Errigorak Ikastola Elkartearekin, AEKrekin eta Sortzen-Ikasbatuaz-ekin elkarlanean martxan jarritako 'Nafar hegoaldeko uzta, euskarari puzka' kanpainaren aurkezpena egin genuen 2013ko urriaren 31n, Goierriko Goiztiri AEKren Ordiziako euskaltegian. Bertan elkartu ziren Goiztiri-ren zuzendaria den Nekane Munduate eta Beasaingo Andramendi, Ordiziako Jakintza eta Lazkaoko San Benito ikastoletako ordezkariak.
1. ‘Nafar hegoaldeko uzta, euskarari puzka’ kanpaina martxan
Errigorak ‘Nafar Helgoaldeko uzta, euskarai puzka’ kanpaina jarri du martxan, ‘zona no
vascofona’ deritzogun eremuko produktuei zabalkundea egin eta euskalgintzari laguntza
emateko asmoz.
Zer da Errigora?
Errigora proiektuak Nafarroa Hegoaldeko produktuak (zainzuriak, orburuak, arroza,
olioa…)Euskal Herrian zabaltzen ditu.
Zein helburu ditu?
- Nafarroa Hegoaldeko produktuei Euskal Herrian bidea ematea, elikadura subirautza
bultzatzeko.
- Eremu horretako euskalgintzari bultzada ematea, etekin ekonomikoaren zati bat horretara
bideratuz.
- Herrigintzan, auzolanean, nazio-eraikuntzan…lan kolektiboan oinarrituta ekarpena egitea.,
lan molde honen beharra goraipatuz.
Udazkeneko kanpaina
Hemendik aurrera, ikasturte bakoitzean bi kanpaina nagusi egingo ditu Errigorak Ikastolen
Elkartea, Sortzen-Ikasbatuaz eta AEKrekin elkarlanean. Bata udazkenean eta bestea
udaberrian. Bietan Nafarroa Hegoaldeko produktuekin osatutako saskiak banatuko dira.
Udazkeneko saskian honako produktuak izango dira: olio botila bi (bat ekologikoa), 3 piper
poto (bat ekologikoa), potxak, kardoa, borraja, orburuak, 2 zainzuri lata, tomate-pikillo saltsa
(ekologikoa) eta barazki krema (ekologikoa). Kalitate bikaineko produktuak dira, bertan
ekoiztuak.
Saskiaren salneurria 50 eurokoa da, merkatuko prezio bera, baina herritarren lan boluntarioari
esker, bildutako diruaren %25 euskalgintzara bideratuko da, hiru proiektu zehatzetara:
Lodosako ikastolara, ‘Euskaraz bizi eta ikasi’ herri ekimenera eta Erriberako helduen
euskalduntzea mantendu eta zabaltzera.
Saskia eskuratu nahi duenak azaroaren 14era arteko epea du eskaria egiteko, AEKren Ordiziako
edota Beasaingo euskaltegietan, Beasaingo Andramendi ikastolan, Ordiziako Jakintza ikastolan
eta Lazkaoko San Beniton. Eskatutako tokian bertan jasoko duzu ondoren saskia.
Lankidetza irekia
Edozeinek parte har dezake sarea elikatzen eta honen berri zabaltzen, lankideen artean,
herriko udaletxean, lagunen artean, ikastetxean, gurasoen artean…Saskia eduki eta kudeaketa
ere egin dezakezue nahi izanez gero.
Aipatutako helburuez gain, urte osoan sarea josten jarraitu nahi dute euren elikagaiak
eskoletan, enpresetan…egon daitezen egunerokotasunean.