Narito ang mga paksa may kinalaman sa unang markahan sa Filipino.

1. FILIPINO 7
Unang Markahan

2. Mga Nilalaman
Kwentong Bayan
Paghihinuha ng mga
Pangyayari batay sa
Akda
Sanhi at Bunga Maikling Kwento
Pagsusuri ng
Pagkamakatotohanan
ng Pangyayari Batay
sa Karanasan
Retorikal na Pang-
ugnay
Proyektong
Panturismo

3. KUWENTONG-
BAYAN

4. Ang mga kuwentong-bayan ay bahagi na nang ating katutubong
panitikan bago pa man dumating ang mga Espanyol. Ito’y lumaganap
at nagpasalin-salin sa iba’t ibang henerasyon sa paraang pasalindila.
Ito ay mga salaysay na mula sa mga likhang-isip na mga tauhan na
kumakatawan sa mga uri ng mamamayan tulad ng hari, isang
marunong na lalaki at babae, o kaya sa isang hangal na tao.
Ang karaniwang paksa ng mga kuwentong-bayan ay mga hindi
pangkaraniwang pangyayari tulad ng ibong nangingitlog ng ginto o
kaya’y mga nilalang na may pambihirang kapangyarihan tulad ng
mga diyos o diyosa, mga anito, diwata, engkantada, sirena, siyokoy
at iba pa.

5. Ito ay kadalasang kaugnay sa isang tiyak na pook o rehiyon ng isang bansa o
lupain. Ito ay katulad rin ng mga alamat at mga mito. Ang mga akdang ito ay
karaniwang may ibinibigay na mensaheng ubod ng kaalaman katulad ng
salawikain.
May mga tampok o kilalang kuwentong-bayan ang bawat rehiyon sa Pilipinas.
Nagkaroon na nga lang ng iba’t ibang bersiyon ang mga ito dahil sa lumaganap ito
nang pasalita, kaya’t minsa’y binabago ng tagapagkuwento ang mga detalye na
nagdudulot ng ibang bersiyon dahil sa pagbabago sa banghay o pagdaragdag ng
mga tauhan.

6. Mga halimbawa ng
kuwentong-bayan sa iba’t
ibang pulo ng Pilipinas.
• Si Mariang Mapangarapin
• Si Malakas at si Maganda
• Mga Kuwento ni Juan Tamad
Mga kuwentong-bayan
mula sa Luzon
• Ang Kataksilan ni Sinogo
• Ang Bundok ng Kanlaon
• Ang Batik ng Buwan
Mga kuwentong-bayan
mula sa Kabisayaan
• Pinagmulan ni Guimad
• Si Manik Buangsi
• Si Usman, Ang Alipin
Mga kuwentong-bayan
mula sa Mindanao

7. Mga Pahayag sa Pagbibigay ng Patunay
• Ang pagbibigay ng mga patunay tungkol sa isang paksa ay isa sa mga uri ng
pagpapahayag. Naipakikita sa mga pahayag ng isang nagsasalita na siya’y isang
makilatis at mapagmasid sa kapaligiran kung ito ay naglalahad ng mga patunay. Ang
mga pang-abay na pagsang-ayon ay ginagamit sa pagbibigay ng patunay.

9. Paghihinuha ng mga Pangyayari batay
sa Akda

10. • Ang pabula ay nagsimula sa panitikang pasalita na nagpasalin-salin sa iba’t ibang
henerasyon. Ito ay mga kuwento na ang gumaganap o mga tauhan ay hayop. Bagama’t
hayop ang mga tauhan ay masasalamin ang mga katangiang taglay ng mga tao gaya ng
pag-uugali, pagiging masiyahin, sakim, malupit at marami pang iba.

