1_Actividad 1-Awanachik kawsayniyqun_5d967192c7dd7462afcd5eb8912bdc6f.pdf
- 1. Awanachik kawsayniyqun
Mamay Patricia Rinza Kañarismanta
parlamanchik awananchikkunaqa
kawsayniyqun nuqanchik yupay kwirpuyqun,
cakiyqun, nawiyqun, kiruyqun, wanuyniyqun,
nimanchik, chay unaykunaqa ayllunta yupay
munaqkashallapa, llakiqkashallapa. Chayshi
mana ratachinchikchu iti wamrata yupay
marqakurla purichinchik.
Manashi awaq qallarichirnaqa curakunchikchu,
mana anantaqa canqakurqa rishunchu chayshi
awanaqa wanun, awanata qallarichinapaqqa
rupay iqamunanman chutanchik, chayshi
mana chullayanchu kusa shumaqta awakar rin,
awakuyarpis mana paylata chutarachirqa dijanchikchu manaqa kuchaka
rikarimur awatin manana unayla awakanchu ashunpis limpu chullayar rin.
Awana tukukar riqpiqa ministinchi ñaqsata, chaymi ñaqsar ñaqsarna
apanchik, limpu nawinman carnaqa kusa shumaqlana awanchik
aysanawan kusa shumaqlana apanchik, chaynu shumaqla tukuchinchik
nuqanchikwanna purinanpaq.
Chaynumi awana racapanchikkunapis kawsayniyqun payqa
washamanchik, purichimanchik, kawsachimanchik, rusas awanamataqa
wasinchikpi curanchik nuqanchik maykunata purirmapis pullakur
purichinchik, chayshi riqchaq saqra yakukunamanta, qaqakunamanta,
ayakunamanta, washamanchik, allin purinapaq, shumaq kawsanapaq.
EXPERIENCIA DE APRENDIZAJE 4 | V CICLO
Tapuykunata Rimachiy:
• ¿Imapaqtaq awananchikqa kawsayniyqun kanqa?
• ¿Allinchu kanqa unay awanakunata yarpur
rikachikuyqa? ¿Imapaqna?
• ¿Imakunatataq yacanki rusas awanapaqqa?
• ¿Imatataq yarpunki kay liyina nimayanchik
chaypaqqa? Allinchu kanqa manachu ¿imapaqna?
Texto 2