulwila chize chili nyi ndemonyi nyi
limi lia uteologia ya chikungulwila. Mweswe yoze uli mu
yikungulwila yino hanatambula chinyingi, yino yinapu spiritu ya
ndemonyi ya mufunda wa ngongo. Chinyingi yinapu yimwe
spiritu. Muze Zambi asele chinyingi kuli Kaim, yapwile spiritu,
chinyingi cha mufunda wa ngongo ku Usolwelo, yinapu spiritu
musandu ya mufunda wa nongo. Yenwe nunamono? Musono
mufunda wa ngongo unapu spiritu musandu yize yinakalakala mu
yikungulwila ya katolika, protestante, envajelika nyi branhamista.
Mba muze yenwe munupwa mu chimwe chikungulwila evajelika
yenwe nunasemuka ku yino spiritu mba yeyino yenwe
nwakuhanjika nayo mu malimi nyi nwa profeteza nayo... ngwe
chize yapwa Spiritu Musandu ya mbwende
31 Mba muze umwe mutu mamba ngwenyi: «yami nguli mukwa
katolika, mukwa batista, ndumbu wa mu Lusango, luteranu,
evajeliku…», yenwe ndo nwivwashane ngwo: «yami nguli mukwa
kulimika nyi Kristu, yami nguli mwana wa chiheliahelia, yami
nguli ndemonyi », chenacho Zambi akuvwa Mwilu . «mufunda ha
kwoko» mumu lia kukalakala mu yikungulwila yino, nyi kulinga
milimo yamo. Mba chifuchi cha chamundu hichinatambula uno
mufunda . Kushi nyiumwe mwanangana hanji mwanangana wa
chifuchi keshi kuhala kuya nyi kutala Vatikanu, chipwe Yasser
Arafat, ma árabe nyi a musulumanu. Mumu, kuli Mateu 4:8-9,
Mwene Yesu Kristu kalitunyine ngunja ya kutumina shimbi jinene
já hashi, umwe mutu yayitambula, yono unapau papa wa Roma.
Mba Mbimbilia yinambe ngwo alino limbo lia Vaticano, likwete
wanangana hali akwa hashi mba tangwa limwe makalipupa ku
kwoko lize lishi kusoloka. Usolwelo 17:18…
32 Chikungulwila nyi chikungulwila chinazange kupwa nyi
Spiritu Musandu mba chimwe chacho chili nyi ushindakenyo hiwo
wika kutwala ku upapachiso, ushindakenyo hiwo wika kutwala ku
uzambi wa Yesu, Ushindakenyo hiwo wika kutwala ku kwesekela,
Ushindakenyo hiwo wika kutwala ku shili yitangu, kutwala ku
mulimo wa pwo, kutwala ku vweu, mba ndo songo... kafunga wa
mu metondista kechi kuhasa kupwa kafunga mu asembeleya ya
mazambi hanji batista, ... spiritu yika yenayo ya kaliambila? Mba
chipwe chocho, yenwe nushikufupa umwenemwene, nyi yenwe
nunahanjika kutwala ku usandu nyi Palayisu! Alioze yami
ngunanulweze nuchikawana Awuno umwenemwene shimbu yenwe
nunachiwufupila mu yikungulwila.Yenwe ngunamono?
33 Ha chisemuko nyi chisemuko, Umwenemwene wakupwa
matangwa eswe kuli profeta mukeji uli nyi mwono hashi. Mwe
yiye uli nyi sapi ja mu Wanangana; mwe yiye unapu Jila,
Umwenemwene nyi Mwono ku shimbu yenyi. Mba muze yenwe
munwazulula Mbimbiliya, yenwe munumonamo lzaia, Jeremia,
Amose, Ezequiel, nyi akwo. Kali majina ja aprofeta.
Umwenemwene ndo kuli profeta mukeji uli nyi mwono, hi mu
chikungulwila ko. Alioze yika yenwe nunalingi nyi Mbimbiliya mu
moko jenu? Nyi ka, Ulamwino lume yenwe nwakuyila mu
chikungulwila? Alioze nyi Zambi malamwina, umwe mukwa
batista, umwe mukwa, pentecostal, chilio cha chikungulwila
cha reavivamento hanji cha asembeleya ya mazambi, kuchi yiye
mahasa kuhisa a fariseu, Yundase nyi Kaim?

