1. I Layunin
a. Natutukoy ang kahulugan ng mga matatalinhagang salita sa kwento.
b. Napapahalagahan ang mga salitang nakapaloob sa kwento.
c. Naiuugnay ang mga pangyayari at sitwasyon sa totoong buhay.
II Palsang-Aralin
Paksa: Kwento ni Mabuti ni Genoveva Edroza Matute.
Sanggunian: BANTAYOG III
Pahina 114-113
Mga kagamitan: laptop, LCD projector, speaker, illustration board.
III Pamamaraan
Gawaing Guro Gawaing Mag-aaral
A. Panimulang Gawain
1. Panalangin
2. Pagbati
3. Pagtala sa mga lumiban
4. Pagpapanuod ng video clips.
B. Pagganyak
Ano ang gampanin ng isang Guro?
Ang isang guro o titser ay isang tao na nagbibigay
ng edukasyon para sa mga mag-aaral. ng gampanin
ng guro ay kadalasang isinasagawa sa isang
paaralan.
Tama ang inyong sinabi! Ang gampanin ng isang guro ay maaaring magkaiba-iba sa mga kultura.
Paano po iyon nangyari?
2. Sa maraming mga bansa, ang isang tao na nais maging isang guro ay dapat na makakamit muna ng
tinukoy na mga kuwalipikasyong pamprupesyon o mga kredensiyal magmula sa isang pamantasan o
dalubhasaan. Ang gampanin ng isang guro ay maaaring magkaiba-iba sa mga kultura.
Marimig niyo na ba ang Kwento ni Mabuti?
Hindi pa po.
Tamang-tama! Bago ito sa inyong pandinig.
May naging guro ka na ba na laging nagpapayo sa klase?
Opo! Si ma’am Chrubim po. Sa tuwing ako ay
mapapansin niyang malungkot ay agad niya po
akong tinatanong kung kamusta ako.
Ano ang mga payo niyang kinalulugdan mo?
Marami po. Katulad na lamang po ng minsang
nagkaroon po ako ng problema sa aking mga
magulang. Sinabi niya po na intindihin ko po sila.
Dahil alam po nila kung anong mas makakabuti
sakin at ang mga magulang daw po ay kailan man
ay hindi ako pababayaan.
May naidulot ba ito sa iyong buhay-estudyante?
Malaki po ang naidulot na pagbabago ng payong
iyon sa akin. Simula po ng araw na iyon ay hindi na
po nasundan ang pag-aaway namin ng aking nanay.
C. Paglalahad
Dagdag lamang sa ating napag-usapan kanina, bilang mga pangalawang magulang ng mga estudyante sa
loob ng paaralan, ang mga guro ay dapat maging maunawain, pasensyosa, mapagbigay at maalalahanin.
Ituring nila ang mga bata na parang sarili nilang mga anak at ituro sa kanila ang dapat nilang matutunan
bilang paghahanda sa kanilang kinabukasan. Ang propesyon ng isang guro ay sinasabing ang pinaka-
NOBLE na trabaho dahil sila ang humuhubog, naghahanda at nagtuturo ng tamang pag-uuagali,
kaalaman at kabuuan ng pagkatao ng isang bata at mga kabataan. Kaya dapat nilang makuha ang
atensyon, respeto sa kanila at pagmamahal ng kanilang mga estudyante para sila matuto at maniwala sa
mga guro.
3. D. Pagtatalakay
Uminog ang istorya sa buhay ni Mabuti, isang guro. Tinatawag siyang Mabuti ng kaniyang mga
estudyante sa kanyang likod dahil lahat ng kaniyang mga salita ay naglalaman ng mga kabutihan. Bukod
roo'y binudburan rin ng salitang 'mabuti' ang mga sinasabi niya. Isang hapo'y may isang estudyante ang
umiiyak nang patago sa silid-aklatan, nakita siya ni Mabuti at inalo ito. Sinabi ni Mabuting hindi niya
alam na may tao roo't ang pagpunta niya roo'y hindi rin nagkataon lamang. Pumupunta rin si Mabuti sa
sulok ng silid aklatan na iyon upang umiyan rin. Kung anong kadahilana'y hindi niya na sinabi. Nakinig
lamang siya sa kanyang estudyante kahit na napaka babaw lamang ng iniiyak nito. Simula ng
engkwentrong iyon ay mas naging bukas na si mabuti sa pagkekwento ng kaniyang buhay, liban ng
tungkol sa kaniyang asawa. Iniikutan ng kaniyang mga pangarap ng kabutihan ang kaniyang anak, halata
sa mga kwento niyang patungkol dito na ang anak niyang ito ang kaniyang buhay. Wala pang isang taon
mula ng siya'y mabiyuda. Sa kabila ng bigat na kaniyang dinadala ay patuloy pa rin ang kaniyang
positibismo. Ang kanyang katatagan ay patuloy ang pagningas kahit nilulunod na siya ng kalungkutan.