11. • May isang malaking Pusa na lagi nang aali-aligid upang makahuli ng Daga.
Marami-rami na rin itong nabibiktima. Aabangan niyang lumabas ang Daga at saka
ito sasakmalin at gugutay-gutayin.
• Sa sobrang takot ng mga Daga ay nagpulung-pulong sila. Pinag-usapan nila kung
paano nila maiiwasan ang mapanganib na Pusa.
• Naging sobra sa ingay ang mga Daga habang nagpupulong. Ang ingay ay nauwi sa
katahimikan nang wala isa mang makaisip ng paraan kung paano maiiwasan ang
Pusa. Sa pagkakataong iyon, nagpakitang gilas ang mayabang na Daga. Tumindig
ito at mayabang na nagsalita.

12. “May suhestiyon ako upang maiwasan nating lahat ang Pusa.”
Umaatikabong bulungan ang naganap.
“Tumahimik kayo!” utos ng mayabang na Daga. “Maiiwasan lang natin ang ating kaaway kung
tatalian natin ito ng kuliling sa leeg. Kung may kukuliling, alam nating ang Pusa ay papalapit sa
atin.”
“Oo nga. Kung maririnig natin ang kalansing ay makalalayo tayo sa kinatatakutan natin,” natutuwang
sabat ng Dagang Lalawigan.
Kunwaring nakayuko ang mayabang na Daga.
“Pe… pero… sino ang magtatali ng kuliling?” tanong ng Matandang Daga.

13. “Hindi ako!” gumagaralgal ang boses na sabi ng Dagang Lungsod. “Tiyak na sasakmalin ako ng
Pusa.”
“Lalo namang hindi ako,” nanginginig ang tuhod na sabi ng Dagang Bukid. “Palapit pa lamang ako
ay nangangalmot na ang nasabing Pusa. Tiyak na papatayin ako noon kapag nilapitan ko!”
Sa katanungang sino ang magkukulyar sa Pusa ay walang sinumang nangahas na sumagot at
gumawa. Lahat ay nabingi sa tawag ng kabayanihan. Pati na ang mayabang na Daga ay wala ring
narinig na anuman.

14. Aral
• Balewala ang isang magandang
mungkahi kung wala namang may
gustong gumawa o tumulong sa
paggawa para makamit iyon.
• Ang tao ay hindi nasusukat sa kahit
ano pang ganda ng mga salitang
sinabi nya kundi sa kanyang mga
gawa.
• LINK: https://pinoycollection.com/sino-
ang-magtatali-ng-kuliling/

15. Sanhi at Bunga

16. Ang paggamit ng kasanayang sanhi at bunga ay higit na
nakapagpapaliwanag at nakapaglalarawan kung bakit naganap
ang isang pangyayari at kung ano ang naging epekto nito.
• Ang sanhi ay tumutukoy sa pinagmulan o dahilan ng isang
pangyayari. Ito ay nagsasabi ng mga kadahilanan ng mga
pangyayari. Sinasagot ang katanungang “Bakit ito nangyari?”.
Ang mga panandang ginagamit sa paglalahad ng sanhi ay
sapagkat/pagkat, dahil/dahilan sa, palibhasa, kasi.
Halimbawa:
• Ang bata ay nadulas dahil basa ang daan.
• Nakamit ni Alex ang kaniyang pangarap kasi nagsumikap siya.
• Hinahangaan ng mga tao si Aling Mary sapagkat siya ay
mabuting tao.
• Maraming tao ang napipilitang magtrabaho sa ibang bansa
dahilan sa kahirapan.
• Sumakit ang tiyan ni Warren dahil kumain siya ng marami.

17. • Ang bunga naman ay ang resulta o kinalabasan o dulot ng
pangyayari. Ito ang epekto ng kadahinanan ng pangyayari.
Sinasagot naman ang tanong na “Ano ang naging epekto ng
naturang pangyayari? Ang mga panandang ginagamit
naman sa paglalahad ng bunga ay kaya/kaya naman, dahil
dito, bunga nito, tuloy.
Halimbawa:
• Napakalakas ng ulan kaya naman nagbaha sa daan.
• Hindi maingat sa pagmamaneho si G. Alvarez bunga nito
siya ay naaksidente.
• Mabilis magtiwala sa mga tao si Karen tuloy lagi siyang
naloloko.
• Nahulog ang kendi ng bata dahil dito umiyak siya nang
malakas.
• Hindi nag-aral nang mabuti si Lito kaya nakakuha siya ng
mababang marka.

