1. XASİYYƏTNAMƏ
Azərbaycan Müəllimlər İnstitutunun “İbtidai və
məktəbəqədər təhsilin metodikası” kafedrasının
dosent əvəzi , 1968-ci il təvəllüdlü, azərbaycanlı,
YAP-nın üzvü Yeganə Qələndər qızı Cəlilovaya
Yeganə Qələndər qızı Cəlilova orta təhsilini Sumqayıt şəhərində almış və
1984-cü ildə Ə.Əzimzadə adına Azərbaycan Dövlət Rəssamlıq məktəbinə daxil
olmuşdur. 1988-ci ildə oranı bitirərək Sumqayıt şəhərində C.Cəbbarlı adına klubda
rəssam işləmiş və 1989-cu ildə N.Tusi adına ADPU-nə “Rəsmxət, təsviri incəsənət
və əmək” fakultəsinə daxil olmuşdur. 1994-cü ildə universiteti fərqlənmə diplomu
ilə bitirərək pedaqoji fəaliyyətə başlamışdır.
1997-ci ildə ETPEİ-nin (indiki TPİ) dissertantı olmuş və “İbtidai siniflərdə
naturadan rəsmin tədrisi üzrə işin təşkili” mövzusunda dissertasiya müdafiə edərək
19 may 2009-cu il tarixdə pedaqogika üzrə fəlsəfə doktoru elmi dərəcəsini
almışdır. 2010-cu ildən Azərbaycan Müəllimlər İnstitutunun “İbtidai və
məktəbəqədər təhsilin metodikası” kafedrasına təsviri incəsənət müəllimi keçmiş,
hal-hazırda “İbtidai və məktəbəqədər təhsilin metodikası” kafedrasında dosent
əvəzidir. Y.Q.Cəlilova institutda təsviri incəsənəti yüksək səviyyədə tədris edir,
tədris prosesində yeni pedaqoji yanaşmalardan istifadə edir. Onun 20-dən çox
müxtəlif pedaqoji fəaliyyətinə kömək edən sertifikatları var. Səmimidir,
qayğıkeşdir, diqqətlidir, nəzakətlidir. Özünü səriştəli, intizamlı, elmi cəhətdən
hazırlıqlı müəllim kimi göstərə bilmiş və bununla da tələbələrin hörmət və
rəğbətini qazanmışdır. Y.Q.Cəlilovanın 5 dərsliyi, 7 müəllim üçün metodik vəsaiti,
1 metodik tövsiyəsi, 7 məqaləsi dərc olunmuşdur.
Y.Q.Cəlilova pedaqoji işlə yanaşı, eyni zamanda rəssam kimi də fəaliyyət
göstərir və Azərbaycan Rəssamlar İttifaqının üzvüdür. O respublikamızda keçirilən
sərgilərin fəal iştirakçılarından biridir. 2001-ci ildə Azərbaycan Rəssamlar
İttifaqında fərdi sərgisi keçirilmişdir.
Ünsiyyətdə nəzakətli, institutun ictimai, mədəni həyatında həmişə fəal
iştirak edən Y.Q.Cəlilova işlədiyi müddət ərzində professor- müəllim heyətinin
dərin hörmətini qazana bilmişdir.
Xasiyyətnamə Azərbaycan Respublikasının Prezidenti Yanında Ali
Attestasiya Komissiyasına təqdim edilməsi üçün verilir.
Azərbaycan Müəllimlər
İnstitutunun Rektoru:
prof.A.H.Naxçıvanlı