1. 2015.2016 ikasturtea Larraulgo Eskolako Guraso Bilera 1
GELA BILERA- 2015-2016 IKASTURTEA - LARRAUL
IKASTURTEKO TALDEKATZEA eta IRAKASLERIA
Ikasturte honetan eskolak ondorengo ikastaldeak ditu:
Haur Hezkuntza 7 ikasle: tutorea, Maialen Gorosabel Arrieta
Lehen Hezkuntza “txikiak” 10 ikasle: tutorea Josune Eizmendi Manterola
Lehen Hezkuntza “zaharrenak” 7 ikasle: tutorea Koldo Rabadan Izagirre
GAINERAKO IRAKASLEAK
• Heziketa fisikoa: Vanessa Lopez Varela
• Ingelera: Amaia Domingez Landa
• Musika: Aitor Atxega Zubikarai
ESKOLAKO HELBURUAK
• Eskolako eguneroko funtzionamenduan ikasleriaren eta gurasoen parte hartzea
areagotzea.
• Eskolako hizkuntza komunitatea aztertu eta ikasgeletan zein eskola inguruko
esparruetan izango ditugun hizkuntza-harremanei buruzko gogoeta burutu eta
irizpide batzuk jartzea.
• “Guztion artean guztion eskola” hezkuntza ildoari bultzada bat ematea.
SAIOEN, ORDUTEGIEN ETA ESPAZIOEN ANTOLAKETA NAGUSIA
Ikastalde bakoitzak erreferentziazko ikasgela bat edukiko badu ere, lanerako
erabiliko dugun dinamika dela eta ikasgelak une askotan konpartitu egingo dira.
Goizetan ikasleak erreferentziazko geletan arituko dira gehienetan, hala ere,
zenbaitetan taldekatze malgua erabiliko dugu helburuen arabera erabakiko dugularik
non eta nola aritu.
Aurrekoaren harira, ordutegi batzuk finkoak izango ditugu, baina, bereziki
arratsaldetan curriculum lanketa malgua burutuko dugu.
IKASTURTEKO HELBURU NAGUSIAK
TAILER TEMATIKOAK
Adin desberdinetako ikasleen arteko elkar lana sustatzea, ikasle bakoitzaren
interesei erantzutea, norbere proiektu bat ekimenez aurrera ateratzea eta gaitasun
desberdinak garatzea dira helburu nagusiak.
ARTE HEZKUNTZA
Adin desberdinetako ikasleak nahastuta eta bi taldetan banaturik, arte
adierazpen desberdinak lantzea izango da helburu nagusia. Horrez gain sormenez eta
erantzukizunez aritzea bultzatuko da.
BERTSO EGITASMOA
LHko handien taldean, ikastetxe ugaritan ematen den BERTSO EGITASMOA
abian jarri eta Euskarako Curriculumaren eduki garrantzitsua den ahozkotasuna
lantzea eta euskal kultur adierazpen batean murgiltzea dira helburu nagusiak.
2. 2015.2016 ikasturtea Larraulgo Eskolako Guraso Bilera 2
IRTEERAK, EKINTZA OSAGARRIAK eta BESTE JARDUERAK
Antolatu ditugun ekintza osagarriak ikasleen arteko harremanak sustatzekoak,
herri ingurua ezagutzeko aukera ematen dutenak, lantzen ari garen gaiari loturikoak
eta jai giroko ekintzak dira.
Ikasturte honetan jai giroko ekintzak Larraulen bakarrik ospatzea planteatzen
dugu, eta, horrela jaso dugu UPean; antolaketa mailan eta ekintzen txertaketan
dauden zailtasunek eraman gaituzte erabaki hau hartzea. Esan beharrik ez dago une
jakin batean- egoeraren arabera- gaia berraztertzeko aukera irekia geratzen dela.
Antzerki Foroa: Asteasuko 5.mailako ikasleekin batera Baketik taldearen eskutik
eskoletan lantzen den gatazken inguruko antzerki foroan parte hartuko du LHko
zaharren taldeak.
Ikasturte honetan LHko ikasle guztiekin ikasturte hasieran bi eguneko egonaldi bat
egitea erabaki dugu; ikasle-irakasle harremanetan sakondu eta aldi berean mendi
inguruak eta leizeko bisitak eskaintzen dituen aukerak aprobetxatzeko.
Ikasturte bukaeran itsasaldeko herriren batean beste bi egunetako irteera
burutzeko aukera ere UPn onartua utzi dugu. Aurrerago erabakiko dugu burutu ala
ez.
Baikarako ikastaroak: Aurreko ikasturtean bezala ikasleek BAIKARAk jorratutako
formazio saio batzuk jasoko dituzte; saio hauen helburua ikasleen arteko
harremana sendotzea eta gatazkak elkarrizketa bitartez konpontzen trebatzea
izango da.
1. ziklokoek igeriketa ikastaroa izango dute urriaren 23tik abenduaren 18ra.
Eskola Txikietako kirol Topaketetan parte hartuko dugu udaberri aldera.
Herri inguruko txangoak egingo ditugu ondarea eta inguruko natur baliabideak
aztertzeko.
Eskalada ikastaroan parte hartuko dute 2.mailatik 6.mailara bitartekoak.
Bi egunetako egonaldia egingo dugu LHko ikasleekin Nafarroako Astitzen,
harremanak sendotzeko, ingurua ezagutu eta Mendukiloko kobak ikusteko.
