1.
MGA BALA-OD OG PALISIYA SA OSPITAL
1. Kinahanglan ubanan ang pasyente ug “Ward Personnel” paingun sa iyang katre. Usa
ra ka bantay ang gitugot kada pasyente ug kinahanglan mahibalo sa mga palisiya sa
ward.
2. Dad-a pirme ang inyong “yellow/green card” pagsulod sa ospital kay mao kini ang
pangitaon sa guard ug social worker kada naay himuon sulod sa ospital.
3. Dili pwede maghulam-hulam o magbayluay ug “yellow/green card”.
4. Ang oras sa tingbisita alas-tres (3:00) sa hapon taman alas-sais (6) sa gabi-i.
Guinadili ang pagdala ug mga bata nga nag-edad og siyam (9) ka tuig paubos kay
posibleng matakdan sila ug sakit.
5. Magdala og ID pirmi kung manghulam sa nurse ug clinical cover sheet o face sheet
sa chart sa pasyente.
6. Kada-semana, ika-duha ra mag-ilis og hapin sa katre. Busa imintinar ang kalimpyo
niini.
7. Kada Martes, naay “Ward Class” nga ipahigayon mahitungod sa mga palisiya dinhi sa
ward ug magsugod kini alas-otso (8:00) hangtud alas-diyes (10:00) sa buntag
samtang ga-rounds ang doctor. Ang tanang bantay sa mga pasyente giawhag sa
pagtungha.
8. Dad-a ang “specimen” sa laboratoryo kung magpa-eksamin. Magbayad una sa
kahera ayha ihatod sa laboratoryo. Kung wala pay pambayad, papirmahi ang
request sa “social worker” aron ma-charge-to-bill. Kung wala ang gikinahanglan nga
laboratory test sa sulod sa hospital, ayha pa magpa-examine sa gawas.
9. Kinahanglan muapil ang tanan pasyente kada Lunes, Miyerkules, ug Biyernes sa
“Rehabilitation Exercises”. Kini nga aktibidad makatabang alang sa kaayuhan sa mga
pasyente.
10. Kung magpacheck-up o pabalikon sa doktor, didto mu-adto sa OPD room, dili dinhi
sa ward.
11. Katong mangayo og “medical abstract”, sa doktor mangayo, kay sila lang ang pwede
maghimo niini.
12. Sa mga pasyente nga adunay dyabetes, kinahanglan makigkita sa “dietician” aron
matambagan sa sakto nga pagkaon

2.
13. Kung naay reseta sa tambal, paliton sa parmasya sulod sa hospital. Kung walay
stock, ayha pa mupalit sa gawas.
14. Kinahanglan ang pasyente na-a sa iyang katre sa oras nga mag-rounds ang doktor ug
nars ug panahon sa tinghatag ug tambal.
15. Kung tinghatag na ug tambal, dili mag-apura. Hulata ang nars nga muduol sa inyong
katre aron mohatag sa tambal.
16. Kung naka-dextrose ang inyong pasyente, i-andam ang reserba. Kung walay reserba,
magpareseta sa wala pa mahurot ang dextrose.
17. Limpyohi ang ibabaw og ilalom sa katre, lamesa ug ang palibut kada-adlaw.
18. Manghugas kanunay ug kamot aron malikayan ang mga sakit ug impeksyon.
19. Kada-buntag, tanang pasyente ug bantay kinahanglan maligo ug mag-ilis ug limpyo
nga sanina. Mag-toothbrush usab kada human ug kaon.
20. Ibutang sa saktong lugar ang mga basura. Adunay nagkada-iyang nga kolor sa
basurahan para sa lain-laing klase sa basura.
21. Dili pwede mukaon ug muinom ug tubig ang pasyente nga operahanan gikan alas-
dose (12:00) sa gabii hangtod sa oras sa operasyon. Maghulat sa sulti sa nars o
doktor kung kanus-a pwede na mukaon ang pasyente.
22. Kung naka-schedule ang inyong pasyente para operahan, ipacheck ang tanang gamit
sama sa mga materyales, anesthesia, ug dugo kung kinahanglan. Kupletoha tanan
materyales aron madayon ang operasyon. Kung ang pasyente wala pa nag-edad ug
dise-otso (18) anyos, kinahanglan naay guardian o bantay nga nag-edad dise-otso
(18) pataas aron mupirma sa pagtugot.
23. Dili pwede mogamit ug telepono sa “Nurse Station” gawas kung emergency. Adunay
telepono sa OPD nga pwede gamiton sa tanan.
24. Para sa mga naay pasyente nga putlanan ug tiil, kinahanglan mag-andam ug duha ka
adult diapers, karton para sudlan sa putol nga tiil, ug plastic para ipaputos sa tiil.
Ihatod kini sa OR bag-o sugdan ang operasyon.
25. Kadtong nakaschedule para operahan, kinahanglan limpyo na sa dili pa dad-on sa
OR (nakaligo, ilis, toothbrush og nakabutang og deodorant o tawas sa ilok).
Kinahanglan tangtangon ang mga manicure ug pedicure, alahas, ug pustiso.
26. Kadtong naa nay order nga papaulion, ayaw kahibulong nga mabalhin sa gawas kay
ato mang tagaan ug pabor ang admission gikan sa ER.

3.
27. Dili pwede manigarilyo, magsugal, ug magbutang ug mga plastik nga basurahan
dapit sa katre.
28. Guinadili para sa mga pasyente, tag-tungod ug mga bisita ang pagbasa sa chart. Kung
adunay mga pangutana, pakigsulti sa doktor o nars.
29. Guinadili ang pagpanglaba ug paghay-hay sa mga sanina sa ibabaw ug ilalom sa
katre sa pasyente ug sa mga bintana.
30. Guinadili ang pagsaba-saba. Hinayan ang tingog sa cell phone aron dili
makadisturbo sa ubang pasyente.
31. Guinadili ang pagdala ug mga dekuryente nga butang sulod sa ward. Kung
kinahanglan gyud, mananghid usa sa nars arun maapil sa hospital bill.
32. Pagbantay sa mga mangingilad ug kawatan. Dili manubag ang ospital sa mga butang
nga mawala.