1. Recensión literaria do libro Mecanoscrito da segunda orixe:
Mecanoscrito da segunda orixe é unha novela de ciencia ficción escrita por Manuel de
Pedrolo e publicada por primeira vez en 1974. Orixinalmente está escrita en catalán e leva o nome
de Mecanoscrit del segon origen. Divídese en 5 cadernos nos que se relatan a vida de Alba e Dídac
despois da catástrofe. Foi levada á televisión no ano 1985. Ademais, tamén fíxose unha película
chamada Segundo Origen, no ano 2015.
Manuel de Pedrolo foi un escrito español nado o 1 de abril de 1918 e morto o 25 de xuño
de 1990. Todas as súas obras están en catalán e abarcou os tres xéneros principais: narrativa,
poesía e teatro. Durante a súa vida recibiu moitos premios pero o máis coñecido é o Premio de
Honor das letras catalás. Algunhas das súas obras máis importantes son Mecanoscrito da segunda
orixe, Xogo sucio, Sangue a baixo prezo, A resposta, etc.
Esta novela conta a historia de dous mozos, Alba e Dídac, de 14 e 9 anos respectivamente.
A historia comeza nun pobo chamado Benaura, situado en Barcelona, no que de súpeto, aparecen
unhas naves extraterrestres e matan toda vida humana da Terra cun arma baseada en ondas. Por
sorte, a xente que estaba na auga non lle afectou e nese momento, Alba e Dídac estaban
somerxidos debaixo da masa mariña.
Alí comeza a historia destes dous rapaces cun obxectivo, repoboar a Terra de seres
humanos. Para cumprir este obxectivo, tiñan que ter moitos fillos ou encontrar a máis
superviventes. Comezan unha vida de nómades, visitando primeiro as principais cidades catalás e
logo, recorrendo en barco a costa francesa e italiana.
Durante a súa viaxe polas costas mediterráneas, encontráronse a xente. Lamentablemente,
está xente perdera totalmente á cabeza. Despois desas experiencias, tiveron claro que a única
opción de repoboar a terra sería traballando eles sos.
Despois de catro anos da catástrofe, cando Dídac xa tiña 13 anos, Alba quedou embarazada
dun fillo varón que levaría o nome de Mar. O fillo naceu sen problemas pero, meses máis tarde do
seu nacemento, cando Dídac ía buscar un motor de avión, ocorreu unha desgracia. Cando Alba
notara o atraso de Dídac, decidiu ir a por el e cando chegou, viu que estaba apresado polos restos
dun teito que se derrubara. Desgraciadamente, Dídac xa morrera cando Alba chegou. Despois de
coller o seu corpo e enterralo, Alba só tiña a opción de repoboar a Terra a través do seu fillo Mar.
Sinceramente, este libro pareceume moi bo. Está redactado moi ben dende o principio ata
o final. Antes deste, lin outros libros deste tipo pero ningún comparase a este. A única queixa que
teño é a morte de Dídac. Pareceume moi triste esa parte. Aínda que isto non é un punto malo do
libro, senón que é unha opinión. No fondo do meu corazón quería que Alba e Dídac vivisen felices
o resto da súa vida, pero non sempre a historia ten que basearse nas túas preferencias. Para
rematar, recomendo a todos que lean este libro porque de seguro que non vos vai defraudar.