18. FILIPINO 7
Unang Markahan

19. PAGSUSURI NG ISANG
DOKYU-FILM AT
PAGSASALAYSAY NANG
MAAYOS NA BANGHAY NG
KUWENTO, MITO, ALAMAT
AT KUWENTONG BAYAN

20. • Dokyu-film / Dokumentaryong
Pampelikula- Anumang bagay na
ating nakikita at napapanood ay may
malaking impluwensiya sa ating mga
kaisipan, gawi at pananaw sa buhay.
Lalo na’t kung ang ating mga
pinanonood ay yaong makabuluhan at
maiuugnay sa ating pangaraw-araw na
pamumuhay. Ito rin ay isang
ekspresyong biswal na nagtatangkang
makita ang realidad at katotohanan.
Pangunahing layunin nito ang
magbigay impormasyon,manghikayat,
magpamulat ng mga kaisipan at
magpabago ng lipunan.

21. Mga elemento ng dokumentaryong
pampelikula:
• 1. Sequence iskrip – tumutukoy sa
pagkakasunod-sunod ng mga pangyayari ng
kuwento sa pelikula. Dito makikita ang
layunin ng kuwento.
• 2. Sinematograpiya – paraan ng pagkuha ng
wastong anggulo upang maipakita sa mga
manonood ang pangyayari sa bisa ng ilaw at
lente ng kamera.
• 3. Tunog at musika – pagpapalutang ng
bawat tagpo at pagpapasidhi ng ugnayan ng
tunog at linya ng mga dayalogo. Pinupukaw
ang interes at damdamin ng mga manonood.

22. Iba pang elemento:
• Pananaliksik o riserts – Mahalagang sangkap sa
pagbuo at paglikha ng dokumentaryo dahil sa
pamamagitan nito ay naihaharap nang mahusay at
makatotohanan ang mga detalye ng palabas.
• Disenyong pamproduksyon – Nagpapanatili sa
kaangkupan ng lugar, eksena, pananamit at sitwasyon
para sa masining na paglalahad ng masining na biswal
na pagkukuwento.
• Pagdidirehe – Mga pamamaraan at diskarte ng
direktor sa pagpapatakbo ng kuwento sa pelikula.
• Pag-eedit- Ito ay pagpuputol, pagdurugtong-dugtong
muli ng mga tagpo upang tayain kung alin ang hindi na
nararapat isama ngunit di makaaapekto sa kabuuan ng
istorya ng pelikula dahil may laang oras/panahon ang
isang pelikula.

23. DIMENSYONG PANLITERATURA: Isa sa mga mabisang
paraan ng pagsusuri ng isang pelikula bukod sa mga elemento nito
ay batay sa aspeto o dimensyon:
• Panlipunan / Sosyolohikal - Pagsusuri sa dinanas ng tauhan sa
lugar na kinabibilangan at sa nakasasalamuha na sumasalamin sa
tunay na pangyayari sa lipunan.
• Pangkaisipan / Sikolohikal - Pagsusuri sa kabuuang kaisipan o
mensahe hango sa napanuod at kaugnayan sa tunay na
pangyayari sa buhay.
• Kalagayang pang-ekonomiya - Pagsusuri sa kalagayan at
kabuhayan ng tauhan sa pelikula.
• Pansarili o Personalisasyon - Pagsusuri sa napanuod batay sa
kaugnayan nito sa sarili o personal na karanasan at kalagayan sa
buhay.
• Pangkasaysayan / Historikal - Pagsusuri sa kaugnayan sa
nakalipas na pangyayari o sa kasaysayan. Isang halimbawa ng
dokumentaryong pampelikula ay ang “Manoro” (The Teacher).
Ang salitang manoro ay nangangahulugang “tagapagturo” o
“guro” sa katutubong wika ng mga kapatid nating Aeta.

