1. UNITATE DIDAKTIKOA
1. Izenburua
Unibertsoa Argitzen
2. Sarrera
2.1. Justifikazioa
Haurrengan interes handia pizten duen gai bat unibertsoa dela iruditzen zaigu.
Hasieran, beraien gertuko mundua ezagutzen dute eta guk harago joan nahi izan
dugu mundu ezezagun hori ezagutu dezaten. Interes handia pizten duen arren,
ahalik eta modu dinamikoenean egiten saiatu behar gara jarduera horiek,
motibazioa gal ez dezaten.
2.2.
Kokapena
Jarduera hauek lehen hezkuntzako bigarren ziklorako pentsatuta egin ditugu,
bertan lantzen dutelako lehen aldiz unibertsoaren gaia eta gerturapen hori egiteko
jarduera hauek egokiak iruditu zaizkigu.
Guztira 3 jarduerako lana egin beharko dute, bi saioetan banatuta. Hasierako
klasean, unibertsoaren inguruko informazioa bilatu beharko dute eta bigarrenean
jarduera sinple hauek izango dituzte ulertu dutena plasmatu ahal izateko.
Horretarako, ondorengo esteka edukiko dute liburuan dutenarekin beraien
hausnarketa osatu ahal izateko eta jarduerak modu egoki batean bukatu ahal
izateko.
http://www.calameo.com/read/001347524d912564c663b
3. Metodologia
Espazioaren antolakuntzari dagokionez, ikastolaren araberakoa izango da.
Ikasle bakoitzak ordenagailu bat eduki badezake, banakako lana izan daiteke eta iristen
ez bada, binaka egiteko aukera ere ematen du jarduera honek. Ondoren, denon artean
komentatu dezakete bakoitzak egin dituen akatsak eta bertan irakasleak parte har
dezake eta ikasleen motibazioa bultzatzeko metodoak erabili.
Denboraren aldetik, lehen esan dugun bezala bi klasetan banatuko genituzke
jarduera hauek, 50 minutuko klaseak izango direla kontutan hartuta. Lehen klasean
esteka horretako informazioa arakatuko dute eta irakasleak esku hartu dezake ikasleen
dudak argitzeko orduan. Hurrengo klase orduan horri buruzko jarduerak egiteko gai
izango dira eta horri ekingo diote.
Beharrezko materiala, ordenagailuak izango dira. Esanda bezala, batzuetan
ordenagailu nahikoak egongo ez direnez, taldeka egin ditzakete jarduera hauek.
4. Konpetentziak
Konpetentzia komunikazio linguistikoan:
Ariketa gehienak ikustezkoak dira eta hizkuntza maila handirik ez dute
eskatzen. Hala ere, hitz teknikoen ezagutza eskatzen da eta baita
zuzentasun ortografikoa ere. Euskararen ulermenean ere maila minimo
bat eskatzen da, altua ez bada ere, esaldiak ondo ulertu ditzaten.
Konpetentzia mundu fisikoaren ezagutzan eta interakzioan:
2. Unibertsoaren gaia jorratzen dute lehenengo aldiz etapa honetan.
Hortaz jarduera hauei esker planeta honetatik harago dagoen mundua
ezagutzeko aukera edukiko dute.
Konpetentzia digitala eta informazioaren tratamenduan:
Jarduerak plataforma digital batean daude, eta beraz, ordenagailuko
elementu oinarrizkoenak, sagua eta teklatua bezala, erabiltzen jakin
beharko dute. Gainera, ariketa batzuk denbora limite bat dute, eta
beraz azkartasunez eta zuzentasunez hauek erabiltzea eskatzen du.
5. Helburuak
-Planeten izenak ezagutzea hauen irudia bakarrik ikusiz.
-Planeten ordena ezagutzea hauen irudia bakarrik ikusiz.
-Planeten ezaugarri bereizgarriak ezagutu bakoitza dagokionarekin elkartuz.
-Ordenagailuko elementuen erabilpen zuzen bat egitea plataforma digitala erabiliz.
-Internet erabili testu liburuko informazioarekin parekatuz eta gehituz.
6. Edukiak
6.1. Kontzeptuzkoak
-Planetak: Euren izenak, kokapena eta ezaugarriak
6.2.
Prozedurazkoak
-Ordenagailua erabiliz, erantzunak ematen jakitea
-Internet eta testu liburuko informazioa kudeatzen jakitea.
6.3.
Jarrerazkoak
-Interesa eta egiteko gogoa adieraztea.
-Jarrera kritikoa edukitzea.
-Antolamenduz jardutea.
7. Ebaluazio irizpideak
Plataformak berak eskaintzen du zuzendu eta ebaluatze datuak.
8. Jardueraren informazioa eta esteka
a) IKT maila/fasea
Tarteko maila: Berariazko edukiak lantzeko programa itxiak erabiltzea
(JClick).
Berariazko edukiak lantzeko programa irekiak erabiltzea (testu-prozesadoreak,
datu-baseak, kalkulu-orriak, edizio multimediarako tresnak, etab.).
b) Tipologia
Ikasketa objektua: Funtzionalki, berariazko funtzio didaktikoa duen maila
baxuena da. Objektu honek ikas-jarduera bat edo batzuk eta ebaluazioirizpideak jasotzen ditu, bai eta, aukerako moduan, mapa kontzeptuala(k)
edota aurretiazko ezagutzaren ebaluazio-sistemak ere. Gutxi gorabeherako
curriculum-estaldura ikasturte edo ziklo jakin baten ezagutza-bloke batekoa
edo hainbatekoa da.
c) Orientabide didaktikoa
Ikasketa-objektuen sailkapena: Esplorazio-jarduera eta ebaluazio-jarduera.
Multzokatzea: Banakakoa.
Formatu teknikoa: Konprimitua.