Ordiziara joango gara Delikatuz zentroko tailerretan parte hartzera elikadura
orekatua eta jasangarria).
Erromatarren museora eta Arditurriko meategiak ikustera joango gara EHko
historiaren adierazpen garrantzitsuak ikustera.
Eureka Zientzia Museora joango gara museoko atal jakin bateko edukiak lantzera.
Donostiara joango gara bertako eraikinak eta zerbitzuak aztertzera.
Ikasturtean zehar ingurua behatzeko eta ezagutzeko ibilbideak egingo ditugi.
JAI GIROKO EKINTZAK:
Udazkeneko festa San Martin inguruan
Kultur Asteko ekitaldiak
Euskararen eguna, abenduak 3
Santa Ageda bezpera, otsailak 4
Inauteriak, otsailak 5
Museoen Eguna
3. 2015.2016 ikasturtea Larraulgo Eskolako Guraso Bilera 3
GURASO ZEIN IKASLEENTZAT “ETXERAKO LANAK”
Eguneroko jardunaren jarraipena: Seme-alabei eskolako jardueraz galdetzea,
bere ezagutzak aintzat hartzea, elkar bizitzako gorabeheraz hitz egitea, bere
sentimenduak eta iritziak adierazten laguntzea, etab. Honekin batera, etxera
eramaten duten materialaren jarraipena egitea: eskolako oharrak, liburuak,
soinketaren motxilaren prestaketa, informazioa, lan jakin bat bukatzea, lan
koadernoko lanen bat osatzea, agendari erreparatzea, etab.
Irakurketa. Irakurtzeko ohitura bultzatu eta irakurtzen ikasteko prozesuan
laguntza ematea (zer jartzen du? Idatzi ezazu halako… kaleko txartelak,
errepideetakoak, letra mota desberdinak…). Astean behin herriko liburutegitik
eramaten duten liburua aprobetxatu beraiekin irakurtzeko, eta arduratu liburua
bueltan eskolara ekar dezaten.
“Eguneroko matematikak” Matematikarekin loturiko edukiak
egunerokotasunarekin lotzeko ohitura bultzatzea: noizbehinka erosketak elkarrekin
egin eta gauzen balioaz jabearazi, neurketa sinpleak burutu (gutxi gora-beherakoa),
distantzia eta denbora ohizko ibilbide eta jardueretan, kartetan aritu, diruaren
erabilera, etab
Ordenagailua jarduerak errepasatzeko, informazioa lortzeko eta idazteko
erabiltzera bultzatzen ahalegintzea gomendatzen dugu; bereziki teklatuaren erabilera.
Horrekin betera gogorarazi nahi dizuegu adin honetan, internetaren erabilera
gainbegiratzea komenigarria dela.
Puntualitatea. Ikasleak eskolara ordurako iristea garrantzitsua da, horrela ez
bada gertatzen, lanari ekitea askoz neketsuagoa eta zailagoa gertatzeaz gain, talde
osoari eragiten dio.
Hutsegiteak. Idatziz ekarri huts egitearen data, ikaslearen izen abizenak, eta
zergatia. Osasun mailako berezitasunak daudenean tutorea jakinaren gainean jarri.
Agenda dutenek, agendan idaztea aukera egokia da.
Hamaiketakoak eta urtebetetzetan ekartzen dutenak neurrikoa eta osasuntsua
izan behar du. Ikasle bakoitzak bere ikastalderako ekartzea nahikoa da.
Soinketarako ekarri beharrekoa: kirol arropa, kirola egiteko zapatilak, aldatzeko
kamiseta eta lehortzeko toaila txiki bat. 3.mailatik 6.mailara bitarteko ikasleak astean
behin dutxatuko dira, beraz, horretarako beharrezkoa dena ekarri behar dute.
Gaixotasun edo lesioei buruzko oharrak: ikaslea gaixo edo lesionaturik egonez
gero irakasleari jakinarazi beharko zaio: gurasoak edo medikuak idatziriko ohar baten
bidez. Bertan zehaztu beharko da zer duen, eta saioa egiteko prest dagoen ala ez.
Saioa egitea erabakitzen baduzue, aurrez aipaturiko garbitasun baldintzak (kamiseta
aldatzea eta toailatxoa) ekarri beharko dituzte.
Ikaslea gaixo dagoenean, eta posible den heinean, ikaslea, saioak ikusten edo
laguntzen egongo da. Igeriketa:. Igeriketako ikastaroa 1.ziklokoek bakarrik egingo dute.
Ikastaroak dirauen bitartean ordutegiak aldaketa batzuk izango ditu.
4. 2015.2016 ikasturtea Larraulgo Eskolako Guraso Bilera 4
EBALUAZIO eta IKASLEEN JARRAIPENERAKO BILERAK:
HHkoekin bi bilera egingo dira eta LHkoekin hiru.
Txosten idatzia HHn ikasturte bukaeran jasoko dute eta LHn hiruhileko
bakoitzaren bukaeran.
Horrez gain, gogoratu nahi izanez gero irakasleok prest egongo garela
beharrezkoa ikusten duzuenetan zuekin biltzeko, eta, guk ere deituko zaituztegula
komenigarria iritziz gero.
Larraulen, 2015eko irailaren 25a