24. Maikling Kwento
• Ang maikling kuwento ay isang akdang pampanitikang nagsasalaysay nang madali, maikli, at masining
na paraan. Ito rin ay isang masining na anyo ng panitikan na naglalaman ng isang maiksing salaysay
tungkol sa isang mahalagang pangyayari na kinabibilangan ng isa o ilang tauhan. Nag-iiwan ito ng
isang kakintalan sa isip ng mga mambabasa. Si Deogracias A. Rosario ang tinuturing na “Ama ng
Maikling Kwentong Tagalog”
Mitolohiya
• Ito ay isang anyong panitikan kung saan karaniwang tumatalakay sa mga diyos o diyosa at nagbibigay
ng mga paliwanag hinggil sa mga likas na kaganapan. Kadalasang ang mga normal na karakter ay
naniniwala o sumasamba sa mga diyos at diyosa na kanilang pinaniniwalaang gumawa ng mga bagay-
bagay sa kanilang kapaligiran.

25. Alamat
• Ang alamat ay kuwento na kathang-isip lamang na kinasasangkutan ng kababalaghan o ‘di
pagkaraniwang pangyayari na naganap noong unang panahon. Ang mga alamat ay nagkakaroon ng iba’t
ibang bersiyon ayon na rin sa hangarin ng sumulat o nagpalaganap ng ibang bersiyon ng alamat.
Kuwentong Bayan
• Ang kuwentong-bayan ay bahagi ng ating katutubong panitikang nagsimula bago pa man dumating ang
mga Espanyol. Ito’y lumaganap at nagpasalin-salin sa iba’t ibang henerasyon sa paraang pasalindila o
pasalita. Nasa anyong tuluyan ang mga luwentong-bayan at karaniwang naglalahad ng kaugalian at
tradisyon ng lugar kung saan ito nagsimula at lumaganap.

26. MGA ELEMENTO
• TAUHAN– ang nagbibigay buhay sa maikling kuwento. Hal. protagonista– mabuti,
anatagonista–masama
• TAGPUAN- panahon o lugar kung ano ang lagay ng panahon at kung saan ang
tagpuan na nakapaloob sa akda, hal. Tag-ulan, tag-init, tanghali o gabi, lungsod, lala
wigan, bundok o ilog.
• BANGHAY- tumutukoy ito sa maayos at wastong pagkasunod-sunod ng mga
pangyayari upang maunawaan ng mambabasa ang mga detalye o pangyayari sa
akda.
Mga bahagi ng banghay:
• SIMULA - may taglay na kawilihan at ipinapakilala ang mga tauhan.
• TUNGGALIAN- pakikitunggali ng mga tauhan o suliranin na kakaharapin.
• Tao laban sa tao
• Tao laban sa sarili
• Tao laban sa lipunan
• Tao laban sa kapaligiran o kalikasan
• KASUKDULAN- pinakamataas na pangyayari, maaksiyon. Sa bahaging ito
ay unti-unting nabibigyang solusyon ang suliranin at dito malalaman kung
magtatagumpay ba ang pangunahing tauhan o hindi.
• KAKALASAN- Sa bahaging ito ay bumababa ang takbo ng kuwento at
nagbibigay daan sa wakas.
• WAKAS- Ang kinahinatnan o resolusyon ng kuwento na maaaring masaya o
malungkot.

27. Mga bahagi ng banghay:
• SIMULA - may taglay na kawilihan at ipinapakilala ang
mga tauhan.
• TUNGGALIAN- pakikitunggali ng mga tauhan o
suliranin na kakaharapin.
• Tao laban sa tao
• Tao laban sa sarili
• Tao laban sa lipunan
• Tao laban sa kapaligiran o kalikasan
• KASUKDULAN- pinakamataas na pangyayari,
maaksiyon. Sa bahaging ito ay unti-unting nabibigyang
solusyon ang suliranin at dito malalaman kung
magtatagumpay ba ang pangunahing tauhan o hindi.
• KAKALASAN- Sa bahaging ito ay bumababa ang takbo
ng kuwento at nagbibigay daan sa wakas.
• WAKAS- Ang kinahinatnan o resolusyon ng kuwento na
maaaring masaya o malungkot.

