Se ha denunciado esta presentación.
Utilizamos tu perfil de LinkedIn y tus datos de actividad para personalizar los anuncios y mostrarte publicidad más relevante. Puedes cambiar tus preferencias de publicidad en cualquier momento.

Humidais da Terra Cha

57 visualizaciones

Publicado el

Un percorrido polos principais humidais e lagoas da Terra Cha, dentro da Reserva da Biosfera "Terras do Miño"
Complexo húmido da Terra Cha: un conxunto de ecosistemas de grande valor ecolóxico. Podemos atopar humidais en Cospeito (lagoa de Cospeito, Abelleiras, Seixas, Carballosa, Ramiro e As Lamas), Castro de Rei (Veiga de Pumar, Caque ou Bardancos e Castro), Begonte (Riocaldo e Pedroso, O Ollo, Denune e Fontefría), Vilalba (Codesido, Fabás e Reboredo), Guitiriz (Brañas do Barreiro e Poza Grande) e Rábade (O Rei).

Publicado en: Educación
  • Sé el primero en comentar

  • Sé el primero en recomendar esto

Humidais da Terra Cha

  1. 1. HUMIDAIS DA TERRA CHÁ
  2. 2. O Complexo Húmido da Terra Chá atópase na depresión central da Terra Chá (Lugo) percorrida por ríos que nacen nas Serras do Xistral, Carba e Meira e que forman parte da rede fluvial do Miño. Está localizado integramente dentro da RESERVA DA BIOSFERA DE TERRAS DO MIÑO e na súa maior parte tamén no LIC PARGA- LADRA-TÁMOGA.
  3. 3. É un terreo de zonas arxilosas con mala drenaxe, o que, xunto coa morfoloxía achairada, crea numerosas áreas de acumulación de auga e fai que os ríos discorran divagantes formando múltiples brazos, illas...
  4. 4. PRINCIPAIS LAGOAS E HUMIDAIS DA TERRA CHÁ
  5. 5. ... Eu son esta terra e esta auga: lagoas de Seixas, Toiral, Santa Cristina, Bardancos, Boedo, Lamas de Xermar, Charca do Alligal, As Carpaciñas, Pozo das Nádigas e do Ollo, pucharcas como estrelas ou lúas, marabillosas esmeraldas, decorando o corpo vexetal da miña tribo, espellos prodixiosos que reflecten a luz do sol –ouro esvaído-, os altos parpadexos das estrelas, as raiolas do luar febles e místicas-. Lagoas de meu, mundos perfectos, orbes incríbeis habitados por aves e batracios, beireados de carqueixas, abidueiras, salgueiros, abeneiros, que as brisas visitan e agariman. ... Manuel María, POEMAS Á LAGOA DE COSPEITO
  6. 6. LAGOA DE COSPEITO Situada ao pé de Feira do Monte, capital do concello de Cospeito. Está alimentada polo río Guisande, afluente do Támoga. Ten unhas cinco hectáreas, aínda que no inverno aumenta moito a superficie. Era a lagoa máis grande da Terra Chá (57,5 ha) pero foi desecada arredor de 1960 polo IRYDA e parcialmente recuperada en 1981.
  7. 7. Vista aérea da lagoa en 2002.
  8. 8. É un punto importante de cría de avefría, mergullón pequeno, pita de auga, demo negro... No inverno aparecen grandes grupos de anátidas (lavanco real, charneco, pato cullerete, pato asubión, pato rabudo, parrulo chupón, parrulo cristado, ganso...) e limícolas (avefría, mazaricos...). Tamén son frecuentes as cegoñas e as garzas.
  9. 9. A lagoa de Cospeito está acondicionada para visitas. Ten un sendeiro que a rodea, varios observatorios e un centro de interpretación.
  10. 10. LENDA DA LAGOA DE COSPEITO Noutros tempo houbo unha cidade chamada Valverde no lugar no que hoxe se atopa a lagoa de Cospeito. Un día chegou un mendigo (algúns dí que era Xesús Cristo, que andaba a comprobar a xenerosidade dos homes) pedindo pousada, pero todas as portas se ían pechando ao seu paso, agás nunha casiña humilde, onde lle deron abrigo. O mendigo pediu que polo amor de Deus lle desen tamén algo de comer. Os veciños só tiñan unha becerra no cortello e decidiron sacrificala para darlle comida a aquel pobre home. Logo de cear, o visitante díxolles que antes de se deitar, botasen os ósos pequenos da becerra no cortello pequeno, e os grandes no cortello grande; malia que non entendían a razón decidiron facelo así e foron durmir. Ao día seguinte, ao mencer, o mendigo despertou a berros aos da casa pedíndolles leite para o almorzo. Os veciños pensaban que toleara e lembráronlle que o único animal que tiñan o mataran a noite anterior para darlle algo de cear. Pero o mendigo respondeulles: “Claro que tedes vacas que munxir! E iso é tan certo como que a vila de Valverde quedou asolagada”. Asombrados, os donos da casa foron aos cortellos e atoparon no pequeno varias becerras e no grande varias vacas. Logo miraron que a vila de Valverde fora asolagada e hoxe é a lagoa de Cospeito. Hai quen di que nas noites de San Xoán pódense escoitar preto da lagoa as badaladas da igrexa de Valverde, e algúns aseguran ter visto, en épocas de seca, os tellados da vella vila de Valverde.
