Adiviñas e refráns acerca da celebración do San Martino.

3. Non chas quero, non chas quero,
castañas do teu magosto;
non chas quero, non chas quero,
que me cheiran ó chamosco.

4. Acabáronse as vendimas
e veñen as esfolladas,
para comer coas meniñas
catro castañas asadas

5. A castaña no ourizo
quixo rir e rebentou.
Caeu do castiro abaixo
mira que golpe levou.

6. Moza que estás no canizo,
bota castañas embaixo,
que anque non teño mandil
apáñochas co refaixo.

7. —Miña nai, doime a barriga.
—Miña filla, confesión.
As castañas que comiches,
de que castiñeiro son?

8. As castañas son castañas,
os ourizos son ourizos;
os ollos da túa cara
para min son dous feitizos.

9. Por San Martiño
faise o magosto,
con castañas asadas
e viño ou mosto

10. Castañas,
dóces e viño
fan as ledicias
do San Martiño

11. Has de cantar
que che hei de dar zonchos;
has de cantar
que che hei de dar moitos;
has de cantar e has de cantar,
has de cantar
que chos hei de dar.

12. As castañas ben se comen,
o viño vaise bebendo;
o cariño vai entrando
e a honra vaise perdendo...

14. Que cousa cousiña é
que pica moito por fóra
e por dentro sabe ben?

15. Alto Martín Cabaleiro
rompeume a bolsa
e perdín o diñeiro.

16. Alto me vexo
no meu lugarexo.
Por unha risada
perdín a miña anada.

17. Que cousa cousiña é
que pica moito por fóra
e por dentro sabe ben?

18. Unha cousiña cousa,
criada no monte,
enxoita na casa
e cómese sen tasa

19. Son verde e non son limón,
son moura e non son carbón,
son vermella e non son sangue,
son branca e non son papel,
Que cousa cousiña son?

20. Ten pelexo como a xente
e é moi boa para comer.
Chega polos mes de Santos
e todo o ano a tes.

21. Cal é a cousa,cal é ela,
ten tres capas de inverno:
a primeira mete medo,
a segunda é lustrosa
e a terceira é amargosa?

22. Eu nacín dentro dun berce,
onde ninguén tocar ousaba:
quen puña a man non tornaba...
Entre cidades e cortes
me desexan ver crecida,
e as mulleres preguizosas
comigo gañan a vida.

23. Son verde e non son limón,
son moura e non son carbón,
son vermella e non son sangue,
son branca e non son papel,
Que cousa cousiña son?

24. Alto vivo,
mírame a xente
e se me río
quedo sen dente.

26. Polo San Martiño,
castañas e viño

27. Castañas, noces e viño,
fan a ledicia do San Martiño.

28. Polo San Martiño
faise o magosto,
con castañas asadas
e viño ou mosto

29. Polo San Martiño,
deixa a auga,
come castañas
e bebe o viño.

30. Fíate das castañas asadas,
que se estoupan sairanche á cara

31. Con castañas asadas
e sardiñas salgadas
non hai viño ruín

32. As castañas que despois do
San Martiño
quedan no souto,
son do moucho

33. Se xantas castañas,
de visita non vaias

34. Tan honrado é o caldo
coma as castañas!

35. A castaña
que está no camiño
é do veciño