8.
34 Kuchi Zambi mahisa longeso lia a fariseu nyi lia a sanduceu
mba hanga atayize longeso lia katolika, protestante, evajelika nyi a
branhamista? Kuchi yiye mahasa kuhisa atu aze afuliela mu
mukanda ku kuze nyi kutayiza aze afuliela ku mukunda lino sali,
mukanda ukulu anavuluka Mbimbiliya? Kulita nyi Mateu 16:5-12,
Mwene Yesu Kristu kambile ngwenyi longeso lia a fariseu nyi a
sanduceu uli umwe usasu. Mba kuchi mahasa kwamba ngwenyi
longeso lia akwa katolika, akwa protestante, akwa evajelika nyi a
branhamista lipnapu liji lia Zambi? Kuchi Yiye malinga chenacho
se yiye keshi kwalumuka yozemwene Zawu, musono ndo ku
myaka yeswe?
35 Nyi Zambi mahana Spiritu Musandu kuli mukwa bandista,
mukwa pentecostal, mukwa asembeleya ya mazambi, … kuchi
muchipwa hali a mbundista a mahikari, guru nyi maharaji nyi hali a
musulumanu? Yenwe nunamono? Yami ngunaliumbu mu Jina lia
Mwene Yesu Kristu, echenu kwochela yuma ya vumba lipema kuli
mandemonyi! Hichikenu yilumbilo ya chimbembe cha oru.
Mulimo kuwapwile ngwe mulimo uze mutu maya nyi
kulilongesawo hanji kuwululika ku chiwanyino cha fumbo. Echenu
nyi fwatula tufunga mu ufwatwilo wenu wa shikola ya tufunga.
Zambi Yiye Mwene wakuhana mulimo Mwilu mba mawusa kwoko
hanga ulingiwe hashi kechi kuwusa nyi limwe kwoko lia mutu,
alioze nyi Spiritu Musandu. Enwe, tufunga, aprofeta, Yiwayili nyi
makulwana ja yikungulwila, … yami ngunaliumbu hali yenwe mu
Jina lia Yesu Kristu! Ombokenu kama ku ngehena mumu
chipema anokolese sonyi ku meso ja atu kuhiana kuya
mu ngehena.
36 Yami chishi kwambujola manyonga jami hali yenwe, alioze
nakuhanjika mu Jina lia Mwene Yesu Kristu mukachi ka chimona
cha tangwa 24 lia kakweji wa Kunake mwaka 1993. Ngwe chize
kuli Jeremia 28, kuli Myanangana I 22, kangwaha hanga ngutale
usopeso wa Zambi nyi kuwulumbununa. Nyichimwe
chikungulwila, nyiumwe mutu, chipwe cheswacho mapwa kanda
anwonga!
37 Nyiumwe ukulwana wa mu chikungulwila kanda unukwika.
Nyingikenu tangwa lia kunumeneka chenu, mumu nyi yenwe
munulisalaho ha yitavwi ya kukungulula, yika mba
nunashimbwila? Fukamanenu makungwinya ndo chize Zambi
muhanjika nyi yenwe nyi ka, mu usopeso nuchikamba ngwo
kaanutowezele.
38 Se Izalele kali wa Zambi chize ha kusemuka keshi kwivwashana
limi lia uprofeta, kuchi yenwe nuli ana akulela munulivwashana?
Alioze chuma chamwenemwene: atu aali anazange kulingila
Zambi, kechi kuhanjika limi linalise kupwa nyi yitanga yinalise.
39 Muze ayunda ahilukile ku kulanjiwa cha umbamlilonya, umwe
ka mbejami ngwe Paulu mahasa kupwa ngwe usasendote. Yetwe
tunanevwu majina aha: fariseu, sanduceu, zelote, esenyu, mukwa
heronde... kulita nyi Mianangana I 12:31 nyi Shimbi ja
Mianangana II 13:9, nyi umwe kali nyi uhashi, yiye mafweta
hanga amwehe fumbo ku shikola ya tufunga ngwe chize tuanmono
musono mu yikungulwila. Shimbi ja Mianagana II 13 kujinambe
ngwenyi: «yenwe nwahumine akwa kwambujola ja Yehovwa, ana
ja Arone nyi Alevi? Mba yenwe hinwalipwisa a sasendote ngwe
atu ja yifuchi yikwo; mba mweswawo yoze meza nyi chimbembe
uwuwika nyi kuji a panga shimbyali hanga amupwise sasendote

9.
mba ayino hi Zambi ko…». Amen! Chihanda chinambe ngwenyi:
«…ngwe atu ja yifuchi ykwo», ngwe chize chapwile mu Engitu.
