Caza do tesouro. Do Pardo de Cela histórico ao Mariscal de R. Cabanillas.
1. CAZA DO TESOURO
TÍTULO: "DO PEDRO PARDO DE CELA HISTÓRICO A O MARISCAL DE RAMÓN CABANILLAS"
ÁREA INTERDISCIPLINAR: LINGUA E LITERATURA GALEGAS E CIENCIAS SOCIAIS
NIVEL: 4º DE ESO
AUTOR: XESÚS AMBOAXE GARCÍA
2. AVALIACIÓN.
PUNTUACIÓN TOTAL : 10 PUNTOS
RESPOSTAS ÁS PREGUNTAS DE LOCALIZAR INFORMACIÓN E CONTRASTALA: 3 PUNTOS
RESPOSTAS ÁS PREGUNTAS DE RESUMIR E CONTRASTAR: 3 PUNTOS
RESPOSTA Á GRAN PREGUNTA: 4 PUNTOS.
3. 1. INTRODUCIÓN:
O poeta cambadés Ramón Cabanillas publicou unha peza teatral en verso titulada O mariscal. Esta obra está baseada nun suceso histórico cuxo protagonista foi un controvertido nobre galego do século XV chamado Pedro Pardo de Cela, que ostentaba o cargo militar de mariscal, de aí o título da obra. Este mantivo un enfrontamento coa coroa de Castela que o levou a ser condenado a morte. Tras o seu pasamento, a súa figura converteuse en obxecto de cantares populares e lendas que o enxalzaron como un mártir vítima das ansias de poder da monarquía castelá e das intrigas palacianas dos señores feudais do tardo medievo. Pero, que hai de certo en todo isto? A través desta caza do tesouro vas pescudar en distintas páxinas web sobre a figura histórica de Pedro Pardo de Cela, mais tamén sobre Ramón Cabanillas e o seu drama histórico O mariscal.
4. 2. PREGUNTAS (SEGUNDO A DESTREZA QUE SE PRETENDE TRABALLAR) E RECURSOS WEB:
DESTREZAS
PREGUNTAS
RECURSOS
LOCALIZAR
E
CONTRASTAR
1. Durante un tempo, R. Cabanillas emigrou a América, onde publicou parte da súa obra en galego. A que país emigrou e que libros publicou alá?
2. O noso autor estaba vivindo nese país cando publicou a peza teatral O mariscal?
3. Cita varios organismos culturais galeguistas nos que participou Cabanillas á súa volta a Galicia.
4. Que outro escritor colaborou con el para a redacción da obra O mariscal? Indica unha foto incluída na presentación de María Asorey que o demostre.
5. Cando e onde se estreou a obra e baixo que formato teatral? Para a estrea tivo a colaboración de....
1. Debes consultar a páxina da Biblioteca Virtual Galega:
http://bvg.udc.es/ficha_autor.jsp?id=RamCaban&alias= Ram%F3n+Cabanillas&solapa=biografia
2 e 3. Tamén te podes basear na Presentación de María Asorey sobre o autor:
http://www.slideshare.net/mariasorey/ramn-cabanillas- 5712630?from=ss_embed
4 e 5. Podes buscar información na páxina de Galipedia dedicada a O mariscal:
http://gl.wikipedia.org/wiki/O_Mariscal
4 e 5. Completa a información coa páxina de Galipedia sobre Ramón Cabanillas:
http://gl.wikipedia.org/wiki/Ram%C3%B3n_Cabanillas
5. RESUMIR
E CONTRASTAR
6. Na escena representada polo Centro Dramático Galego que che propomos nos recursos aparecen Pardo de Cela e o seu fillo falando dalgúns personaxes históricos: Mudarra, o bispo de Mondoñedo e o Conde de Lemos. Resume brevemente a súa relación con Pardo de Cela e cos feitos que se contan na obra.
7. Logo, resume o contido da conversa entre Pardo de Cela e os asistentes á reunión que se representa nesa escena.
8. Busca información sobre a relación familiar que existía entre Pardo de Cela e Isabel A Católica. Cales eran as razóns que os enfrontaban segundo se conta na páxina de galipedia que propomos nos recursos? Contrasta esta información co que se di no vídeo de "Historias de Galicia".
9. Resume o contido das lendas que se crearon arredor da figura de Pardo de Cela tras a súa decapitación. Isto explícase ben tanto na Galipedia como no vídeo "Historias de Galicia":
-A ponte do Pasatempo
-A cabeza do Mariscal
-A traizón dos seus criados
6, 8 e 9. A páxina de galipedia sobre Pedro Pardo de Cela ofrece a información necesaria para resolver estas cuestións:
http://gl.wikipedia.org/wiki/Pardo_de_Cela
Esta información debes contrastala co que se conta de Pardo de Cela neste capítulo da serie televisiva "Historias de Galicia", da TVG:
http://www.youtube.com/watch?v=GCMYIQ3Czss
7. Debes visionar esta escena dunha representación que fixo o CDG da obra:
http://www.youtube.com/watch?v=gItlXwPdzj4
6. REFLEXIONAR
10. Despois de visionar a escena representada polo CDG e o vídeo de "Historias de Galicia", pon por escrito as túas reflexións sobre:
-Pódese dicir que nesa escena Pardo de Cela se retrata como un heroe. Que características del que aparecen nesa escena o xustifican?
-Por que cres que Cabanillas decidiu que O mariscal fose un drama escrito en verso? Para responderes, lembra outros textos similares que forman parte da súa tradición noutras linguas: A Ilíada, El cantar de Mio Cid
-Por que cres que o Centro Dramático Galego decidiu representar esta obra con monicreques e non con actores e actrices de carne e óso?
3. A GRAN PREGUNTA.
Imos deixarlle a palabra ao locutor do vídeo da serie "Historias de Galicia" que, nun momento da súa exposición, se fai a seguinte GRAN PREGUNTA: Pardo de Cela foi un mártir da patria galega ou unha vítima dos seus propios abusos? Quizais ti teñas xa unha resposta para esta pregunta, así que partindo da reflexión que che suxira a ti toda a información que fuches procesando, procura profundizar na constestación, fuxindo de simplificacións superficiais. Aplica os coñecementos que tes sobre as Irmandades da Fala e a papel nelas de Ramón Cabanillas.