საკუთარი პრაქტიკის კვლევა-ე. ჭაბუკაშვილი

1. 1 საკუთარი პედაგოგიური პრაქტიკის კვლევა სსიპ. ქალაქ ახმეტის მე-2 საჯარო სკოლის მათემატიკის მასწავლებელი ეკა ჭაბუკაშვილი თემა: საშინაო დავალების მნიშვნელობა მათემატიკის სწავლებისას მე-5 კლასში ს ა რ ჩ ე ვ ი Contents შესავალი .....................................................................................................................................................2 თავი I............................................................................................................................................................3 ინფორმაცია სკოლის შესახებ, სამიზნე ჯგუფი............................................................................. 3 1.2 საკვლევი საკითხის მიმოხილვა.......................................................................................... 3 1.3 პრობლემის აქტუალობის დასაბუთება.............................................................................. 3 თავი II...........................................................................................................................................................4 ლიტერატურის მიმოხილვა ............................................................................................................ 4 თავი III..........................................................................................................................................................6 3.1 საკვლევი კითხვების ფორმულირება ................................................................................. 6 თავი IV. ........................................................................................................................................................6 კვლევის დიზაინი............................................................................................................................ 6 4.1. კვლევის მეთოდები.................................................................................................................. 7 4.2. კვლევის ვადები....................................................................................................................... 7 თავი V. .........................................................................................................................................................8 5.1.მონაცემთა ანალიზი................................................................................................................... 8 5.2. კვლევის მიგნებები..................................................................................................................12 5.3. შესაძლო ინტერვენციები........................................................................................................12 5.4. განხორციელებული ცვლილებები.........................................................................................12 თავი VI. ......................................................................................................................................................12 6.1 რეკომენდაცია............................................................................................................................12 6.2 ინტერვენციის შეფასება............................................................................................................13 თავი VII. .....................................................................................................................................................14 დასკვნა.............................................................................................................................................14 გამოყენებული ლიტერატურა:.......................................................................................................14 დანართი1 : ......................................................................................................................................15 პრაქტიკის კვლევის შედეგების გაზიარების რეფლექსია ................................................................18

2. 2 შესავალი მასწავლებელი თვლის, რომ მათემატიკის სწავლებისას საშინაო დავალების მიცემა აუცილებელია. უდაოა, რომ საკლასო ოთახში ნასწავლი მასალის, შეძენილი უნარების განმტკიცება სახლში უნდა მოხდეს მასწავლებლის მიერ შერჩეული დავალებების საშუალებით, წინააღმდეგ შემთხვევაში შეძენილი ცოდნა მყარი არ იქნება, მოსწავლე ვერ შეძლებს ცოდნის პრაქტიკაში გამოყენებას, ამოცანების, განტოლებების ამოხსნას. ყოველდღიურად დავალებების შემოწმებისას შევნიშნე, რომ მოსწავლეთა ნაწილ სახელმძღვანელოს პასუხების ფურცლიდან ამოწერილ პასუხები მოჰქონდა. რა რაოდენობით უნდა მივცეთ დავალებები? როგორი სირთულის უნდა იყოს? ბავშვს უნდა რჩებოდეს თავისუფალი დრო თამაშისათვის, დასვენებისთვის, მაგრამ გასარკვევია, პრობლემა საშინაო დავალების სირთულეშია თუ მოცულობაში? ბავშვის უყურადღებობაში თუ დროის არასწორ განაწილებაში? რა დოზით უნდა მივცეთ ბავშვებს დავალება, რომ ეს საქმე ტანჯვად არ ექცეთ და არ მოიკლოს მათმა აკადემიურმა მოსწრებამ? საინტერესოა რას ფიქრობენ მე-5 კლასის მოსწავლეები და მათი მშობლები ჩემ მიერ მიცემული საშინაო დავალების სირთულის,მოცულობის და „წონის“ შესახებ. ხომ არ არის ჩემი მხრიდან ზედმეტი გადატვირთვა და მონდომება? განათლების სახლის 17 ოქტომბრის (2017 წელი) პოსტში წერია ,, საშინაო დავალება გამოიგონა იტალიელმა მასწავლებელმა, რობერტო ნევილმა, 1905 წელს, საკუთარი მოსწავლეების დასასჯელად”- საშინაო დავალება სასჯელია? ამ ყველაფერმა მიბიძგა ჩამეტარებინა კვლევა და დავსვი ასეთი კითხვა: რა მნიშვნელობა აქვს საშინაო დავალებას მათემატიკის შესწავლისას? როგორ გავლენას ახდენს მისი მოცულობა და სირთულე აკადემიურ მოსწრებაზე?” ქალაქ ახმეტის მე-2 საჯარო სკოლის მე-5 კლასში ჩავატარე პრაქტიკის კვლევა, ჩემი მიზანი იყო გამერკვია რა დოზით, რა რაოდენობით უნდა ჰქონდეთ მე-5 კლასის მოსწავლეებს საშინაო დავალებები, რომ სწავლება არ იქცეს სასჯელად, ხალისით დაეუფლონ ცოდნას, დრო დარჩეთ თამაშისთვის. კვლევაში მონაწილეობა მიიღო 40 მოსწავლემ და მათმა მშობელმა, ასევე მე-5 კლასის მასწავლებლებმა. კვლევისას გამოვიყენე მეთოდები:საკვლევ კითხვებზე პასუხების გასაცემად გამოვიყენე კვლევის როგორც თვისებრივი (ფოკუს-ჯგუფი, ფოკუსირებული და შერჩევითი დაკვირვება), ისე რაოდენობრივი მეთოდები (დახურული და ღია ანკეტირება); დავგეგმე ინტერვენცია: საშინაო დავალების მიცემისას მოსწავლეებს ვაძლევდი არჩევანის შესაძლებლობას კვლევის შედეგები: მონაცემთა ანალიზის და განხორციელებული ინტერვენციის შეფასების საფუძველზე მივიღე შედეგი, მოსწავლეები დაინტერესდნენ, აქტიურად ერთვებოდნენ დავალებების განხილვაში, ყოველდღიურად ასრულებდნენ დავალებებს (იკლო გადაწერილი დავალებების რიცხვმა)