E. Pagpapalawak
Pangkatin sa tatlong pangkat ang klase. Mula sa grupong kanilang kinabibilangan, sasagutin nila ang
mga katanungang hininihingi sa pamamagitan ng pagsasadula:
Unang Pangkat - Ikaw ay naging isang guro sa isang paaralang malayo sa kabihasnan. Walang sapat na
mapagkukunan ng panibagong kaalaman, walang maayos na palikuran at kulang ang mga kagamitang
pampagtuturo. Nasanay ka na sa mga marurusing at maiingay na mga estudyante sa paaralang iyon.
Isang araw ay inalok ka ng isang kilala at pampribadong institusyon sa bayan. Tatanggapin mo ba ang
magandang oportunidad o mananatili sa piling ng mga batang nangangailangan sa iyo bilang isang
pangalawang ina?
Pangalawang Pangkat - Narinig mong nag-uusap ang mga kaklase mo tungkol sa isa niyong guro.
Nalaman mong usap-usapan na sa bayan ang pagpapakasal niya sa nobyo niyang Hapon. Balak daw
nilang manirahan na sa ibang bansa. Ang gurong iyon pa naman ang pinakamalapit sa iyong puso.
Marami kayong mga bagay na pinagkakaisahan at natutunan sa isa’t isa. Ano ang gagawin mo kung
totoo nga ang mga narinig mo?
Pangatlong Pangkat - Magreretiro na sa serbisyo ang inyong guro. Ilang beses ka na niyang pinagalitan
sa klase. Magdaraos ang buong klase ng isang malaking salu-salo. Linapitan ka niya bago ang araw ng
pagdiriwang ng naturang okasyon. Kinausap ka niya na pumunta ngunit may lakad sana ang buong
pamilya sa araw na iyon, ang unang pagkakataong mamamasyal ang pamliya niyo. Alam mong
4. magagalit sa iyo ang iyong guro sapagkat minsan lamang siya kung mang-imbita ngunit nakatakda rin
ang pamamasyal ng inyong pamilya. Saan ka dadalo? Sa salu-salo o sa pamamasyal?
IV Pagtataya
Kumuha isa’t kalahating papel.
Tama o Mali. Sagutin kung tama ba o mali ang isinasaad ng sumusunod na mga pangungusap.
1. Siya’y tinatawag naming lahat na Mabuti kung siya’y nakatalikod.
2. Ang ama ng batang may kaarawan ay konduktor.
3. Tagpuan ang tawag sa pangunahing ideya o paniniwala ng kwento.
4. Si Mabuti ay balo.
5. Ang may akda ng kwento ay si Jose Corazon de Jesus.
6. Anim na taong gulang na ang anak ni Mabuti.
7. “Iyon lamang nakararanas ng mga lihim na kalungkutan ang maaaring makakilala ng mga lihim na
kaligayahan” ay pangungusap ni Mabuti.
8. Ang tagpuan ay sa kusina kung saan siya nakita ni Mautiing kumakain.
9. Ibig nilang maging manggagamot ang anak ng kanilang guro.
10. Ang salitang mabuti ay palaging binabanggit ng guro.
V Takdang-Aralin:
Magdala ng larawan ng inyong naging paboritong guro noong kayo ay nasa elemntarya pa lamang.
Sa isang buong papel, isulat at ipaliwanag kung bakit siya ang iyong naging paboritong guro sa laaht ng
naging guro mo.
5. Tarlac State University
College of Education
Lucinda Campus
BANGHAY-ARALIN(Pakitang Turo)
Ipinasa ni:
Ariel Tua Rivera
BSED II-E
Ipinasa kay:
Prof. Sorcates Embesan