28. Mga Uri ng Maikling Kuwento
• Kuwento ng Tauhan - Inilalarawan dito ang mga
pangyayaring pangkaugalian ng mga tauhang
nagsisiganap upang mabigyan ng kabuuan ang pag-
unawa sa kanila ng isang mambabasa.
• Kuwento ng Katutubong Kulay - Binibigyang diin
dito ang kapaligiran at mga pananamit ng mga tauhan,
ang uri ng kanilang pamumuhay, at hanapbuhay ng
mga tao sa nasabing lugar.
• Kuwentong Bayan - Inilalahad dito ang mga
kwentong pinag-uusapan sa kasalukuyan ng buong
bayan.
• Kuwento ng Kababalaghan - Dito pinag-uusapan
ang mga salaysaying hindi kapanipaniwala.
• Kuwento ng Katatakutan - Naglalaman naman ito
ng mga pangyayaring kasindak-sindak.

29. • Kuwento ng Madulang Pangyayari - Binibigyang
diin ang kapanapanabik at mahahalagang pangyayari
na nakapagpapaiba o nakapagbago sa tauhan.
• Kuwento ng Sikolohiko - Ito ang uri ng maikling
kuwentong bihirang isulat sapagkat may kahirapan
ang paglalarawan ng kaisipan. Ipinadarama dito sa
mga mambabasa ang damdamin ng isang tao sa harap
ng isang pangyayari at kalagayan.
• Kuwento ng Pakikipagsapalaran - Nasa balangkas
ng pangyayari ang interes ng kwento ng
pakikipagsapalaran.
• Kuwento ng Katatawanan - Ito ay nagbibigay-aliw
at nagpapasaya sa mambabasa.
• Kuwento ng Pag-ibig - Ito naman ay tungkol sa pag-
iibigan ng dalawang tao.

30. FILIPINO 7
Unang Markahan

31. Pagsusuri ng
Pagkamakatotohanan
ng Pangyayari Batay sa
Karanasan

32. Ang Mahiwagang Tandang
Isinulat ni Arthur P. Casanova Kuwento ng mga
Maranao (Bahagi lamang)
(Patutunugin ng isang guwardiya ang isang agong,
hudyat ng pagtawag ng kapulungan ng mga taumbayan,
lalaki, babae, bata’t matanda)
• Sultan Abdullah: Nais kong ipaalam sa inyo na ang
inyong prinsesa ay makaisang-dibdib ni Bagoamama
sa lalong madaling panahon.
• Mahiwagang Tandang: At lahat kayo ay
makatatanggap ng bigay-kaya.
• Korong lalaki: At tumilaok ng tumilaok ang
Mahiwagang Tandang.
• Korong Babae: Maraming tela ang lumabas sa bibig
ng Mahiwagang Tandang.

33. • Taumbayan 1: Ang gaganda ng kulay.
• Taumbayan 2: Ang gagara.
• Taumbayan 3: Elegante,Panreyna at pansultan ang
mga telang ito.
• Mahiwagang Tandang: Sige mamimli kayo ng gusto
ninyo. Huwag kayong mag-aagawan. Lahat kayo’y
makakatanggap ng tela buhat sa akin.
• Korong Babae: Nang magkaroon ng tela ang bawat
taumbayan ay nagsimula nang dumumi ang
Mahiwagang Tandang.

34. • Mahiwagang Tandang: (Pagtilaok)
• Taumbayan 4 : Ai-dao! Ginto”t pilak ang lumalabas
sa puwit ng tandang!
• Taumbayan 5:Ai-dao! Oo nga, Ginto’t pilak.
• Taumbayan 6: Para sa atin ba ang mga iyan?
• Mahiwagang Tandang:Oo, paghahatian lahat iyan.
• Korong lalaki: Tuwang-tuwa namulot ng mga ginto’t
pilak ang mga taumbayan.
• Korong babae: Naging masaya ang lahat.