3. 3 დასკვნა : მიმაჩნია, რომ მოსწავლეთა ინდივიდუალური თავისებურებები და ინტერესები უნდა იყოს გათვალისწინებული სწავლების პროცესში, რადგან როდესაც მოსწავლე ერთვება დავალებების შერჩევსას, ის პასუხისმგებლობას გრძნობს საკუთარ სწავლაზე, ხდება მოტივირებული. ნაშრომი შედგება შვიდი თავისაგან. I თავში მოცემულია ინფორმაცია სკოლის შესახებ, სამიზნე ჯგუფი, საკვლევი საკითხის მიმოხილვა, კვლევის მიზანი და ამოცანები. II თავში განხილულია ლიტერატურა სასწავლო პროცესში საშინაო დავალებების მნიშვნელობის შესახებ. III თავში განხილულია საკვლევი კითხვები. IV თავში კვლევის დიზაინია განხილული, V თავში კვლევის შედეგების ანალიზია მოცემული. ჩარევის (ინტერვენციის) დაგეგმვა, ინტერვენციების შედეგები და მათი ანალიზი. VI თავი ეხება რეკომენდაციებს და ინტერვენციის შეფასებას. VII თავი მოიცავს დასკვნას. ანგარიშს თან ერთვის ბიბლიოგრაფია და დანართი. თავი I ინფორმაცია სკოლის შესახებ, სამიზნე ჯგუფი ქალაქ ახმეტის მე-2 საჯარო სკოლაში სწავლობს 655 მოსწავლე, მუშაობს 45 პედაგოგი, სკოლა აღჭურვილია კომპიუტერული ლაბორატორიით და ინტერნეტით. კვლევის სამიზნე ჯგუფი არის დაწყებითი საფეხური, კერძოდ მე-5 კლასი, კვლევა განხორციელდა 40 მოსწავლეს და მათ მშობლებს შორის. ასევე გამოიკითხა სხვადასხვა საგნის 7 მასწავლებელი, რომლებიც ასწავლიან მე-5 კლასში. მოსწავლეებს შორის არის 3 სპეციალური საჭიროებების მქონე მოსწავლე, რომლებიც არიან ინდივიდუალურ სასწავლო გეგმაზე, უნდა აღინიშნოს რომ მათ არ ისურვეს კვლევაში მონაწილეობა. კვლევა განხორციელდა 2017-2018 სასწავლო წელს და გრძელდებოდა 8 თვე. 1.2 საკვლევი საკითხის მიმოხილვა მოსწავლეებისათვის მე-5 კლასი განსაკუთრებით რთულია, რადგან ემშვიდობებიან საყვარელ მასწავლებელს, ეცნობიან ერთდროულად რამდენიმე სხვადასხვა საგნის მასწავლებელს და უწევთ მათთან შეგუება, რთულდება სასწავლო მასალა, იცვლება სწავლისადმი დამოკიდებულებაც. კვლევის მიზანია მათემატიკის გაკვეთილზე მოსწავლეთა შედეგების, აკადემიური მოსწრების გაუმჯობესება, საშინაო დავალებების ოპტიმალური რაოდენობის და სირთულის დონის დადგენის გზით. 1.3 პრობლემის აქტუალობის დასაბუთება მოსწავლეები დაწყებით საფეხურზე აქტიურად არიან ჩართულნი საგაკვეთილო პროცესში, აქტიურად ასრულებენ აქტივობებს გაკვეთილზე, სურთ ბევრ აქტივობაში

4. 4 მიიღონ მონაწილეობა, არ ეზარებათ საშინაო დავალების შესრულება. ხოლო მე-5 კლასიდან აქტიური ჩართულობის ხარისხი იკლებს, მოსწავლეები იღებენ ქულებს, მათი მოლოდინი ყოველთვის მაღალი ქულაა, თუმცა საკუთარ შესაძლებლობებს ვერ აფასებენ ობიექტურად, მოსწავლეთა გარკვეული ნაწილი იმედგაცრუებული რჩება, სასწავლო წლის მანძილზე პასიურია გაკვეთილზე, აღარ ასრულებს საშინაო დავალებებს. რთულდება მოსწავლეების გაკვეთილით დაინტერესება და მათი აქტიურად ჩართვა საგაკვეთილო პროცესში. ისინი თანდათან შორდებიან საგანს და ზედაპირულად ეკიდებიან სასწავლო პროცესს. ყოველივე ეს აისახება მათ აკადემიურ მიღწევებზე. არსებული სიტუაცია, სამწუხაროდ, გრძელდება წლების განმავლობაში და მისი საბოლოო მოგვარების, ან შემცირების ტენდენცია არ შეიმჩნევა. პრობლემა პრობლემად რჩება - მოსწავლეთა უმეტესობა დაბალი აკადემიური მოსწრებით გამოირჩევა, მათ არ გააჩნიათ სწავლისადმი არც შინაგანი და არც გარეგანი მოტივაცია, რადგან არც დაწერილი ქულა აინტერესებთ და არც სადამსჯელო სანქცია არსებობს, რეალური, რაც მათი ქცევის ცვლილებას გამოიწვევდა. თავი II ლიტერატურის მიმოხილვა საშინაო დავალებების შესახებ მრავალი სტატია დაბეჭდილა ჟურნალ ,,მასწავლებელში“, ავტორები განიხილავენ შესაძლო გამოსავალს, თეო ნეფარიძე თავის სტატიაში მიმოიხილავს რა სხვადასხვა კვლევის შედეგებს, წერს: ,,საშინაო დავალების ეფექტიანობისთვის მნიშვნელოვანია სასკოლო პოლიტიკის არსებობა, რომელიც დაარეგულირებს საშინაო დავალების ტიპებს და მოცულობას, გაწერს საშინაო დავალებას სხვადასხვა საგნის სილაბუსებში, კოორდინაციას მოახდენს სხვადასხვა საგნის მასწავლებლებს შორის. ეს უკანასკნელი განსაკუთრებით მნიშვნელოვანია, რადგან კვლევების დროს ცხადად გამოვლინდა, რომ დიდი მოცულობის დავალება უარყოფით გავლენას ახდენს მოსწავლის მოტივაციაზე, ინტერესსა და აკადემიურ მოსწრებაზე. სტატიის ბოლოს ავტორი ფსიქოლოგის რეკომენდაციებსაც გვთავაზობს მშობლებისთვის: 1. პასუხისმგებლობა: თუ კი ბავშვს გაცნობიერებული ექნება დავალების შესრულების აუცილებლობა და ვალდებულება, მას პასუხისმგებლობის გრძნობაც გაუჩნდება, 2. დავალებების შესრულებას დააწყებინეთ მარტივიდან რთულისკენ პრინციპით. ფსიქოლოგები თვლიან, რომ ნებისმიერ ბავშვს რთული დავალების შესასრულებლად, დიდი დრო სჭირდება, ბავშვი იღლება, თავს წარუმატებლად თვლის, თვითშეფასება ეცემა და ამ დროს შესაძლოა დავალების თავის არიდებისკენ გაუჩნდეს სწრაფვა. ამასთან ნუ გადატვირთავთ დამატებითი სავარჯიშოებითა და ამოცანებით. 3. განათლების სპეციალისტებს, მშობლების მხრიდან დიდ შეცდომად მიაჩნიათ სასწავლო პროცესის შეწყვეტა იმ მიზნით, როცა ვთხოვთ, მაგალითად, მარკეტში