  11. 11. LAGOA DAS ABELLEIRAS Situada na parroquia de Santa Cristina (Cospeito), entre as Abelleiras e a estrada que vai da Feira do Mnte a Roás. Ten pouca profundidade e case seca no verán.
  12. 12. LAGOA DE SEIXAS Situada na parroquia de Santa Cristina (Cospeito), nunha ampla zona de brañas que drenan cara ao río Anllo.
  13. 13. LAGOAS DA CARBALLOSA Situadas na parroquia de Xermar (Cospeito).
  14. 14. A lagoa da Carballosa máis grande ocupa unha ampla braña, asolagada en tempos de chuvias e con pouca auga no verán. Está nas nacentes do rego de Arcillá, afluente do Miño
  15. 15. Lagoas nas nacentes do rego das Veigas (A Carballosa), un afluente do Miño que drena as lagoas e brañas das Veigas do Camiño, protexidas no LIC Parga-Ladra-Támoga. Estás conectadas co espazo coñecido como Lamas de Xermar.
  16. 16. AS LAMAS/XERMAR Unha ampla área de asolagamento entre as parroquias de Lamas e Xermar (Cospeito), situadas na contorna do rego da Veiga, afluente do Miño.
  17. 17. LAGOAS DE RAMIRO Un grupo de pequenas lagoas entre Xustás e Bexán ou Rubiños (Cospeito). Fórmanse nos terreos de anegamento do rego de Cadaval (afluente do Miño) nunha ampla braña, asolagada en tempos de chuvias e con pouca auga no verán.
  18. 18. VEIGA DE PUMAR Unha zona húmida situada na marxe dereita do río Miño, entre Oroxe e Pumar. (Bazar, Castro de Rei). Ocupa unhas 30 ha, alimentada polo Rego de Pumar e polas chuvias invernais. No verán desécase case totalmente. Alternan os espazos abertos e as áreas arboradas con bidueiros, salgueiros, ameneiros... e unha gran variedade de plantas das zonas húmidas xunto con pasteiros. Acolle numerosas aves invernantes.
  19. 19. LAGOA DE CAQUE OU BARDANCOS Nas proximidades de O Castro (Castro de Rei). É a máis grande da Terra Chá, con 19 ha. Non está alimentada por ningún río. Foi parcialmente recuperada en 1988. É un importante refuxio para as aves, sobre todo no inverno.
  20. 20. LENDAS Na lagoa de Caque residían as once mil virxes e as once mil cantantes que, con medio corpo na auga e medio corpo fóra, cantan de noite e calan de día. Os baluros (tribo de magos) pedían esmola para elas.
  21. 21. LAGOAS DE CASTRO Situada nas proximidades da vila de Castro de Ribeiras do Lea (Castro de Rei). Son de orixe antrópica.
  22. 22. LAGOAS DE RIOCALDO E PEDROSO Son un conxunto de lagoas situadas xunto ao río Ladra no concello de Begonte, entre as parroquias de Begonte e Pacios. A maioría orixináronse polas explotacións mineiras para a extración de area, arxila e seixo a partir da década de 1940, aínda que na zona xa existían varias, do que deixa constancia o clérigo e botánico Baltasar Merino na súa obra "Viajes de herborización por Galicia" na que cita unha pequena lagoa próxima aos Pozos do Ollo que acolle algunhas especies de plantas que hoxe están protexidas.
  23. 23. Nos arredores das lagoas aínda están activas explotacións pra extraer arxila e áridos.
  24. 24. Surxencia de augas subterráneas nunha das lagoas.
  25. 25. LAGOAS DO OLLO Coñecidas tamén como Pozos do Ollo. Está situadas preto do río Ladra, en Begonte. Son dúas pequenas lagoas rodeadas de vexetación natural entre as que hai algúnhas especies invasoras. A máis grande mide 45 m de diámetro e ten unha profundidade máxima de 38 m. Orixináronse por un afundimento do terreo.
  26. 26. LENDAS Hai numerosas lendas que fan referencia a tres mozas ou mouras que fan encantamentos, ao asolagamento dunha cidade ou dun exército francés, ou a que sube e baixa a auga coas mareas.
  27. 27. LAGOA DE DENUNE Situada na parroquia de Felmil (Begonte). No verán está case seca.
  28. 28. LAGOA DA FONTEFRÍA Situada na parroquia de Gaibor (Begonte).
  29. 29. Lagoa na excavación dunha canteira.
