5. Tlhalošo ya Mehuta ya
Madiri.
1. Lediredi: Ke lediri leo le šomišwago go
laetša gore mošomo wo o dirwago o direlwa
yo mongwe, lediri leo le tšwelela ka
moselana wa -el- goba wa -etš- pele ga -a
ya mafelelo.
Mohlala: Ya go tšweletša moselana wa -el-;
Ja> Jela.
Bina> Binela.
6. Madiri ao a felelago ka noko ya -ya, ge go
hlomesetšwa mosela wa lediredi wa -el- pele ga
-a ya mafelelo, -y- e a timelela:
Mohlala: Bolaya> Bolayela> Bolaela.
Swaya> Swayela> Swaela.
Ya go tšweletša moselana wa -etš-;
Bitša> Biletša.
Senya> Senyetša.
7. 2. Ledirani: Ke lediri leo le šomišwago
go laetša dilo goba batho ba babedi
bao ba diranago se sengwe, gantši
tirano yeo e tšweletšwa ke moselana
wa -an-.
Mohlala: Hlaba> Hlabana.
Kgomo go hlabana tša šaka le tee.
8. 3. Lephethi: Ke lediri leo le lego ka
lebaka leo le fetilego, gantši le
tšweletša ke moselana wa -ile mo
lediring sebakeng sa -a ya
mafelelo.
Mohlala: Loma> Lomile.
Reka> Rekile.
Lapa> Lapile.
9. 4. Lediraki: ke lediri leo le laetšago
gore seo se dirwago se ka tiišetšo le
ka maatla a go senya goba a go
kweša bohloko, gomme le šomiša
moselana wa -aka. Nako ye nngwe
le moselana wa -akanya o a
šomišwa.
Mohlala: roga> rogaka> rogakanya.
gata> gataka> gatakanya.
a
10. Mošongwana.
Tšweletša mehlala ya madiri
yeo e tšwelelago go phazele
yeo e latelago, gomme o
ngwale gore e wela go
mohuta ofe wa lediri. O ka
diriša mokgwa wa tafolana go
tšweletša mehlala ya gao.