5. 5 ჩარბენას ან ნაგვის გადაყრას. სამუშაო პროცესისგან მოწყვეტა არ არის რეკომენდებული! 4. ·ხაზი გაუსვით მის წარმატებებს! ხშირად შეაქეთ! ეცადეთ ყოველთვის იგრძნოს ბავშვმა თქვენი სიყვარული, შეაქეთ ის, მოიწონეთ მისი საქმიანობა, თუ კი ხარისხიანად და დროულად შეასრულა დავალება – ეს მატებს მოსწავლეებში რწმენას საკუთარ თავში, რომელიც საბოლოო ჯამში მას მიზნის მიღწევაში დაეხმარება. იმის ცოდნა, რომ ოჯახისათვის ის მნიშვნელოვანი და ძვირფასია, მიუხედავად მისი მიღებული ქულებისა საკმაოდ მნიშვნელოვანია. ,,მოლოდინები ზემოქმედებენ ბავშვის ქცევებზე, ჩატარებული ექსპერიმენტის მიხედვით (MILLEZ,1975) დამტკიცდა, რომ ის ბავშვი, ვისაც სისტემატურად აქებდნენ აკურატულობის, პასუხისმგებლობის გამო, ცდილობდნენ გაემართლებინათ მოლოდინი და ყოფილიყვნენ აკურატულები, კეთილები და დამჯერები. ნუ დაიშურებთ კეთილ, თბილ სიტყვებს ბავშვებისათვის”. (პრაქტიკული ფსიქოლოგია, მანანა ნარგიზაშივლი, თბილისი 2011 ტ.1 გვ .78) 5. ეცადეთ არ გამოიყენოთ ისეთი ეპითეტები როგორიცაა: ზარმაცი, უყურადღებო და ა.შ. ისეთი ფრაზები როგორიცაა: ,,დავიჯერო, არ შეიძლებოდა ეს უფრო დროულად შეგესრულებინა?” ,, ამ დროისათვის ის… უფრო კარგად გააკეთებდა”. არ შეადაროთ მისი ცოდნა სხვა მოსწავლის ცოდნას. დაიხსომეთ, ყველა ბავშვი ინდივიდუალურია. ნუ დააჩქარებთ მისი მუშაობის ტემპებს, ფსიქოლოგთა აზრით, ეს იწვევს მათ ნერვოზულობას, რაც უარყოფითად აისახება დავალებების შესრულებაზე. თუ თქვენ გადაწყვიტეთ დახმარება გაუწიოთ თქვენს შვილს დავალებების მომზადებისას, საჭიროა აღიჭურვოთ მოთმინებითა და შემოქმედებითობით, რათა მეცადინეობა გადაიქცეს არა მტანჯველ პროცედურად, არამედ ურთიერთობისა და შემეცნების საინტერესო საშუალებად. მასწავლებლებს ურჩევს: 1. გაითვალისწინოს რაოდენობა, წინასწარ განსაზღვროს და დაგეგმოს დავალება ისე, რომ მოსწავლის პოტენციალი მაქსიმალურად აამუშაოს, რათა მიაღწიოს შედეგს და უფრო მეტიც, სიამოვნებით იმუშაოს მოსწავლემ. არ არის აუცილებელი ყოველდღე საშინაო დავალების მიცემა. სახლში დავალება მხოლოდ მაშინ მივცეთ, როდესაც დარწმუნებული ვართ, შემდეგ გაკვეთილზე ამ დავალების შემოწმებას მოვახერხებთ. როჯერსის მოლოდინის თეორიის მიხედვით, მასწავლებლების მოლოდინი გავლენას ახდენს მოსწავლეების მუშაობის ხარისხზე, სწავლის მოტივაციასა და მათ განწყობაზე წარმატებისა და მარცხის მიმართ. ისინი მასწავლებელთა მოლოდინის მიხედვით იქცევიან. 2. თუ მოსწავლეებს აქტიურად ჩავრთავთ დავალების შერჩევის, ორგანიზებისა და შეფასების პროცესში. ან დავალების შემოწმებისას ჩავატაროთ კვლევა, რა გაუჭირდათ, რამდენ მოსწავლეს, რა კარგად შეასრულეს, რამდენმა მოსწავლემ, რა ვერ შეასრულეს, რამდენმა მოსწავლემ. ეს კი უფრო ნათლად დაგვანახებს, მივაღწიეთ თუ არა მიზანს. ან რას შევცვლიდი გასაუმჯობესებლად.

