2. Equipo de Dinamización Lingüística.
Mestres e mestras do CEIP Albino Núñez.
Alumnos e alumnas de Educación Infantil.
Alumnos e alumnas de Educación Primaria.
ANPA
Editorial …………………………………………… 3
Letras Galegas ………………………………… 4
Os pesadelos de Carmelo …………………… 9
O rap da escola ……………………………….. 10
Unha planta carnívora? ………………………. 13
Que sabes dos morcegos? …………………. 14
Lenda do nacemento dos ríos Miño e Sil … 16
Coñecendo a Miró …………………………….. 17
Día da Paz ………………………………………. 18
Rimas de bechiños ……………………………. 20
O horto dos amigos de Cardio ……………… 22
Un comedor 4S ………………………………… 27
O carro do país ………………………………… 32
Sumi-e …………………………………………… 34
Para escoitar e pensar ……………………….. 35
Coplas do Entroido …………………………… 36
Actividades solidarias ANPA………………… 38
Como facer un cabezudo ……………………. 39
Primavera ………………………………………. 40
Día da árbore ………………………………….. 41
Os Maios ………………………………………... 42
De paseo no tren termal ……………………… 43
Na biblio atopamos a………………………….. 44
An Alfaya ……………………………………….. 45
English vocabulary ……………………………. 46
Marcelle …………………………………………. 48
Álbum ……………………………………………. 50
26. Levamos catro cursos desenvolvendo no noso centro o proxecto:
“ Un comedor 4S” , co que intentamos converter o comedor escolar nun
espazo saudable, solidario , silencioso e sorrinte.
Con frecuencia os hábitos alimentarios preséntanse como unha serie de
obrigacións desagradables que temos que cumprir. Co fin de
contrarrestar esta tendencia empregamos reforzos positivos ( diplomas,
xogos, fotos, concursos…) para animar os nenos a probar novos sabores e a
adquirir as pautas dunha alimentación saudable. Programamos actividades
orientadas a que sexan eles os que tomen conciencia dos seus hábitos
inadecuados, practiquen os correctos e establezan os seus obxectivos de
cambio e de avaliación.
O noso comedor escolar é subministrador de menús saudables.
Organizamos a estrutura do menú a partir dos grupos de alimentos básicos,
co fin de que semanalmente todos os grupos estean convenientemente
representados. Deste xeito pretendemos axudarlles a gozar da variedade
dos produtos e das diferentes formas de consumilos.
O que prima na estrutura do menú é o equilibrio da dieta, baseado en tres
pilares: variedade, sabor e valor nutritivo.No recreo os nenos comen unha
parva saudable que se prepara no centro.
27. O comedor é un espazo ideal para fomentar condutas de cooperación entre
nenos de diferentes niveis, xa que nel interactúan todos os alumnos, o que
propicia oportunidades de colaboración. Tamén facilita que os nenos se
sintan parte do gran grupo que é a escola, e que entendan que as súas
accións repercutirán en beneficio de todos .
No comedor 4S traballamos hábitos de orde e
de silencio, sendo consecuentes co número de
nenos e coa súa idade, pretendemos que
aprendan a moderar o ton de voz para
lograrmos un ambiente agradable.
Estamos convencidos de que é necesario que os nenos entendan que non se
trata de seguir unhas normas impostas caprichosamente, senón que teñen
unha finalidade educativa e positiva para a súa formación e para a súa
saúde. Para iso ao comezo de cada curso elaboramos as normas con eles en
asembleas e comentámolas a miúdo na aula.
Tan importante é para a nosa saúde o que comemos
coma o ambiente no que se desenvolven as comidas, por
iso marcamos como un dos obxectivos xerais o de
conseguir que as comidas se desenvolvan nun ambiente
saudable e acolledor
A comezo de cada curso celebramos reunións cos
colaboradores para explicarlles o proxecto do comedor ,
os obxectivos xerais e específicos que queremos acadar,
a metodoloxía de traballo que empregaremos e os
recursos cos que contamos. Dentro destes recursos
temos programadas diferentes actividades que
desenvolvemos ao longo do curso para motivar e
reforzar positivamente os cativos.
Algunhas desas actividades son as que comentaremos a continuación.
28. 1- MEDALLAS SAUDABLES
Cando os nenos proban algún prato que non lles gusta entregámoslle una
medalla saudable na que especificamos o motivo polo que se lle deu este
premio para que as familias nós axuden ao chegar a casa, dándolle
parabéns por este logro e fomentando o consumo dos alimentos que
forman parte dunha dieta variada e equilibrada.
2- REI /RAÍÑA DA MESA
Aquel neno, ou aquela nena que consegue ser un
comensal 4S ( saudable, solidario, silencioso e
sorrinte) convértese no “ rei “ ou na “raíña da mesa”.
A estes nenos facémoslles unha foto cunha coroa na
que se especifica , a través dun debuxo, o obxectivo
que acadou o neno.
Esta foto expómola no taboleiro dos “reis da mesa”,
logo levan as fotos e as coroas para as súas casas co fin de que as
familias coñezan e valoren o a evolución dos cativos.
