Hemen pinkfloyden buruzko informazioa edukiko duzue.

1. PINK FLOYD
Taldea Londresen jaio zen 1964an, lehenengo partaideak Syd Barrett (kitarra), Richard Wright
(teklatuak), Roger Waters (baxua) eta Nick Mason (bateria) izanik. 1966 eta 1968ren artean bere ibilbide
musikalaren lehenengo bi diskoak plazaratu zituzten: The Piper at the Gates of Dawn eta A Saucerful of
Secrets, estilo psikodelikoa eta underground nagusi dutenak. Garai hartan zuzeneko emanaldietan oso
giro berezia sortzen zuten jadanik, ikus-efektu liluragarriak eta baliabide tekniko txundigarriak (light-show)
erabiliz, denboraren poderioz sofistikatuko dituztenak. Syd Barrett taldearen liderra da hasierako
urteetan, musika eta hitzen egilea lan gehienetan.
Baina LSD-rekin zituen arazoak direla eta, Barrett-ek buruko osasuna galtzen du, 1968.urtean bere lekua
David Gilmour-i utziz. Taldea fase berri batean sartzen da orduan, Roger Waters-en lidertzapean,
psikodelismotik rock sinfoniko eta esperimentalagoruntz aldatuz. Hurrengo lana, Ummagumma (1969)
aldaketa horren adierazle garbia da.
The Dark Side of the Moon-ek (1973) ospea ez ezik, sormenaren gailurra ere adierazten du. Diskoak
salmenta arrakasta (25 milioi ale salduta) eta musika kalitatea batzen du, oso ohikoa ez dena.
Animals LPak(1977) aurrekoak baino askoz ere tonu gogorragoa izan zuen, batez ere Waters jada
taldearen lidergo osoa hartzen hasi zelako.
Ondoren, The Wall albuma iristen da (1979), eta bertan Waters-en lidergoa sendotuta ikusten da. Disko
hau taldearen salduenetakoa izan da, eta zinemara eraman zuten hiru urte geroago. Diskoa egiterakoan
Waters eta gainontzeko taldekideen artean lehenengo liskarrak agertzen dira, lehenengoaren sormen
gaitasunak (diskoa ia berak bakarrik egina da) beste partaideak baztertzen baititu.
The final Cut (1983) Pink Floyd-en azken lan amankomuna da, nahiz eta Michael Kamen-ek Wright-en
tokia hartu zuen. Gero, taldearen partaideak banantzen dira eta taldearen izena bereganatzeko borroka
legalari ekiten diote.
Indarberrituta, Pink Floyd berriak munduko bira bat hasi -azken 6 urteetako lehena- eta album berri bat
argitaratzen du 1987an, A Momentary Lapse of Reason, Wright berriz ere taldera ekarri ondoren.
Azken urteotan Pink Floyd-ek ez du lan berririk sortu, eta -ofizialki bizirik jarraitzen badu ere- emanaldi
urri batzuetatik aparte bere jarduera publikoa hutsaren hurrengoa da. Banandu ziren egunetik milaka
zurrumurru egon baziren ere lau kideak berriz elkartuko zirela esaten zutenak, 2005eko Uztailaren 2an
ikusi ahal izan ziren laurak elkarrekin taula gainean. Pobreziaren aurkako Live 8 ekitaldien barnean,
Londoneko Hyde Parken lau abestiko emanaldi bat eskaini zuten.
Taldeak kontzertu bakarra eman du Euskal Herrian, 1994an, Donostiako Anoeta estadioan.
Kantua: The wall, money, hey you, time