6. 6 სტატიაში ,,რამდენად ეფექტურია საშინაო დავალება მოსწავლეებისათვის” განხილულია სხვადასხვა ქვეყანაში ჩატარებული კვლევები, ისინი აჩვენებს, რომ საშინაო დავალების რაოდენობა არ ახდენს გავლენას დადებით შედეგზე ,,მაგალითად, აზიის ქვეყნებში ჰონგ-კონგში, ტაივანში და იაპონიაში მათემატიკის კუთხით მსოფლიოში ყველაზე მაღალი მაჩვენებელია, თუმცა საშინაო დავალებებს ამ ქვეყნებში მსოფლიოში საშუალო მაჩვენებელზე ნაკლებს აძლევენ. ნიდერლანდებში ყოველი მეხუთე მეოთხეკლასელი საერთოდ არ აკეთებს საშინაო დავალებას, მაგრამ ამას ხელი არ შეუშლია ჰოლანდიელი მოსწავლეებისთვის, მათემატიკის ცოდნით მსოფლიო ტოპ-ათეულში შესულიყვნენ. ამერიკელი მოსწავლეები რეიტინგის შუა პოზიციებს იკავებენ, ხოლო რუსები — უკვე რამდენიმე ათეული წელია, სტაბილურად პირველ ხუთეულში არიან. ლიტერატურის გაცნობის შემდეგ გადავწყვიტე ქალბატონი თეას რეკომენდაცია გამეთვალისწინებინა და მოსწავლეები ჩამერთო დავალებების შერჩევასა და შეფასებაში. თავი III 3.1 საკვლევი კითხვების ფორმულირება კვლევის მთავარი კითხვა ასეთია: რა რაოდენობის საშინაო დავალებები უნდა მივცეთ მე-5 კლასელ მოსწავლეებს, რომ მათ შეძლონ საგნობრივი კომპეტენციების სრულყოფილად დაუფლება, ისე რომ დარჩეთ საკმარისი დრო დასვენებისათვის (თამაშისათვის)? ასევე მნიშვნელოვანია დავალების სირთულის გათვალისწინებაც. საინტერესოა მოსწავლეებს მოსწონთ თუ არა საშინაო დავალებებზე მუშაობა? როგორი დავალებები უნდათ რომ ჰქონდეთ? ესმით თუ არა საშინაო დავალების მნიშვნელობა, მშობლები ეხმარებიან თუ არა დავალებების შესრულებაში? სხვა მასწავლებლებიც აძლევენ საშინაო დავალებას, სულ რა დრო სჭირდებათ დავალებების შესასრულებლად? რჩებათ დრო დასასვენებლად? თავი IV. კვლევის დიზაინი კვლევის სამიზნე ჯგუფი: 1. მე-5 კლასების მოსწავლეები. 2. მე-5 კლასების მოსწავლეთა მშობლები.

7. 7 3. მე-5 კლასებში შემსვლელი პედაგოგები. 4.1. კვლევის მეთოდები მონაცემთა შეგროვება განხორციელდა შემდეგი მეთოდების გამოყენებით:  გამოკითხვა – აღნიშნულ მეთოდს მივმართე, მე-5 კლასების მასწავლებლებისა და მოსწავლეებისაგან პასუხი მიმეღო შემდეგ კითხვებზე: რა ღირებულება აქვს საშინაო დავალებას მოსწავლისთვის? აუცილებელია დავალებების შესრულება? საკმარისი დრო აქვთ მოსწავლეებს დავალებების შესასრულებლად/  ანკეტირება – მივმართე ანკეტირებას. კითხვარები მოვამზადე მე-5 კლასების მოსწავლეებისა და მათი მშობლებისათვის, ასევე მე-5 კლასების მასწავლებლებისათვის. კითხვები იყო დახურული, ღია და ანონიმური, რადგან ამ დროს რესპონდენტი არ იზღუდება პასუხის გაცემის დროს გულწრფელია და შესაბამისად, მის მიერ გაცემული პასუხები ზუსტი და სანდოა.  ინტერვიუ – აღნიშნულ მეთოდს მივმართე, რათა გამერკვია პედაგოგებისა და მოსწავლეების დამოკიდებულება საშინაო დავალებისადმი.  ფოკუსირებული დაკვირვება – ეს მეთოდი გამოვიყენე ინტერვენციის შედეგებზე საგაკვეთილო პროცესის დასაკვირვებლად.  მეორადი მონაცემების ანალიზი – ეს მეთოდი მეორადი მონაცემების დამუშავებისთვის გამოვიყენე. 4.2. კვლევის ვადები აქტივობა ოქტომ ბერი ნოემ ბერი დეკემ ბერი თებერ ვალი მარ ტი აპრი ლი მაისი ივნი სი პრობლემის შერჩევა + მეორადი მონაცემების შეგროვება + მეორადი მონაცემების ანალიზი + კვლევის სავარაუდო გეგმის შემუშავება + ინტერვიუ პედაგოგებთან და მოსწავლეებთან + კითხვარების შედგენა, დამუშავება +

