Миний худалдаж авсан нөхөр - Өгүүллэгээс төрсөн сэтгэгдэл

1. ФИЛОСОФИ ., семинар - 7
“Миний худалдаж авсан нөхөр” Айн Рэнд өгүүллэгээс төрсөн сэтгэгдэл
Оросод төрж өссөн Америкийн нэрт зохиолч, философич Айн Рэндийн “Миний худалдаж
авсаннөхөр” өгүүллэгийг 1-р курсийнхээ Философийн хичээлээр уншсандаа баяртай байна. Гэнри
болон Иринэ нарын гал халуун, зоримог, шийдэмгий хайрын түүх ямархан хүнд хэцүүтэй тулгарч
үйл явдал хэрхэн өрнөж байгаагаар эрэгтэй, эмэгтэй хүний зан байдал, үйл явдалд хариу үйлдэл
үзүүлэх ялгаа, хэрхэн шийдвэр гаргадаг гээд олон зүйлүүд тусгагджээ.
Гарчгийг анх уншаад мөнгөтэй холбон бодсонч яг өгүүллэг дээр дүрслэгдсэнбайдлаар гарч
ирнэ гэж огт бодоогүй юм. Миний бодлоор та энэ өгүүллэгээс хосуудын харилцаанд гарч ирэх
боломжтой гэнэтийн тохиолдлын талаар мөнхайр дурлалд хэмжээ хязгаар хэдийд нь шаардлагатай
байдаг тухай ойлголт, сургамж авч болох юм. Хэдий хүнийг хайрлаж болох ч өөрөө өөрийгөө
хайрлах хайраасаа хэтрүүлнэ гэдэг нь утгагүй хэрэг юм.
Зохиолын гол баатар болох Гэнри нь сэргэлэн цовоо, ухаалаг, царай зүс,өнгө үзэмж сайтай
сайхан залуу ч багагүйзүйл дээр хөнгөн хуймгай ханддаг нь хамаг хөрөнгөө алдаж, өрөнд орсных
нь дараа хотын иргэдийн ярьж буй олон жижиг ярианаас гадарлагдаж байв. Гал халуун хайрынхаа
эрч хүч, бие биедээ өгсөн үүрд мөнх гэх амлалтаараа бодол санаагаа түгжчихсэнГэнрид ухаангүй
хайртай Иринэ бүхий л амьдрал, эд хөрөнгөө өгөн хайртыгаа түшиж байгаа нь хайр гэдэг тийм
сайхнаараа үүрд мөнх байж дуусах мэт. Гэвч үүнд хэи ч баталгаа өгч чадахгүй юм. Хотод
хамаатныдаа ирсэн үзэсгэлэнт зочин Клэйр энэ бүх гунигт төгсгөлийн эхэлсэн шалтгаан байжээ.
Иринэ өөрт нь муу үр дүн авч ирэхийг мэдэж байсан ч Клэйрийн гоо үзэсгэлэнг гайхснаа нэгд
нэгэнгүй дурдсаар хайрт Гэнригээ дахин аз жаргал руу нь явуулахаар шийднэ. Энэ үед Иринэгийн
шийдвэр үйлдлүүд надад тэнэг санагдаж байсан ч түүнийг би өрөвдөж бас хүндэтгэх сэтгэл төрж
байлаа. Тэр ямар агуу их ачааг үүрнэ вэ? Түүнийгээ ямар бодлоготой зохицуулна вэ? Гэвч тэр
өөрийгөө хайрласангүй, тэр тэгж их шархалчихаад, бүхнээ зориулсан хүн нь өөр хүнд дурлачихаад
байхад ч тэр өөрийгөө биш түүнийг л хайрласаар байсан. Хайр дурлал хүнийг сохор болгодог гэж
үнэн үг байжээ.
Унших явцдаа хоёр, гурван удаа нулимс цийлэгнүүлж амжсаннадад энэхэн өгүүллэг бусдыг
хайрлах ч өөрөө өөрийгөө хайрлахаа хэзээ ч мартахгүй гэдэг бодлыг минь улам бататгах шиг
боллоо. Хүний амьдралд юу ч тохиолдож болох, магадгүйчиИринэ биш Клэйр ч байж болох. Бид
дурлалд сохроор хандаж болохгүйг бүгд ойлгоосой.
2022.03.25
НХУТ-ГХО-1 Б. Болортуяа