1. სამოდელო შემაჯამებელი გაკვეთილის გეგმა ქართულ ენასა და ლიტერატურაში
1. პედაგოგი მზია ეგიაშვილი
2. გაკვეთილის თემა იგავის ენა
3. სწავლების საფეხური და
კლასი
დაწყებითი
V-ბ
4. მოსწავლეთა რაოდენობა 28
5. გაკვეთილის მიზანი და
განსავითარებელი
უნარები
მოსწავლეებმა შეძლონ შესწავლილი იგავ-არაკების
ინტერპრეტაცია, გაიაზრონ თითოეული იგავ-არაკის
შეგონება, იგავის ენის თავისებურება. მოსწავლეებმა
აუდიტორიის წინაშე წარმოადგინონ წინასწარ
მომზადებული პრეზენტაციები, სლაიდ- შოუს
გამოყენებით, მათ მიერ შერჩეული ნასწავლი იგავ-
არაკების შესახებ, ჩამოაყალიბონ თავიანთი თვალსაზრისი
ამ იგავ-არაკების სიბრძნის შესახებ. მსჯელობა
განამტკიცონ არგუმენტებით;
განსავითარებელი უნარები:
შემოქმედებითი უნარი;
თვალსაჩინოებების შექმნა და გამოყენება;
სლაიდ-შოუს მომზადება და ჩვენება Power Point-ის
გამოყენებით;
ჯგუფში მუშაობა- თანამშრომლობა;
პრეზენტაციისას- ორატორობის უნარ-ჩვევები;
ურთიერთშეფასება- პრეზენტაციების რუბრიკის
გამოყენება.
6. ე ს გ-ით მისაღწევი
შედეგები/ინდიკატორები
მიმართულება: ზეპირმეტყველება
ქართ. V. 2. მოსწავლეს შეუძლია ჯგუფური და
ინდივიდუალური საკომუნიკაციო ამოცანების განხორციელება.
ჯგუფთან ერთად ამზადებს ზეპირ გამოსვლას:
დამოუკიდებლად დაამუშავებს თემის ერთ-ერთ ნაწილს,
მოპოვებულ მასალას და შემუშავებულ თვალსაზრისს
გააცნობს და შეუთანხმებს ჯგუფის წევრებს;
გამოდის წყვილის, ჯგუფისა თუ კლასის მომხსენებლის
როლში; ითვალისწინებს და გამოხატავს
თანაგუნდელების საერთო აზრს;
ქართ. V. 4. მოსწავლეს აქვს ლიტერატურული ნაწარმოების
ესთეტიკური შეფასების საწყისი უნარი.
ისმენს მხატვრულ ნაწარმოებს (ლექსს, ნოველას,
მოთხრობას) და გამოხატავს საკუთარ ემოციებსა და
შთაბეჭდილებებს;
ასახელებს სხვადასხვა თვალსაზრისით მისთვის
საინტერესო ადგილებს ტექსტიდან.
2. მიმართულება: წერა
ქართ. V. 13. მოსწავლეს შეუძლია სხვადასხვა სახის ტექსტების
დამოუკიდებლად შექმნა.
წერის დაწყებამდე ირჩევს თემას; განსაზღვრავს მიზანს,
აუდიტორიას, ირჩევს სასურველ ჟანრს;
წერისას აქცენტს აკეთებს მთავარ და არსებით
მომენტებზე;
თანამიმდევრობით გადმოსცემს ფაქტებსა და მოვლენებს;
მიმართულება: ისტ რესურსების შექმნა
იყენებს ისტ-ის საშუალებებს მასწავლებლის მიერ
ჩატარებული ან დამოუკიდებელი სასწავლო
აქტივობისას(1,3)
იყენებს ინტერნეტში ამ ასაკობრივი ჯგუფისათვის
შესაბამის არსებულ რესურსებს (მაგ.: საგანმანათლებლო
პროგრამები, ინტერაქტიული წიგნები, ნახატები და სხვა)
სასწავლო პროცესში (1)
ქმნის მისი ასაკობრივი ჯგუფისათვის შესაფერის
მულტიმედიურ პროდუქტს თანაკლასელების,
მასწავლებლის ან მშობლების დახმარებით. (3)
7. მეთოდები
კლასის ორგანიზების
ფორმები
კითხვა-პასუხის მეთოდი ( მოსწავლეების
მოტივაციის ამაღლება, განწყობის შექმნა);
სწავლების დიდაქტიკური მეთოდი-
ვიზუალიზაცია, თვალსაჩინოების გამოყენება
(მოსწავლეები აჩვენებენ სლაიდ-შოუს);
პრეზენტაციის მეთოდი;
პრეზენტაციის შეფასების მეთოდი.
ინდივიდუალური, ჯგუფური.
