1. Departamento de Matemáticas C.P.I. Virxe da Cela
Título da actividade UN MUNDO DESIGUAL
Descrición: A actividade consiste en apreciar as grandes diferencias de renda duns
países con respecto a outros, e como esto marca a diferencia entre a vida e a morte.
A situación de desenvolvemento dos países non é un feito aislado senon que ten que ver
coas relacións Norte-Sur.Trátase de reflexionar sobre a pobreza (onde está, a quen
afecta...) e analizar algunhas das súas causas e consecuencias, especialmente no
continente africano.
Desenvolvemento da actividade:
A actividade consiste en a partir dunhas táboas de datos onde están reflectidas as
porcentaxes sobre a producción mundial de diversos países e a súa poboación, calcular a
porcentaxe de poboación sobre o total. De seguido, facer un diagrama de sectores onde
quede clara a devandita situación.
Nunha segunda tabla de datos preséntanse os países con maior e menor Renta per
Cápita. Fanse unhas preguntas e compáranse as diferencias entre uns e outros países
para chegar a conclusión do desigual que está o mundo e que o único que pode acabar
coa fame no mundo é a Axuda Oficial ao Desenvolvemento (A.O.D.) pois se produce
comida máis que suficiente para alimentar a toda a Humanidade.
Noutra actividade tamén se estudia o crecemento da población mundial por continentes
e por países.
Estas actividades foron desenvoltas por parellas en dúas sesións de clase.
Noutra sesión e xa individualmente o alumnado accede a páxina da O.N.G. Save the
Children e se lle plantexa a actividade “A LOTERÍA DA VIDA” .
Cada día 360000 nenos veñen ao mundo.Mais de 1200 nacementos prodúcense en
España.A probabilidade de nacer en España é 0.33%.Se tiveses outra oportunidade,
onde nacerías?,como sería a túa vida?
A partir desta actividade o alumnado ten que facer un traballo onde se recollan diversas
porcentaxes nese país. Tamén cal é a súa bandeira e as porcentaxes das diversas cores
nela.
Relacionado coas bandeiras móstraselles o traballo fotográfico de Icaro Doria, un artista
brasileño residente en Portugal, que publicou na revista "Grande Reportagem" (Lisboa)
este maravilloso traballo infográfico con banderas de 8 países. Tomando as bandeiras de
Somalia, Angola, Brasil, Burkina Faso, China, Colombia, a Unión Europea e Estados
Unidos, e traballando sobre os elementos que conteñen (estrelas, por exemplo) e cores,
investigaron ata atopar certos valores que se adecuaban aos devanditos tamaños.