1. 10 de xaneiro de 2010 Bautismo do Señor (C) Lucas 3, 15-16. 21.22 Rede evanxelizadora BOAS NOVAS Contribúe a reavivar o Espírito de Xesús. Pásao. José Antonio Pagola NOVA ESPIRITUALIDADE Música:Baby-Beatles-Yesterday Present: B.Areskurrinaga HC ; Euskaraz: D. Amundarain
2. "Espiritualidade" é unha palabra desafortunada. Para moitos só pode significar algo inútil, afastado da vida real. Para que pode servir? O que interesa é o concreto e práctico, o material, non o espiritual.
3. Non obstante, o "espírito" dunha persoa é algo valorado na sociedade moderna, pois indica o máis fondo e decisivo da súa vida: a paixón que a anima, a súa inspiración última, o que contaxia os demais, o que esa persoa vai poñendo no mundo.
4. O espírito alenta os nosos proxectos e compromisos, configura o noso horizonte de valores e a nosa esperanza. Segundo sexa o noso espírito, así será a nosa espiritualidade. E así será tamén a nosa relixión e a nosa vida enteira.
5. Os textos que nos deixaron os primeiros cristiáns amósannos que viviron a súa fe en Xesucristo como un forte "movemento espiritual". Síntense habitados polo Espírito de Xesús.
6. Só é cristián quen foi bautizado con ese Espírito. «O que non ten o Espírito de Cristo non lle pertence ». Animados por ese Espírito, viven todo de maneira nova.
7. O primero que cambia radicalmente é a súa experiencia de Deus. Non viven xa con « espírito de escravos », angustiados polo medo a Deus, senón con « espírito de fillos » que se senten amados de maneira incondicional e sen límites por un Pai.
8. O Espírito de Xesús fainos gritar no fondo do seu corazón: Abbá, Pai! Esta experiencia é o primeiro que todos deberían encontrar nas comunidades de Xesús.
9. Cambia tamén a súa maneira de vivir a relixión. Xa non se senten « prisioneros da lei », as normas e os preceptos, senón liberados polo amor.
10. Ahora coñecen o que é vivir con « un espírito novo », escoitando a chamada do amor e non coa « letra vella », ocupados en cumplir obrigacións relixiosas. Éste é o clima que entre todos temos de coidar e promover nas comunidades cristiás, se queremos vivir como Xesús.
11. Descobren tamén o verdadeiro contido do culto a Deus. O que agrada ao Pai non son os ritos baleiros de amor, senón que vivamos « en espírito e en verdade ». Esa vida vivida co espírito de Xesús e a verdade do seu evanxeo é para os cristiáns o seu auténtico « culto espiritual”
12. No temos que esquecer o que Paulo de Tarso dicía ás súas comunidades: « Non apaguedes o Espírito ». Unha igrexa apagada, baleira do espíritu de Cristo, non pode vivir nin comunicar a súa verdadeira Novidade. Non pode saborear nin contaxiar a súa Boa Nova.
