1. PARDELAK KENTZEKO PROZESUA
Esfinterrak kontrolatzeko umeak
nolabaiteko heldutasun neurologiko
eta emozionala izan behar du. 24
hilabeterekin inguru, umea gai da
esfinterrak kontrolatzeko
entrenamenduari ekiteko. Kontuan
hartu behar da esfinterren kontrola
estres eta presio prozesua dela: aldi
honetan sor daitezkeen sentimenduei
eta tentsioei aurre egin behar zaie.
Azkenik, ez dugu amore erraz eman behar: umeak nahigabetuak sentitzen
dira familiek edo hezitzaileek berehala amore ematen badute, umeek
aurrera astiro egiten dutelako.
Oinarrizko arauak:
• Kontrol prozesua errua bota, errieta egin, iraindu edota lotsatu gabe
egin behar da.
• Ez da pentsatu behar adinean dagoelako edo udaberria edo uda
delako umearen organismoa dagoeneko esfinterrak kontrolatzeko gai
dela.
• Familiak saritu dezake gauean pixarik soinean ez badu egiten eta
biguntasunez erreakzionatu, ihes egiten badio.
• Familiari informatu, ahal den neurrian, kontrol prozesuak ez duela bat
egin behar bestelako aldaketa batekin (eskolan sartu, neba-
arrebatxoa jaio, etxez aldatu...).
• Pasatzen zaiona azaltzeko behar dituen oinarrizko hitzak erakutsi.
• Sentsazio eta mugimendu jakin batzuk komunera joateko gogoekin
lotzen lagundu.
• Haurrak ahiz eta beranduegi abisatu, animatu, hartara lehenago
abisatzen ikasiko du.
• Haur-oihala kendu ondoren ez berriro jarri, ustekabetxo batzuk
gainditu behar arren.