1. Монголчууд эрт дээр үеэс багшийг шүтэж,”Багшид мөргөмү, Номд
мөргөмү, Эцэг эхдээ мөргөмү” хэмээн зааж ирсэн сайхан уламжлалтай
билээ.
Багшийн эрдэм шавьд гэсэн сайхан үг ч бий.
Иймд багш гэдэг эрхэм нандин алдрыг хайрлан нэр хүндийг өргөж явах нь багш
хүн бүрийн үүрэг юм.
Нөгөө талаас улс орны тусгаар тогтнол тогтвортой хөгжлийн үндэс нь хүний
хүчин зүйлс буюу болвсролтой иргэн. Иргэний боловсрол боловсролын чанар нь
багшаас шалтгаална. Өнөө үед нийгмийн тэргүүлэх салбар боловсролын салбар
гэж үзэж буйгаараа боловсролын шинэчлэл багшийн хөгжлийн тухай асуудал
нийгмийн тулгамдсан асуудал болж байна.
Багш цаг үеийнхээ хөгжлийг мэдэрч хөгжлөөс хоцролгүй явж иргэнийг
боловсролжуулах, хөгжүүлэх эрхэм үүрэгтэй билээ. Иймээс нийгэм төдийгүй
багш хүн өөрөө санаа зовж түүнийг шийдвэрлэх арга замыг эрэлхийлэх хэрэгтэй
юм.
Багшийн эрхэм дээд зорилт нь шавьдаа эрдэм мэдлэг эзэмшүүлж ур чадвар
төлөвшүүлэх нийгмийн ёс суртахууны эрхэм чанар суулгахад оршино.
Энэ зорилтоо нэр төртэй хэрэгжүүлэхийн тулд багш бүр орчин үеийн хүнд эрдэм
мэдлэг жигд эзэмшүүлж ур чадвар төлөвшүүлэн ёс суртахууны эрхэм чанрыг
бүрдүүлэх арга ухаан болох сургалтын технологийг гарамгай эзэмшисэн байх
шаардлагатай.