8. 8 გამოკითხვა/ანკეტირება + მიღებული შედეგების ანალიზი + სავარაუდო ინტერვენციების განხილვა + ინტერვენციის განხორციელება + + + + ინტერვენციის შედეგების ანალიზი + პრეზენტაცია, შედეგების გაცნობა + თავი V. კვლევის შედეგები 5.1.მონაცემთა ანალიზი ინტერვიუმ სკოლის პედაგოგებთან და მოსწავლეებთან საშუალება მომცა განმესაზღვრა პედაგოგთა და მოსწავლეთა დამოკიდებულება საშინაო დავალების მიმართ. ინტერვიუ ჩატარდა მეხუთე კლასის მოსწავლეებთან. მე-5 კლასების დამრიგებლებთან და ამ კლასებში შემსვლელ პედაგოგებთან ჩატარებული ანკეტირების საშუალებით შევძელი შემეგროვებინა შემდეგი სახის ინფორმაცია:  მასწავლებლები რა სიხშირით აძლევენ მოსწავლეებს საშინაო დავალებებს;  მასწავლებლები რა სიხშირით ასწორებენ მოსწავლეებისათვის მიცემულ საშინაო დავალებებს და აძლევენ თუ არა უკუკავშირს. (დანართი 3) პედაგოგების გამოკითხვის მიზანი იყო დამედგინა, მასწავლებლისთვის რა ღირებულება აქვს საშინაო დავალებას, რომელიც მოსწავლისთვისაა განკუთვნილი. გამოკითხვაში 7 პედაგოგი მონაწილეობდა. გამოკითხვის შედეგად აღმოჩნდა, რომ ყველა მასწავლებელი (100%) ყოველთვის აძლევს საშინაო დავალებას, რადგან თვლის რომ საგნის შესწავლა შეუძლებელია დავალებების გარეშე, ყველა მასწავლებელი (100%) ყოველთვის ამოწმებს დავალებას და აძლევს უკუკავშირს.

9. 9 მასწავლებელთა 42% თვლის რომ მოსწავლეს მისი დავალებების შესასრულებლად 15 წუთი დასჭირდება. მასწავლებელთა 28% თვლის რომ ნახევარი საათი საკმარისი იქნება დავალებებისთვის და მხოლო 14 % თვლის რომ დავალებას 1 საათი სჭირდება. მშობელთა გამოკითხვით მინდოდა დამედგინა  მათი დამოკიდებულება საშინაო დავალებების მიმართ,  გამერკვია ეხმარებიან თუ არა შვილებს  მოსწავლეები დამოუკიდებლად სწავლობენ თუ მათი შეხსენება სჭირდებათ,  როგორია მათი რეკომენდაცია ამ საკითხებთან დაკავშირებით. (დანართი1) გამოკითხვაში მონაწილეობა მიიღო 30 მშობელმა, გამოკითხვამ აჩვენა, რომ მშობელთა უმრავლესობა (90%) თვლის, რომ საშინაო დავალებები აუცილებელია. შვილს ეხმარება ყოველთვის 13 %, ხანდახან 64% და საერთოდ არ ეხმარება 23%. კითხვაზე რამდენ ხანს ანდომებენ საშინაო დავალებების შესრულებას 10% პასუხობს, რომ 20 წუთი საკმარისია, 40 წუთი სჭირდება- 30%, 1 საათი -23%, 2 საათი- 26%, ,,დავალებები დაწერე“ მშობელთა 36% ახსენებს შვილს, 64% შეხსენება არ სჭირდება. 42% 28% 14% 15 წთ 30 წთ 1 სთ ყოვე ლთვ ის, 13% ხანდ ახან, 64% არას ოდე ს, 23% 20 წთ, 10% 40 წთ, 30% 1 სთ, 23% 2 სთ, 26% 64% 36% შეხსენება არ სჭირდება ,,დავალებები დაწერე"

10. 10 მშობლების 86% თვლის რომ დავალებები უნდა იყოს სააზროვნო მასალა, მხოლოდ 3% თვლის რომ დავალება უკვე შესწავლილი, ადვილი საკითხი უნდა იყოს. მშობლების რეკომენდაცია დავალებებისათვის საჭირო ოპტიმალურ დროსთან დაკავშირებით ასეთია: 43% თვლის რომ 30 წუთი უნდა იყოს საჭირო, ხოლო 53% თვლის, რომ 1 საათი საკმარისია, 4% კი თვლის რომ 15 წუთი სასურველი დროა. მოსწავლეების გამოკითხვით მინდოდა გამერკვია  ესმოდათ თუ არა საშინაო დავალებების მნიშვნელობა მოსწავლეებს.  რამდენ ხანს ანდომებენ მათემატიკის დავალებებს  მოსწონთ თუ არა მათემატიკის დავალებები  სჭირდებათ თუ არა მშობლის შეხსენება ან დახმარება?  რჩებათ თუ არა დრო თამაშისათვის? (დანართი 2) გამოიკითხა 35 მოსწავლე, გამოკითხვამ აჩვენა რომ ყველა მოსწავლე (100%) თვლის, რომ დავალება აუცილებელია, საინტერესო მოსაზრებები გამოთქვეს მოსწავლეებმა დავალებების აუცილებლობასთან დაკავშირებით, 33% თვლის, რომ დავალებები გონების განვითარებაში ეხმარება, სწავლაში ეხმარება- 48 %, ცოდნის შემოწმებას ახდენს- 19 %, კითხვაზე რამდენ ხანს ანდომებენ მათემატიკის დავალებებს პასუხები ასეთია, 15 წთ- 42%, 1 საათი სჭირდება 45% ,მხოლოდ 13 % სჭირდება 2 საათი, 86% 3% 10% სააზროვნო მასალა შესწავლილი, ადვილი საკითხი შემოქმედებითი 43% 53% 4% 30 წთ 1 სთ 15 წთ 33% 48% 19% 0% 10% 20% 30% 40% 50% 60% ანვითარებს გონებას სწავლაში ეხმარება ცოდნის შემოწმებას ახდენს