35. • Mahiwagang Tandang: Bagoamama, sa palagay ko
ay tapos na ako sa aking misyon.Panahon na upang
ako’y lumisan.Dalangin ko ang masaya at masaganang
pamumuhay ninyo dito sa kaharian ng Agamaniog.
• Bagoamama: Paalam Mahiwagang Tandang! Dakila
ka! Sana ay dalawin mo kami sa hinaharap.salamat!
• Babae:Hindi naming malilimutan kailan man ang
iyong labis na kabutihan.Salamat sa ginintuan mong
puso.
• Korong Lalaki:Masayang lumipad ang Mahiwagang
Tandang sa himpapawid. (Ang lahat ay kumaway sa
Mahiwagang Tandang sa himpapawid)
• Bagoamama: Salamat muli kaibigan, Utang na loob
ko sa iyo ang lahat ng tinatamasa ko ngayon.Sana’y
patnubayan ka ni Allah.

36. FILIPINO 7
Unang Markahan

37. RETORIKAL
NA PANG-
UGNAY

38. • Ang pag-uugnayan ng iba’t ibang bahagi ng
pagpapahayag ay mahalaga upang makita ang
pag-uugnayang namamagitan sa pangungusap
o bahagi ng teksto. Sa Filipino, ang mga
pang-ugnay na ito ay kadalasang kinakatawan
ng pang-angkop, pang-ukol at pangatnig.

39. • Pang-angkop – Ito ay ang mga katagang nag-uugnay
sa panuring at salitang tinuturingan. Ito ay
nagpapaganda lamang ng mga pariralang
pinaggagamitan. May dalawang uri ng pangangkop.
Ang pang-angkop na na ay ginagamit kapag ang
unang salita ay nagtatapos sa katinig maliban sa n.
Hindi ito isinusulat nang nakadikit sa unang salita.
Inihihiwalay ito. Nagigitnaan ito ng salita at panuring.
Halimbawa: mapagmahal na hari
Kapag ang unang salita naman ay nagtatapos sa titik n
tinatanggal o kinakaltas ang n at ikinakabit ang -ng
Halimbawa: huwarang pinuno
• Ang pang-angkop na -ng ay ginagamit kung ang unang
salita ay nagtatapos sa mga patinig.
Ikinakabit ito sa unang salita.
• Halimbawa: mabuting kapatid

40. • Pang-ukol – Ito ay kataga/salitang nag-
uugnay sa isang pangngalan sa iba pang
mga salita sa pangungusap. Narito ang
mga kataga/pariralang malimit na
gamiting pang-ukol. ( sa, ng, kay/kina,
alinsunod sa/kay, laban sa/kay, ayon
sa/kay, hinggil sa/kay, ukol sa/kay, para
sa/kay, tungkol sa/kay)

41. Pangatnig sa mga kataga/salita na nag-uugnay ng dalawang salita,
parirala o sugnay
• Pangatnig na pandagdag: Nagsasaad ng pagpuno o pagdaragdag
ng impormasyon.
• Halimbawa: at, pati
• Pangatnig na pamukod: Nagsasaad ng pagbubukod o
paghihiwalay.
• Halimbawa: o, ni, maging
• Pagbibigay sanhi/dahilan: Pag-uugnay ng mga lipon ng salitang
nagbibigay-katwiran o nagsasabi ng kadahilanan.
• Halimbawa: dahil sa, sapagkat, palibhasa
• Paglalahad ng bunga o resulta: Nagsasaad ng kinalabasan o
kinahinatnan.
• Halimbawa: bunga, kaya o kaya naman
• Pagbibigay ng kondisyon: Nagsasaad ng kondisyon o pasubali.
• Halimbawa: kapag, pag, kung, basta
• Pagsasaad ng kontrast o pagsalungat: Nagsasaad ng pag-iba,
pagkontra o pagtutol.
• Halimbawa: ngunit, subalit, datapwat, bagamat

