1. ENTREVISTA
AOS AVÓS E
AVOAS
O Día de
Defuntos
Ceip Seara 2018-2019

2. Que facían o Día de Defuntos
cando eran pequenos?
Avoa de Xián (4 anos)
O día de Defuntos iamos ao
cemiterio a limpar e levar
flores aos nosos seres máis
queridos.
Avoa de Mauro (4 anos)
Era un día moi especial, xa
que nos xuntabamos para ir
visitar ós defuntos ó
cemiterio, e despois
voltabamos a casa a comer
castañas. Poñíanse velas
encendidas por toda a casa.
Bisavós de Noel (Primeiro)
Levabamos flores ao
cemiterio e velas na
memoria dos defuntos o Día
de Tódolos Santos.

3. Que facían o Día de Defuntos
cando eran pequenos?
Avós de Carolina (segundo)
Achegabamonos coas nosas
familias ao cemiterio para
darlle unha visita ós nosos
familiares enterrados nese
lugar. Estando no cemiterio
adornabamos as tumbas con
area de praia e moitas
cunchas.
Avós Nicolás (segundo)
Deixábase a cheminea
prendida para que os
espíritos non tiveran frío se
volvían ás súas casas, e
tamén lle deixabamos a
mesa da cea sen recoller.
Avós Alex (segundo)
Iamos ao cemiterio a
adornar as tumbas,
levabamos area e cunchas da
praia.

4. Que facían o Día de Defuntos
cando eran pequenos?
Avoa de Carla Costa
(terceiro)
Ía a misa o Día
de Defuntos.
Avós de Yeray (terceiro)
Iamos ao
cemiterio e a
misa. De noite
alumeabamos a
casa con
mariposas para
os defuntos.
Despois de cear deixabamos as
castañas enriba da mesa para
que os ancestros, que eles
dicían que viñan de noite, as
comeran. Tamén deixabamos
un vaso con auga e aceite e
poñiamoslle dentro unha
mariposa alumeando aos
defuntos.
Avoa de Aroa (terceiro)Avós de Lucía (quinto)
Ceabamos e non
recolliamos a mesa
para que as almas
dos defuntos
viñeran a cear.
Rezábase polos que
faltaban.

5. Decorábanse cabazas?
Bisavós de Noel (Primeiro)
Si, tallabamos cabazas e
as iluminabamos.
Avoa de Xián (4 anos)
Si, na praza onde nos xuntabamos
os nenos máis grandes e máis
pequenos. tiñamos cabazas
grandes, e poñiámoslle un candil
de lume dentro que alumeaba.
Espichábanlle un pau e corrían con
ela pola praza, os rapaces máis
grandes detrás dos pequenos, para
así asustalos.
Avoa de Mauro (4 anos)
A verdade é que non, iso
faise agora, pero cando eu
era coma ti non se facía.

6. Decorábanse cabazas?
Avós Nicolás (segundo)
Si, gustábanos moito
e deixabamolas nas
esquinas para asustar
á xente.
Avós de Aroa (terceiro)
Sí, deixabamos as
cabazas furadas cunha
vela dentro.
Avoa de Carla Costas (terceiro)
Non facía nada
especial, nin decoraba.

7. Decorábanse cabazas?
Avós de Yeray (terceiro)
A avoa de Moaña non decoraba
cabazas, pero o avó de Valadares
decoraba cabazas e poñíalle unha
vela dentro, poñíaas no camiño para
meter medo aos que pasaban.
Avoa de Lucía (quinto)
Non, non decorabamos
cabazas, so poñiamos velas
dentro da casa.

8. Contábanse historias de medo?
Avoa de Xián (4 anos)
Si, contábanse moitas,
as que máis eran as
que falaban da Santa
Compaña.
Avoa de Mauro (4 anos)
Si, contábanas os
vellos, e nós, os
cativos, escoitabamos
a escondidas.
Avós de Yeray (terceiro)
Non, non contaban
historias de medo
nesas datas.

9. Contábanse historias de medo?
Avós de Carolina (segundo)
Si, pola noite todas as familias
reuníanse na bodega dalgunha casa
que tivera viño novo, e alí, entre
pais, avós, tíos, nenos… pasaban a
noite escoitando contos de medo.
Avoa de Lucía (quinto)
Si, contaban historias de medo. Dicían
que de noite non se podía mirar para
atrás porque se non dábanche un
bofetón, se ías por un camiño e se che
enganchaba a roupa dicían que era un
trasno, se vías un gato tamén dicían
que era un trasno...

10. Que alimentos comían?
Avoa de Xián (4 anos)
O que máis se facía eran as
chulas de cabaza máis o
budin, aínda que o mellor
eran as chulas sen
dubidalo...
Avoa de Mauro (4 anos)
Pois comiamos coliflor con
bacallau e castañas. pero
non se podían comer todas,
había que deixar algunhas
para os defuntos.
Bisavós de Noel (Primeiro)
Recollían castañas do
monte, e facían buñuelos e
huesos de santo.

11. Que alimentos comían?
Avoa de Alex (segundo)
Comiamos normal
e prendiamos
unha vela nun
vaso con auga e
aceite.
Avoa de Carla Costas (terceiro)
Castañas e
chulas de
cabaza.
Avoa de Lucía (quinto)
Comiamos
castañas e mazás
asadas.
Avós de Yeray (terceiro)
Tomabamos
castañas, e a xente
que podía
compraba uns
doces chamados
huesitos de santo.