11. 11 დახმარება სჭირდება 28%, 71% დამოუკიდებლად ასრულებს დავალებებს, თამაშისთვის დრო აღარ რჩება 42 %, 55% თამაშსაც ასწრებს. დავალებები უნდა იყოს 71% აზრით საშუალო სირთულის, 25% თვლის რომ დავალება ადვილი უნდა იყოს, მხოლოდ 4 % მოსწონს რთული დავალებები. მშობლების შეხსენება,, დავალებები დაწერე“ სჭირდება 40%, 60% დავალებებს თვითონ ასრულებს. მეორადი მონაცემების ანალიზი- გაკვეთილებზე ვაკვირდებოდი მოსწავლეთა საშინაო დავალებებს, ვახდენდი ფოკუსირებულ დაკვირვებას, გაირკვა რომ მოსწავლეების ნამუშევრებში იყო გადაწერილი დავალებებიც, 42% 45% 13% 0% 10% 20% 30% 40% 50% 15 წთ 1 სთ 2 სთ 28% 71% 0% 10% 20% 30% 40% 50% 60% 70% 80% დახმარება სჭირდება დამოუკიდებლად ასრულებს 42% 55% 0% 10% 20% 30% 40% 50% 60% თამაშისთვის დრო აღარ რცება თამაშსაც ასწრებს 71% 25% 4% 0% 10% 20% 30% 40% 50% 60% 70% 80% საშუალო სირთულის ადვილი რთული

12. 12 5.2. კვლევის მიგნებები მონაცემთა ანალიზისას გამოიკვეთა რამდენიმე მნიშვნელოვანი მიგნება  მოსწავლეები, მშობლები, მასწავლებლები აღიარებენ რომ დავალება აუცილებელია, ესმით მისი მნიშვნელობა სწავლების პროცესში  მშობელთა ნახევარზე მეტი ეხმარება შვილებს დავალებების მომზადებაში  დაახლოებით მოსწავლეთა 60% შეხსენება დავალებები დაწერე არ ჭირდება  მიუხედავად იმისა რომ ყველა მასწავლებელი ყოველთვის ვასძლევთ საშინაო დავალებებს, მოსწავლეტა 55% თამაშისათვის დრო რჩება 5.3. შესაძლო ინტერვენციები კვლევის პროცესში ლიტერატურის დამუშავებისას გავეცანი გამოჩენილი ფსიქოლოგების რეკომენდაციებს და გადავწყვიტე საშინაო დავალების მიცემისას გამეთვალისწინებინა მოსწავლეთა ინტერესები და საშუალება მიმეცა ჩამოთვლილი ვარიანტებიდან თვითონ აერჩიათ სასურველი დავალება. 5.4. განხორციელებული ცვლილებები შევარჩიე და განვახორციელე შემდეგი ცვლილებები: რადგანაც კვლევამ აჩვენა რომ ყველა მოსწავლეს ესმის დავალების აუცილებლობა, გადავწყვიტე მათთვის დავალებების მიცემისას თავისუფლება მიმეცა. მოსწავლეებს შევთავაზე საშინაო დავალებების შესრულებისას შეასრულონ 2 ჩემს მიერ მიცემული (სავალდებულო) დავალება და წიგნში არსებული დავალებებიდან (გოგიშვილი,ვეფხვაძე, მე-5 კლასი) რამდენიც უნდათ და რომელიც უნდათ თვითონ ის დავალებები, მეორე დღეს კლასში გააკეთებენ პრეზენტაციებს და საუკეთესო პრეზენტატორები მიიღებენ უმაღლეს შეფასებებს. თავი VI. რეკომენდაციები და ინტერვენციის შეფასება 6.1 რეკომენდაცია შევიმუშავე რეკომენდაცია  გავეცნო ლიტერატურას მოსწავლეთა ინდივიდუალურ თვისებებზე, მათი სწავლის სტილზე,  დავალების მიცემისას შევარჩიო მრავალფეროვანი, საინტერესო, რეალურ ცხოვრებასთან დაკავშირებული დავალებები  საშინაო დავალების პრეზენტაციებს დავუთმო დრო ყველა გაკვეთილზე

13. 13  კოლეგა მე-5 კლასის მასწავლებლებს გავაცნო ჩემი იდეა, გავითვალისწინო მათი მოსაზრებები 6.2 ინტერვენციის შეფასება შეფასების მიზანს წარმოადგენს, გამეგო:  დაეხმარა თუ არა ამგვარად მიცემული საშინაო დავალებები მოსწავლეებს დავალების ხარისხიანად და ხალისით შესრულებაში  კვლევის ფარგლებში განხორციელებული ინტერვენცია აისახა თუ არა მათ აკადემიურ მოსწრებაზე მნიშვნელოვანი იყო გამეგო როგორ იმოქმედა ცვლილებამ მოსწავლეთა დავალებების ხარისხზე, ვახდენდი ფოკუსირებული დაკვირვებას გაკვეთილზე თებერვლიდან ივნისამდე პერიოდში, დავალებების განხილვას ყოველ გაკვეთილზე ვუთმობდი 10 წუთს, მოსწავლეებს გააზრებული ჰქონდათ შესრულებული დავალებები, აღარ იყო პირდაპირ მიწერილი პასუხები, ხალისით გამოთქვავდნენ პრეზენტაციის გაკეთების სურვილს, იყო შემთხვევები როცა მოსწავლეს ყველა დავალება შესრულებული ჰქონდა, ამისათვის ისინი უმაღლეს შეფასებას იმსახურებდნენ. მშობლებთან შეხვედრაზე მოვახდინე ინტერვიუს საშუალებით გავიგე როგორ მუშაობდნენ მათი შვილები დავალებებზე, მშობლებმა აღნიშნეს რომ მათი მოტივაცია გაიზარდა. საინტერესოა სიახლემ მოახდინა თუ არა გავლენა აკადემიურ მოსწრებაზე - ამის გასარკვევად მოსწავლეთა 1 სემესტრის და მეორე სემესტრის ნიშნების შედარება მოვახდინე, შევადარე შემაჯამებლების საშუალო ქულაც, აკადემიური მოსწრება პირველ სემესტრში (საშუალო ქულა) პირველი სემესტრი მეორე სემესტრი მე-5ა კლასი 8,1 მე-5ბ კლასი 8,6 შემაჯამებლების საშუალო ქულები 1 სემესტრის შემაჯამებლების საშუალო ქულა 1 შემაჯამებელი 2 შემაჯ. 3 შემ. 4 შემაჯ. 5 შემაჯ. 6 შემაჯ მე-5ა კლასი 7,1 6,9 7,3 7,3 7,2 7,5 8,1 მე-5ბ კლასი 7,8 7,1 7,9 7,9 8,3 8,3