3- PROTAGONISTA DA SEMANA
Con esta actividade queremos
valorar o esforzo semanal
daqueles nenos/as que acadaron
un novo obxectivo, e que xa está
consolidado:
(comer o peixe, comer a
froita e as verduras,
controlar o ton de voz…)
A estes cativos facémoslles unha foto coa nosa mascota “ mazá silenciosa”
e colocámola durante a semana seguinte no taboleiro de “protagonistas”,
explicando o motivo polo que se converteron en “protagonistas da
semana”.
29. Logo levan a foto para as súas casas, para que as familias
poidan animalos e valorar positivamente o seu esforzo ,
axudándonos a fomentar os valores educativos do comedor
escolar.
4- MARCADOR 4S
Cada colaborador, ao comezo de curso,
escolle un símbolo que identifica ao seu
grupo ao longo de todo o ano. Este símbolo é
un alimento saudable ( peixe, amorodos,
carne, leite,….) que colocamos no noso
marcador.
Ao rematar o xantar cada colaborador puntúa
ao seu grupo, tendo en conta os 5 obxectivos
básicos: ( entrar e saír en orde, falar cun
ton de voz moderado, comer todo,
empregar “grazas” e “por favor” cando
necesitan algo; e axudarlles aos máis
cativos ), a puntuación máxima será un
cinco para aqueles grupos que acadaron
todos os obxectivos.
Ao final do mes facemos o reconto de puntos e o grupo gañador será o
grupo 4S do mes .
5- A MASCOTA VIAXEIRA
Diariamente a nosa mascota visita os fogares dos
nenos 4S (saudables, solidarios, silenciosos e
sorrintes) para celebrar coas súas familias a
evolución dos cativos.
6- O RELOXO SILENCIOSO
No comedor 4S temos un tempo para falar e un tempo para escoitar.
30. Na primeira media hora os nenos poden falar mantendo un ton de voz
adecuado, a partir das 15:00 h. temos que escoitar para que os nosos
colaboradores poidan avaliar a cada grupo, e
comentar os aspectos nos que temos que mellorar
para o día seguinte.
Ás 15:00h. unha das nosas colaboradoras Uxía,
viste o disfrace de “reloxo silencioso” e vai por
todas as mesas buscando o grupo 4S; saudable,
solidario, silencioso e sorrinte, un dos membros dese
grupo será o “ cativo reloxo silencioso”.
Este neno terá que vestir un disfrace e ir visitando todas as mesas, para
lembrarlle aos compañeiros que teñen que estar en silencio, mentres os
colaboradores lles explican aos grupos cales foron os obxectivos acadados ,
e cales nos quedan por acadar. Este neno será premiado cun pin saudable.
7-ADIVIÑA, ADIVIÑANDO
Todos os meses temos unha adiviña á que os nenos lle terán que buscar
solución. A solución sempre será un dos alimentos saudables que
comemos no comedor 4S , o gañador levará un xogo no que estará
representado este alimento.
35. COPLAS DO ENTROIDO
A festa do Entroido
ha de chegar
para que nenos e nenas
poidamos xogar.
Ó meco ímoslle pedir:
menos madrugar
e pouco estudar,
estou canso de traballar!
Os nosos queridos profes
moito nos fan traballar
nunca nos deixan xogar
e poucas veces cantar.
Menos dun sete
non podo sacar
porque a miña nai
vaime castigar
Xá chegou o Entroido
a Xinzo nos vamos
a facer o tolo
todos disfrazados.
Á miña profe Blandina
non nos deixa falar
pero eu sempre lle digo:
eu quero xogar!
A pobre mochila
sempre cargada
con deberes,con libretas...
e algunha larpeirada.
Ca profe María Xosé
usabamos pintura de dedos.
Sempre daba caramelos,
botámola de menos!
Sumas e restas…
veña matemáticas!
vádesnos matar,
eu voume escapar!
36. 3º CURSO DE PRIMARIA
Aproveitando que é Entroido
querido señor director
vou pedirlle un desexo:
máis chocolate, por favor!
Non quero xantar,
é moi aburrido
gústame xogar,
iso é divertido!
A profe Nieves
ten que mellorar,
deixar as muletas
e vir traballar.
Na clase de música
só facemos tocar
Laura, por favor,
que nos vas afogar!
A profe Maite
tenme que aprobar
para que os meus país
non me poidan rifar.
Profe Blandina
lévanos de excursión,
que os nenos queren
gozar un montón.
Á clase de informática
sempre queremos ir,
para que os nenos e nenas
a miúdo poidamos rir.
Eu quero Carnaval
para poder xogar,
e cos profes
poder disfrutar.
Nenos e nenas
poñédevos a cantar
para que os profes
poidan bailar.
37. Nos meses de decembro e maio celebráronse no colexio mercadi-
ños solidarios de portas abertas con exposición de variados pro-
dutos de artesáns que fixeron as delicias dos visitantes.
A finalidade desta actividade é a de ofrecer xornadas de convi-
vencia entre os membros da comunidade educativa e recadar do-
nativos para o banco de alimentos.
O éxito da Operación Quilo de Nadal animounos a prolongar a
iniciativa ao longo do curso e creamos un banco de alimentos no
propio centro.
Moitas familias da comunidade educativa participan entregando
alimentos e roupa. As familias que solicitan axuda reciben lotes
periódicos dos produtos que necesitan, segundo a dispoñibilidade
do momento.