1. As redes sociais son una importante ferramenta para o traballo nas aulas. Como
mestre de Educación Especial – Pedagoxía Terapéutica traballo cuns alumnos cunhas
características moi diferenciadas e unha necesidades específicas de apoio educativo moi
personalizadas. Grazas a estas redes como docente podo entrar en foros para intercambiar
impresións e buscar solución novas ás necesidades que cada día presentan os meus
alumnos tanto a través dos foros como do correo interno cos meus compañeiros de
especialidade.
Coa publicación de vídeos que recollan os traballos desenvolvidos nos distintos
Centros, e compartindo a documentación e recursos cos que traballamos enriquecemos o
noso traballo e melloramos a calidade do ensino.
En canto a participación dos alumnos, esta virá dada polo grado da súa
disposición e capacidade de creación, pero temos unha ferramenta óptima e motivadora
para acadala.
Paréceme moi interesante a formación de grupos de traballo específicos da miña
especialidade, e tamén incorporar a estes a outros especialistas e profesionais de outras
ramas, especialmente da sanidade ou do persoal non docente, concretamente será moi
interesante contar coa colaboración e experiencia dos Coidadores ou Auxiliares
Coidadores, e entre todos poder optimizar o noso traballo e dar unha mellor atención aos
nosos alumnos.