Karbala Ki Yadgar Pyaas Syedul Ulema Syed Ali Naqi Naqvi Sahab t.s. "Karbala ya zameene Karb o Bala par Shaheed e raah e haq, Hazrat Imam Husain a.s. ne jo masaeb bardasht kiye woh tareekhe insani meiN apni nazeer aap haiN. YahaN sirf eik musibat ka tazkera maqsood hai jo masaebe Mazloome Karbala meiN eik khaas numayaN haisiyat rakhti hai, aur woh 'PYAAS' hai. Khud apni pyaas, phir Ashab o Ansar (r) ki pyaas, aur phir A'izza wa Aqruba ki pyaas aur phir chote chote bachchoN ki pyaas. Yeh woh musibat thi jise Hazrat Imam Husain a.s. ke masaaeb meiN hameisha eik numayaN haisiyat hasil rahi aur is waqt bhi muttafeqa taur par hasil hai"