Nyi yoze mafweta fumbo, yiye malipwisa kafunga. Mutu umwe
mahasa kukatuka yiye mwene nyi kulipwisa sasendote, chizechene
ngwe atu ja yifuchi yikwo. Yenwe nunamono?
40 Alioze Zambi kali yozemwene. Mwe Mose wanehene
usasendote ha shimbu yenyi. Mwe Yoano Chipapachisa wasakwile
apostolo nyi tumbaji twenyi. Mwe Mwene Yesu Kristu wasakwile
apostolo nyi tumbaji twenyi. Mwe Paulo wasakwile apostolo nyi
tumbaji twenyi. Mba muze Zambi matuma profeta hashi, hindu
chizechene muchikapwa. Mulimo watwama kusakula cha
Uzambi, kuchapwile mana hanji kupwa nyi mbongo hanji
kupwa nyi uwahiso. Yami ngunanyingika kulongesa, kashika,
yami nguli chinganji nguli yomate. Yami nguli nyi uwahiso unene,
yami nakulinga yipupu, kashika yami nguli chinganji nguli yomate.
Yeswe ayino yili ya liapu, chize songo ndo songo. Ngwe Izalele,
nyi lino sali chizechene chinapu.
41 Muze yikungulwila hiyahiluka Mu ulanjiwe wa Mbambilonyia
ya uspiritu, chino chinapu chikungulwila cha katolika, tunevwu
majina aha: chiwayili, makulwana já chikungulwila, ma mbispu, …
majina a kasawutu. Yenwe nunamono? Ayo kahilukile nyi yitaka,
yilemba nyi longeso lia mazambi já mbambilonyia. Ana ja
Nimronde, ana ja Mbeliale kasokwele wanangana wo anavuluka
«chikungulwila». Yiya mwenawo? Ano makulwana akwa katolika,
protestante, akwa evajelika nyi a branhamista kali mianangana
keshi chipangula, mba yikungulwila yo yili wanangana kuwushi
Chifuchi, yikota yo yinapu ma ndrakau, nyi ngongo ayino yili nyi
mytwe yinji kulita nyi mwanda wa mbambilonyia. Yeswe ayino
yinapu ya liapu. Mba kanazangama ha mutombo umuwika ayo
musono kaanakatwisa tuposhi anji a mbambele, yikota yinji ya
yikungulwila. Ayo kaanatungu tuposhi ja mbambele chipwe nyi
luvundo wa malimi jo: kulichinga cha yikungulwila. Kulihamikina
nyi Zambi. Mba ndrakau nyi ndrakau kali nyi mbinga jinene jitau
ajino jili ndundo ja ku malinjekela, ndundo ja kutwala ku mbongo
nyi ndundo ja ku chikungulwila.
42 Nyi yena uli mwana wa Zambi mba ushikumona maliji a
«mukwa kulimika nyi Kristu» ha mahuma ja ano makulwana ja
yikungulwilana, nyi chocho uchili mu milima. Yami chalimwene
ngwe nguli profeta, alioze chuma chimuwika wika ngunanyingika:
yami namwene wakusoneka Mwilu usopeso wa Zambi hali yenwe
mba nyiumwe kechi kuhasa kuneha kaliambila há yino. Mba ana
ja liapu kakulinangina kusuku nyi kwamba ngwo: «yize
wakwamba yili ya umwenemwene, alioze, Zambi kakuyisolwela
nawa kuli yetwe!». Nyi Zambi chochene kakuyisolwela hali
yenwe, kuchapwile hanga nuye mu chikungulwila cheka alioze mu
Liji lienyi nyi mu chikungulwila yenwe munukeza…
43 Mba chechize mu chihunda chami, mutu wafwamo ngwe yoze
apupa kuli mungelo, mukwa lufuma wa mu asembeleya ya
mazambi anavuluka: mukulwana Nandu. Umwe kalepa wakangana
chipwe kulemba chinji cha chizavu chenyi kamukatukile. Yino yili
fweto ya myaka yinji mu wanga mu chizavu chize anavuluka:
asembeleya ya mazambi cha kuchikota cha Katandji. Nyi yami
nevwa ngwo yiye kanakalikonyekena shimbu te kanda achifwa.