14. 14 მონაცემთა ანალიზი აჩვენებს რომ გავლენა დადებითი იყო. თავი VII. დასკვნა პრაქტიკული კვლევის საფუძველზე შემიძლია გამოვიტანო დასკვნა, რომ მოსწავლისთვის საშინაო დავალებასთან დაკავშირებული პრობლემები იყო:   ბევრი დავალებები, (არ ყოფნით დრო ყველა საგნის დავალებების შესასრულებლად)  ნაჩქარევად ასრულებდა დავალებას, გაუაზრებლად იწერდა პასუხებს  რთული დავალების შესასრულებლად არ ჰქონდა საკმარისი უნარ-ჩვევები  წარუმატებლობა იწვევდა იმედგაცრუებას, მოტივაციის დაქვეითებას. აღნიშნული პრობლემის აღმოსაფხვრელად გადაიდგა გარკვეული ნაბიჯები. გატარებული ინტერვენციების შეფასებისას გამოვლინდა, რომ მათი უმრავლესობა შედეგიანი იყო. მოსწავლე ასრულებდა 2 დავალებას (სავალდებულოს) და იმის მიხედვით თუ რამდენი დრო ჰქონდა იმ დღეს, ან რამდენის გაკეთება შეეძლო ასრულებდა დანარჩენ დავალებებს, გაკვეთილზე იღებდა უკუკავშირს, გაუმჯობესდა მოსწავლეთა ჩართულობა გაკვეთილზე, გაუმჯობესდა აკადემიური მოსწრება. სწავლების თანამედროვე მოდელი გულისხმობს რომ მოსწავლე მეტს უნდა მუშაობდეს კლასში და მცირე დავალებები უნდა ჰქონდეს სახლში ( მაგ.ფინური მოდელი ), თუმცა პრაქტიკულმა კვლევამ აჩვენა რომ ჩვენს ბავშვებს მაღალი პასუხისმგებლობის გრძნობა აქვთ, შრომისმოყვარენი არიან, მე ვეცდები მათი დავალებები დამღლელი არ იყოს. კვლევის დასრულების შემდეგ სკოლაში მოვახდინე კვლევის პრეზენტაცია. გამოყენებული ლიტერატურა: 1. http:/www.mastsavlebeli.ge/ 2. ,,სწავლებისა და სწავლის ახალი მიდგომები“ თბილისი. 2004. 3. ,,საერთაშორისო საგანმანათლებლო კვლევები საქართველოში“ ი.კუტალაძე. 2012. 4. ინასარიძე მ, ლობჟანიძე ს, რატიანი მ, სამსონია ი. „მასწავლებლის საქმიანობის დაწყების, პროფესიული განვითარების და კარიერული წინსვლის სქემის გზამკვლევი“ ნაწილი II მასწავლებლის პროფესიული განვითარების ეროვნული ცენტრი, 2016 http://tpdc.gov.ge/uploads/pdf_documents/gzamkvlevi%20meore%20nawili.pdf

15. 15 დანართები : მშობელთა კითხვარი კითხვარი მშობლებისთვის ვატარებთ კვლევას ,, საშინაო დავალების მნიშვნელობა მათემატიკის შესწავლისას’’ ძალიან მნიშვნელოვანია თქვენი თანადგომა და რეკომენდაციები, გამოკითხვა ანონიმურია, არ არის საჭირო სახელის და გვარის მითითება. მადლობა თანამშრომლობისთვის. 1. აუცილებელია მოსწავლეს საშინაო დავალება ჰქონდეს შესასრულებელი? ა) კი ბ) არა 2.ყოველთვის ეხმარებით თქვენს შვილს საშინაო დავალების შესრულებაში? ა) კი ბ) არა გ) ხანდახან 3. რამდენ ხანს ანდომებს საშინაო დავალებებს? ა) 20 წთ ბ) 40 წთ გ)1 სთ. დ) 2 სთ 4.სჭირდება შეხსენება ,,დავალებები დაწერე!” ა) კი ბ) არა 5. როგორია თქვენი რეკომენდაცია, როგორი დავალებები უნდა ჰქონდეს მოსწავლეს? ა) უკვე შესწავლილი მასალა, ადვილად შესასრულებელი ბ) სააზროვნო მასალა, (ფიქრი რომ ისწავლოს) გ) შემოქმედებითი, ( განუვითარდეს ფანტაზიის უნარი) 6. როგორია თქვენი რეკომენდაცია, დავალებები უნდა იყოს ა) ბევრი, ბ) ცოტა 7. რამდენ დროს უნდა ანდომებდეს დავალებების შესრულებას? ა) 15 წთ ბ) 30 წთ გ 1 სთ

16. 16 დანართი 2: კითხვარი მოსწავლეებისათვის ვატარებთ კვლევას ,, საშინაო დავალების მნიშვნელობა მათემატიკის სწავლებისას“ არ არის საჭირო სახელის და გვარის მითითება. მადლობა თანამშრომლობისთვის. 1. როგორ ფიქრობ, მათემატიკის გაკვეთილზე საშინაო დავალება აუცილებელია? ა) კი ბ) არა 2. რატომ არის მნიშვნელოვანი საშინაო დავალებები? ____________________________________________________________________________ ____________________________________________________________________________ ___________________________________________________________________ 3. რამდენ ხანს ანდომებ მათემატიკის დავალებაზე მუშაობას? ა) 15 წუთს ბ) 30 წთ გ) 1 საათს დ) 2 საათს 4. მოგწონს მათემატიკის დავალებებზე მუშაობა? ა) არა ბ) კი 5.დავალებებზე მუშაობისას დახმარება გჭირდება? ა). კი ბ). არა 6. რთული დავალებები უფრო ხშირად გაქვს თუ ადვილი ? ა) ადვილი ბ). რთული 7.დღის განმავლობაში თამაშისთვის დრო გრჩება? ა).კი ბ). არა 8. შენი აზრით დავალება როგორი უნდა იყოს? ა) ადვილი, უკვე შესწავლილი მასალის გამეორება ბ) საშუალო სირთულის გ) რთული, საჭირო იყოს დამატებითი მეცადინეობა, უფროსების დახმარება 9. გჭირდება მშობლის შეხსენება ,,დავალებები დაწერე!” ა) კი