8. წინასწარი ცოდნა მოსწავლეებს შესწავლილი აქვთ სულხან-საბა
ორბელიანის, აკაკი წერეთლის იგავ-არაკები. მოსწავლეებმა
იციან , ინტერნატში როგორ მოიძიონ საჭირო მასალა,
იციან სლაიდ-შოუს მომზადება და ჩვენება Power Point-ის
გამოყენებით. მომზადებული აქვთ პრეზენტაციები.
9. საგანმანათლებლო
რესურსები და
გამოყენებული
ლიტერატურა
დაფა, ცარცი, შეფასების რუბრიკები, ტექნიკა-
ინსტრუმენტები: კომპიუტერი, პროექტორი, ციფრული
ფოტოაპარატი,ციფრული ვიდეოკამერა, DVD დისკი;
ინფორმაციული წყაროები: მშობლიური ლიტერატურა
V კლასის სახელმძღვანელო. ავტორ-შემადგენელნი: ნინო
გორდელაძე, თინათინ კუხიანიძე. (ბაკურ სულაკაურის
გამომცემლობა) 2011წ.
ინტერნეტი.
3. 10. შეფასება განმავითარებელი- მასწავლებლის დაკვირვება
მოსწავლეთა მუშაობის პროცესზე, ქცევაზე, აქტიურობაზე.
მოსწავლეების მიერ ერთმანეთის განმსაზღვრელი შეფასება
პრეზენტაციის რუბრიკით.
გაკვეთილის
მსვლელობა/საკლასო
მენეჯმენტი და დრო
გაკვეთილის ხანგრძლივობა 90 წთ.
(გაკვეთილის თემა დაფიქსირებულია დაფაზე. სასწავლო
მიზნები ნაჩვენებია მონიტორზე)
კლასში მოსწავლეები გადანაწილებული არიან 5 ჯგუფად.
თითო ჯგუფში არის 5-6 მოსწავლე.
A ფაზა (გამოწვევა)
(მოსწავლეების მოტივაციის ამაღლება) 3წთ.
აქტივობა1. კითხვა-პასუხის მეთოდი; 10 წთ.
1. როგორი ჟანრის ნაწარმოებია იგავ-არაკი?
2. რომელი ნაწილებისაგან შედგება იგავ-არაკი?
3. რა არის შეგონება? 4.რა თავისებურება აქვს იგავის ენას?
5. ვინ არის პირველი ქართველი მეიგავე? 6. რა ჰქვია
სულხან-საბა ორბელიანის იგავ-არაკების კრებულს?
7.გავიაზროთ სათაური ,,სიბრძნე სიცრუისა”.
B ფაზა (შინაარსის რეალიზება)
აქტივობა 2.ჯგუფების მიერ ნამუშევრების პრეზენტაცია.
35წთ. ანუ თითოეულ ჯგუფს დაეთმობა 7 წთ.
ჯგუფები პრეზენტაციას აკეთებენ სლაიდ-შოუს ჩვენებით
Power Point-ის გამოყენებით. ისინი წარმოადგენენ უკვე
შესწავლილ იგავ-არაკებს.
1-ლი ჯგუფი: ,,ძუნწი და ოქრო”;
მე-2 ჯგუფი: ,,ვირი, ვეფხვი, მელა და მგელი”;
მე-3 ჯგუფი: ,,მეფე და მჭედელი”
მე-4 ჯგუფი: ძაღლი და ცხვრები;
მე-5 ჯგუფი: ,,ღამურა”.
აქტივობა 3. პრეზენტაციის შემდეგ ჯგუფები ერთმანეთს
უსვამენ კითხვებს, რომლებიც მოითხოვდნენ მსჯელობას
წარმოდგენილი იგავ-არაკების შესახებ. 15წთ.
C ფაზა (გამთლიანება)
აქტივობა 4. ჯგუფები აფასებენ ერთმანეთს წინასწარ
დარიგებული პრეზენტაციის რუბრიკების მიხედვით.25წთ.
4. საშინაო დავალება: დაწერეთ საკუთარი იგავ-არაკი2 წთ.
გაკვეთილის ჩატარების
თარიღი: 12.03.2014 წ.
დანართი
პრეზენტაციის შეფასების რუბრიკა
Share
საინტერესო შესავალი : 0-1 ქულა
ნაშრომის წარმოჩენის უნარი : 0-1 ქულა
შემოქმედებითი უნარი : 0-1 ქულა
თემის გასაგებად წარმოდგენა : 0-2 ქულა
საუბრის ტემბრი და გამართულობა : 0-1 ქულა
აუდიტორიასთან კონტაქტი : 0-1 ქულა
ინფორმაციის ფლობის უნარი : 0-2 ქულა
დროის ლიმიტის დაცვა : 0-1 ქულა
ჯამი : 10 ქულა