Alioze, yiye kafwile nyi kulinga chihanda ku asembeleya ya
mazambi? Kuchi muyipwa spiritu ya mu asembeleya ya mazambi
yili muli yiye yize apwile kuhanjika nayo mu malimi nyi ku
profeteza nayo kuze? Yiye kechanga yitakika, yilemba, tuponya
nyi teologia ya mu asembeleya ya mazambi shimbu te kanda
achifwa? Nyi yiye maya Mwilu nyi chocho kristiyanismu yili ya

10.
mahuza! [Ed: Chikungulwila chamba : «Amén!»]. Awuno Nandu
konga nyi kusa mu mylima, nyi kushiha nyi kutwala alma jinji mu
ngehena mba ngehena yenyi yaputukila muno mwishi. Yenwe
chipwe munuhangulula kuli yami hanji kupinda nyi yami mumu
yami nakuhanjika umwenemwene hali yenwe, alioze tangwa
limwe, yenwe munukahanjika ngwe swalale wa roma:
«chambwende awuno lunga kahanjikile nyi yetwe mu jina lia
Zambi». [Ed: Chikungulwila chamba: «Amen!»].
44 Mba chikuma chize atu jacho kechi kutayijila Sango lipema lia
ha shimbu yo mumu anji aze ayo ongele hanafwu mba
kaanashimbwila muze mu usopeso; ayo ndo akaye hanga
akakumbulule ha jino alma ku meso ja Zambi. Zambi kashika
kechi kutayiza hanga ayo alumune jila hano hashi. Neka Zambi
mapwa ngwe keshi ululi nyi Guillermo Maldonado, Alberto
Mottesi, Claudio Freidzon, Paula White e Chris Oyakhilome maya
mu palayisu, shimbu anji aze atayijile kuli ayo hanafwu. Yenwe
nunamono? Chenacho!
45 Yami nakuhanjika mumu lia kupwa nyi tumino nyi kutwama
mu chiyulo cha Zambi. Tayizenu muze manukanjisa! Mumu
chizango chenu kuchafwile nyi chizango cha Zambi. Nyi yena
chochene uli kalala ka Zambi, kwambujola che ndo muchipwa mu
ngango yimuwika nyi profeta wa mwono wa ha shimbu ye. Mba
chino chili kulipikala cha aze eswe alingila Zambi nyi woma. [Ed:
Chikungulwila chamba: «Amén!»]. Paulu kakandukile kuli
apostolo hanga atale yize anambujola kulita nyi Ngalashia 2:1-2.
Ulrico Zuínglio kachilingile nyi Martinho Lutero mba wambile
ngwenyi: «yami natá kuli Lutero muze te kanda ngumwivwa».
Mba mwaka 1536, chitungulula munene Guilherme Farel kechile
kuli Yoanu Kaluvinu hanga amukwase kutungulula chikungulwila
cha Génova. Enwe mba? Yenwe spiritu musandu yika nulinayo?
Lichingenu! Mumu, jila yacho muyihasa kusolola yingunu kuli
mutu, alioze songo liayo kutoka. Mba yoze uli matwi akwivwa,
evwe!
NYI MUZANGA MUKANDA WA PROFETA KACOU
PHILIPPE:
YAKO MU PLAY STORE HANJI UM APPSTORE FUPA JINA
LIA “KACOU PHILIIPE OFICIAL”
NYI MUZANGA NAWA SANYIKA MU FONE JINO:
931993967/934792807
Hanjika nawa nyi ma apostolo já Kacou Philiipe muno Ngola:
Mu Facebook: Apóstolo Hugo Zé da Costa
Mu Facebook: Apostolo Aniceto Manuel.