  30. 30. CODESIDO Unha extensa área que se inunda temporalmente coas augas do río Trimaz, con pequenas lagoas, ocupada por prados húmidos e bosques de amieiras, bidueiros salgueiros e carballos.
  31. 31. Piscina acondicionada sobre o manancial de augas termais (arredor de 30º) do Alligal de Codesido, en Santabaia (Vilalba). ALLIGAL DE CODESIDO
  32. 32. LAGOA DE FABÁS Situada entre Fabás e Gomariz, na parroquia de Goiriz (Vilalba).
  33. 33. LAGOAS DE REBOREDO Un conxunto de varias pequenas lagoas, algunhas naturais e outras de orixe antrópica por extracción de arxilas. Situadas na parroquia de Nete (Vilalba), drenan cara ao rego da Veigas, un afluente do Ladra.
  34. 34. LAGOA DO REI ou DO ANXO Unha pequena lagoa situada moi preto do casco urbán de Rábade, detrás do Polígono industrial.
  35. 35. LAGOA DO BARREIRO Na parroquia de San Xoán de Lagostelle (Guitiriz). Nas Brañas de Barreiro.
  36. 36. A POZA GRANDE Na parroquia de San Xoán de Lagostelle (Guitiriz). Orixinada por unha extracción de áridos.
  37. 37. A VIDA NOS HUMIDAIS Os humidais da Terra Chá acollen unha importante biodiversidade con ecosistemas asociados ás ribeiras, lagoas, correntes de auga lentas e brañas.
  38. 38. FLORA Nas beiras, ou asentadas no fondo podemos atopar salgueiros, amieiras, bidueiros, carrizos, espadainas (Typha...), varios xuncos entre eles o Cladium mariscus, cardiño da lagoa (Eryngium viviparum) salgueiriño (Lythrum salicaria), Galium palustre, Luronium natans, Pilularia globulifera, trevo de auga, narcisos (Narcissus asturiensis e N. Pseudonarcisus subsp nobilis), frundio (Myrica gale), Ceratophyllum demersum... e dentro da auga destaca a presenza da planta carnívora Utricularia australis.
  39. 39. Froitos de salgueiro Flores de bidueiro
  40. 40. Ludwigia palustris. Florece no verán en pozas e regatos de pouca corrente, como as da Terra Cha. Utricularia (Utricularia australis) vive aboiando na auga das lagoas. Aliméntase de pequenos animais que captura cos sacos dixestivos
  41. 41. Chantaxe de auga (Alisma plantagoaquatica)
  42. 42. Platanaria (Sparganium erectum) Espadaina ou palla real (Typha latifolia)
  43. 43. Xunco (Juncus conglomeratus ) Cladium mariscus, un xunco pouco común
  44. 44. Frundio (Myrica gale)
  45. 45. Froitos de Euonymus europaeus Salgueiriño (Lythrum salicaria)
  46. 46. FAUNA -Mamíferos: lontra, aguaneiro... -Aves: unhas 200 especies, sobre todo aves acuáticas, limícolas e paxaros: garza real e pequena, cullereiro, cegoña, corvo mariño, mergullón pequeno, diferentes tipos de patos (lavancos, cercetas reais, pato culler, pato asubión, pato cenicento, pato rabilongo...), galiñola negra, píllara dourada, avefría, pernileiro..., maiormente como invernantes e nos pasos migratorios, e numerosas aves de bosque e aves de rapina. -Réptiles: cóbrega de auga (Natrix maura)... -Anfibios: rás (verde e arborícola), sapos, pintegas e pintafontes. -Peixes: vermelliña (Rutilus arcasii), escalo (Chondrostoma duriense) (ambos os dous protexidos pola Directiva Hábitats), cacho (Leuciscus carolitertii), espiñento (Gasterosteus gymnurus). -Invertebrados: insectos (libeliñas, cabalos do demo, escaravellos de auga, zapateiros...), cangrexo de río americano, moluscos... Lavanco real (Anas platyrhynchos), o parrulo máis común das lagoas.
  47. 47. Niño de cegoñas. As cegoñas aliméntanse de animais que atopan nas numerosas “lamas” da Terra Chá. Galiñola negra (Fulica atra)Mergullón pequeno (Tachybaptus ruficollis)
  48. 48. Avefría (Vanellus vanellus) Píllara dourada (Pluvialis apricaria) Garza pequena (Nycticorax nycticorax)
  49. 49. Ra verde (Pelophylax perezi) Estroza (Hyla molleri) Pintafontes palmado (Triturus helveticus)
  50. 50. Cabalo do demo (Onychogomphus uncatus) Todas as libeliñas, cabalos do demo, gaiteiros... desenvolven as súas fases larvarias na auga onde se alimentan de outros animais. Libeliña (Calopteryx splendens) Patinador ou zapateiro (Gerris lacustris)
  51. 51. Cangrexo de río americano (Procambarus clarkii) unha especie invasora abundante nalgunhas lagoas.
  52. 52. MONTAXE E FOTOS: Adela Leiro, Mon Daporta Febreiro 2016

×