17. 17 ბ) არა დანართი 3: კითხვარი მე-5 კლასის მასწავლებლებისთვის ვატარებთ კვლევას ,, საშინაო დავალების მნიშვნელობა მათემატიკის შესწავლისას’’ ძალიან მნიშვნელოვანია თქვენი თანადგომა და რეკომენდაციები, გამოკითხვა ანონიმურია, არ არის საჭირო სახელის და გვარის მითითება. მადლობა თანამშრომლობისთვის. 1. აუცილებელია თუ არა მოსწავლეს ჰქონდეს საშინაო დავალება ა) კი ბ) არა 2. რა რაოდენობის დავალებას აძლევთ მე-5 კლასის მოსწავლეებს? ა) ბევრს ბ) ცოტას,მხოლოდ აუცილებელს 3. რამდენ ხანს ანდომებენ დავალებების შესრულებას მე-5 კლასელები? ა) 15 წთ ბ) 30 წთ გ) 1სთ დ 2სთ 4. ამოწმებთ საშინაო დავალებას და ყოველთვის აძლევთ უკუკავშირს? ა) ყოველთვის ბ) ხანდახან გ) იშვიათად 5. შესაძლებელია მოსწავლეს არ მივცეთ საშინაო დავალება? ა) არა, საგნის შესწავლა შეუძლებელია ბ) კი, კლასში მუშაობაც საკმარისი იქნებოდა

18. 18 პრაქტიკის კვლევის შედეგების გაზიარების რეფლექსია სსიპ. ქალაქ ახმეტის მე-2 საჯარო სკოლაში ჩავატარე საკუთარი პრაქტიკის კვლევა თემაზე: საშინაო დავალებების მნიშვნელობა მე-5 კლასში მათემატიკის სწავლებისას“ კვლევის მიზანი იყო მათემატიკის გაკვეთილზე მოსწავლეთა შედეგების, აკადემიური მოსწრების გაუმჯობესება, საშინაო დავალებების ოპტიმალური რაოდენობის და სირთულის დონის დადგენის გზით. ვთვლი რომ კვლევის შედეგები დამაკმაყოფილებელია და კოლეგებთან მისი გაზიარება შეიძლება. კვლევა გრძელდებოდა 2017-2018 სასწ. წელს 8 თვის განმავლობაში. კვლევისას გამოვიყენე ანკეტირების, ინტერვიუს, ფოკუს ჯგუფის, ფოკუსირებული დაკვირვების მეთოდები. მშობელთა, მოსწავლეთა ანკეტირებისას გამოვიყენე ჩემს მიერ შედგენილი კითხვარები, კვლევაზე მუშაობის გამოცდილება აქამდე არ მქონია, ამიტომ კითხვარებისთვის კითხვების შერჩევა საკმაოდ გამიჭირდა. თუმცა მუშაობის პროცესი ძალიან საინტერესო იყო. კვლევის შედეგების გაზიარებისას კოლეგა მასწავლებლებმა დაინტერესება გამოიჩინეს, აღვნიშნეთ რომ მასწავლებლის პროფესიული სტანდარტის მოთხოვნაა მასწავლებლებში პრაქტიკული კვლევების კომპეტენციის უნარის ფლობა: მასწავლებელი კოლეგებთან ერთად გეგმავს სპეციალურ კვლევით სამუშაოებს, ახორციელებს მათ და იყენებს პრაქტიკულ საქმიანობაში (პროფესიული განვითარება, მუხლი 133,, 1); შეუძლია საკვლევი საკითხის დამოუკიდებლად განსაზღვრა, კვლევის ჩატარება, მონაცემთა დამუშავება-ინტერპრეტაცია, კვლევის შედეგების გამოყენება საკუთარი და კოლეგების პრაქტიკის გასაუმჯობესებლად. (პროფესიული განვითარება, მუხლი 139, 2). სწორედ ამიტომ „მასწავლებლის საქმიანობის დაწყების პროფესიული განვითარებისა და კარიერული წინსვლის სქემის“ მიხედვით წამყვანი მასწავლებლის სტატუსის მოსაპოვებლად ერთ-ერთი სავალდებულო აქტივობაა საკუთარ პედაგოგიურ პრაქტიკაში იდენტიფიცირებული საჭიროებების ანალიზის საფუძველზე პრაქტიკული კვლევის განხორციელება. ჩემ მიერ განხორციელებული კვლევა და კვლევის შედეგების გაზიარება დაეხმარება კოლეგებს თვითონ წარმართონ პედაგოგიური კვლევა, პედაგოგიური პრაქტიკის გაუმჯობესების მიზნით. კოლეგების უკუკავშირი იყო როგორც დადებითი, ასევე უარყოფითი, ჩემს მიერ ანკეტისთვის შერჩეულმა კითხვებმა აზრთა სხვადასხვაობა გამოიწვია, საერთო შეფასება დადებითი იყო, თვითონაც აპირებენ საკუთარი პრაქტიკის კვლევას.

საკუთარი პრაქტიკის კვლევა-ე. ჭაბუკაშვილი

საკუთარი პრაქტიკის კვლევა-ე. ჭაბუკაშვილი

საკუთარი პრაქტიკის კვლევა-ე. ჭაბუკაშვილი

Recomendados

Más contenido relacionado

Similar a საკუთარი პრაქტიკის კვლევა-ე. ჭაბუკაშვილი

Similar a საკუთარი პრაქტიკის კვლევა-ე. ჭაბუკაშვილი(20)

საკუთარი პრაქტიკის კვლევა-ე. ჭაბუკაშვილი