1. FARO DE VIGO
Sábado, 5 de marzo de 2011
CAIXA POSTAL
Prospecto:
“Os
trobadores
de Occitania”
Chega ao fondo dos es-
pellos o libro cuxo título
serve de título a esta nota.
O seu autor é Darío Xohán
Cabana. Durante 632 páxi-
nas, el diserta e dá doutri-
na verbo da poesía occita-
na da Idade Media, que é
o acordar das sombras á
luz do laicismo e da bele-
za só humana e natural. E
ofrécenos o texto orixinal,
críticamente establecido,
dos versos de todos os tro-
badores de Occitania. Co-
meza co señor xenio que
abre o mundo da poesía
europea ao seu propio ser:
o duque Guilhem de Pei-
teus ou Guillerme de Aqui-
tania. Darío Xohán Caba-
na exerce de filólogo e fai
lecturas propias dos troba-
dores occitanos. Á esquer-
da do texto orixinal, pon
unha traducción literal ao
galego. Á dereita, a redac-
ción do poeta Darío
Xohán Cabana en verso ri-
mado e medido en lingua
nosa.
Realmente, o libro re-
sulta un portento.Por cima
e polas beiras da nosa
poesía trovadoresca, e da
dos franceses propiamen-
te ditos,e da dos sicilianos
e alemáns, está o corpus
básico da poesía de Occi-
tania. Por primeira vez a
poesía occitana, que tanto
se dixo ter que ver coa de
nosoutros, aparece aí, ao
alcance da man, facilitada
e explicada aos galegos
nun prólogo e nuns esco-
lios innovadores e dota-
dos de graza, de sal políti-
co, de fondura, de sabedo-
ría filolóxica e de talento
creador.
De xeito que: Darío
Xohán Cabana, Os troba-
dores de Occitania, Edi-
cións da Coruxa (a nosa
voz entenden), número
un, Lugo 2011. Isto só é un
aviso ou un prospecto. En
semanas que virán iremos
tratando da obra pois con-
sideramos que constitúe
un acontecemento ex-
traordinario da nosa cultu-
ra.
Todos aqueles que quixeren colaborar
coa súa opinión en NO FONDO DOS
ESPELLOS poden escribir por correo or-
dinario a:
X. L. Méndez Ferrín
FARO DE VIGO
Rúa Uruguay, 10-A
Aptdo. Correos, 91. VIGO