42. PROYEKTONG
PANTURISMO

43. • Ang Pilipinas ay mayaman sa kultura’t tradisyon at maging
sa mga magagandang pook o tanawin ay di maikakailang
may taglay itong angking kagandahan,dahil dito maraming
turistang dayuhan ang naaakit at naghahangad na mamasyal
dito sa ating bansa. Isa sa mayamang pulo ng bansa ay ang
Mindanao.Sa rehiyong ito,masasabing maraming nahalina
sa taglay nitong likas na kagandahan kung kaya’t ito’y
binigyang nang mas ibayong pagpapahalaga ng mga taong
naninirahan dito.Kung may naririnig na “It’s More Fun in
the Philippines”, masasabi ring “It’s more fun in
Mindanao”,dahil sa pisikal na kagandahan nito. Ngayon ay
gusto mong patunayan na “It’s more fun in Mindanao”,
ikaw ay isang advertising executive na kinausap ng
Departamento ng Turismo sa Mindanao upang bumuo ng
travel brochure na makapang-aakit ng mga turista upang
dalawin o pasyalan ang iba’t ibang lugar sa Mindanao.

44. Mga Hakbang at Panuntunan sa Pagsasagawa ng
Makabuluhan at Mapanghikayat na
Proyektong Panturismo (Travel Brochure)
Pananaliksik at Pagsulat ng Nilalaman ng Iyong “Travel
Brochure”
• Napakahalaga ng nilalaman ng iyong travel brochure dahil ito
ang aakit sa mga turista upang ito ay pasyalan.Alamin ang uri
ng turista na target ng iyong travel brochure.Sila ba’y mga
kabataan na mahilig sa adventure,mga mag-aaral na gusto ng
educational fieldtrip,pamilyang may mga anak o mga
nakakatanda o mga retirado.
Pagpili ng mga Larawang Isasama sa “Travel Brochure”
• Pumili ka ng mga larawang aangkop sa iyong binubuong travel
brochure.Ang mga larawang ay inaasahang lalo pang
makapang-aakit sa target mong uri ng turista.Makabubuti kung
mas maraming larawan ang iyong ihahanda para mas marami
kang pagpipilian dahil hindi naman lahat ay isasama mo.

45. Pagbuo ng Burador para sa Iyong “Travel Brochure”
• Bago pa tuluyang buoin ang travel brochure ay
makatutulong ang pagbuo muna ng burador para maging
huwaran o template ng iyong bubuoin, kahit wala
munang mga larawan o teksto,iguhit lang muna kung
saan ilalagay ang mga ito.
Pagbuo ng aktuwal na Travel Brochure
• Mula sa burador ay handang- handa ka na sa pagbuo ng
aktuwal na travel brochure.Gagamitin mo na ngayon ang
mga impormasyong iyong nasaliksik gayundin ang mga
larawang pinili mo.Tiyaking malinaw at nababasa ang
mga teksto sa travel brochure.

46. Mga Sanggunian
• Ailene G. Baisa-Julian, Nestor S. Lontoc, Carmela H. Esguerra, Alma M. Dayag Pinagyamang
Pluma 7. 927 Quezon Avenue, Quezon City
• https://pinoycollection.com/sino-ang-magtatali-ng-kuliling/
• https://pinoycollection.com/regalo-sa-guro/
• Ang Mahiwagang Tandang: Buod Ng Kuwento Ng Mahiwagang Tandang. “Ang Mahiwagang
Tandang: Buod Ng Kuwento Ng Mahiwagang Tandang.” Philippine News, February 25, 2020.
https://philnews.ph/2020/02/25/ang-mahiwagang-tandang-buod-ng-kuwento-ng-
mahiwagangtandang/.
• Mga Learning Activity Sheets mula sa TCSD