Edukasyon sa Pagpapakatao 7

1. Iba’t Ibang Tungkulin ng Isang
Nagdadalaga o Nagbibinata
Edukasyon sa Pagpapakatao 7
Prepared by: Eddie San Z. Peñalosa

2. Paksang Tatalakayin:
 Tungkulin sa Sarili
 Tungkulin bilang Anak
 Tungkulin bilang Kapatid
 Tungkulin bilang Mag-aaral
 Tungkulin sa Sariling Pamayanan
 Tungkulin bilang Mananampalatay
 Tungkulin bilang Konsumer ng Media
 Tungkulin sa Kalikasan

3. Tungkulin sa Sarili
 Ang mahusay na pagganap sa tungkulin ay maisasakatuparan lamang kung
ang mga sariling tungkulin ay nagagampanan nang maayos. Mas magiging
madali ang pagtupad sa mga responsibilidad kung ito ay nagsimulang ilapat
sa sarili.
a. Pagharap at wastong pamamahala ng mga pagbabago sa iyong pagdadalaga o
pagbibinata.
b. Pagpapaunlad ng talento at kakayahan, at ang wastong paggamit ng mga ito.
c. Makabuluhang paggamit ng mga hilig.

4. Tungkulin bilang Anak
 Nadagdagan man ang iyong edad sa yugto ng iyong pagdadalaga o
pagbibinata, hindi ibig sabihin ay nasa wasto ka nang gulang upang
tumayo sa iyong sariling mga paa. Lubos na kailangan mo pa rin ang
tulong at paggabay ng iyong mga magulang at ng iyong pamilya.

5. Tungkulin bilang Kapatid
 Ang ugnayan sa pagitan ng magkakapatid ay isa sa pinakamahalagang
ugnayan na dapat panatilihin at patatagin ng bawat isa. Ang pagtatalo at
pag-aaway ay karaniwang bahagi nito at sadya namang hindi maiiwasan.
Ang pagkakaroon ng mabuting pakikitungo ng magkakapatid sa isa’t isa ay
makatutulong sa pagkamit ng maayos na pakikitungo at ugnayan sa iba.

6. Tungkulin bilang Mag-aaral
 Ang pagtuntong sa mataas na paaralan ay nangangahulugan ng pagharap
sa mga bagong karanasan, karagdagang kaalaman, at mas malawak na
kakayahan na siyang maaaring maging batayan ng mararating ng mag-
aaral sa hinaharap. Nakasalalay sa kaniyang mga kamay ang paghahanda
at pagpapaunlad ng kaniyang sarili na magbibigay ng karagdagang
kabuluhan sa kaniyang buhay.

7. Tungkulin sa Sariling Pamayanan
 Bawat kasapi ng pamayanan ay may mga tungkuling kailangan gampanan para sa kapakanan
ng lahat.
a. Pangalagaan nang maayos ang pamayanan.
b. Makibahagi sa mga gawaing pampamayanan.
c. Magkaroon ng pagkukusang maglingkod.
d. Maging mulat sa pangangailangan at suliranin ng ibang tao sa pamayanan upang maiparating
sa mga kinauukulan.
e. Makibahagi sa kampanya upang tulungan ang pamahalaan, paaralan, at iba’t ibang samahan
sa kanilang mga proyekto.

8. Tungkulin bilang Mananampalataya
 Bagama’t may kani-kaniyang pananampalataya ang bawat isa, lahat ay
may tungkuling magbigay pasasalamat at pag-aalay sa mga biyayang
natatamasa. Mainam din ang pananalangin sa bawat gawin upang
makamit ang paggabay mula sa Maykapal.

9. Tungkulin bilang Konsyumer ng Media
 Napakahalagang gamitin ng bawat konsyumer, lalo na ng mga tinedyer,
ang mapanuring pag-iisip o critical thinking sa pagbili, pagtangkilik, at
paggamit ng mga modernong bagay at produkto, maging ng mga
kaalaman na matatagpuan sa Internet.

10. Tungkulin sa Kalikasan
 Bawat isa, kabilang na ang mga kabataan, ay may tungkuling pangalagaan
at protektahan ang kalikasan. Ito ay maisasagawa lamang sa
pamamagitan ng pagtutulungan at pagkakaisa.