1. Cartas de inverno Sinceramente é un dos meus libros favoritos, só superado por O Guerreiro Branco . Agustín Fernández Paz con este libro conseguiu que o valorasen como un dos mellores autores de narrativa xuvenil. Para min é o verdadeiro libro de terror: houbo momentos en que me deu calafríos e tamén engancha moito. Trata sobre sucesos estraños que suceden na nova casa de Adrían. Casa da que non volverá a saír. Xabier intentará salvar ao seu amigo pero quedará retido tamén. Quique Blanco 1º ESO A

2. A casiña azul Grandes letores: Aquí tendes a miña pequena crítica. Este libro foi un dos mellores que lin. Narra a historia dunha nena maltratada. A pesar disto ela intenta descubrir os misterios dunha casa abandonada que se volve azul unha vez no ano e... ben, se queredes sabelo, terédelo que ler. O que a min máis me gustou foi o final. E o peor... a verdade é que a este libro non lle vin ningunha pega. Sei que lles encantará a rapaces que gocen cos misterios. Unha cousiña! Non xulguedes un libro pola súa portada nin polo seu tamaño. Xulgádeo despois de lelo. Adrián Bermúdez 1º ESO A

3. A filla do ladrón de bicicletas É un libro que me gustou moito porque a protagonista facía cousas dificilísimas coa súa bicicleta que nin tiña marchas nin freos. Era incrible! Ata lle gañou unha carreira a un rapaz cunha boa bicicleta. O que menos me gustou foi o final porque era moi irreal, porque non circos hai equilibristas pero non de bicicletas. Este libro recoméndollelo a que lle guste a aventura. Sergio Caamaño 1º ESO A

4. As lágrimas de Shiva O libro encantoume por ser de misterio e romance. Narra a historia de dúas familias enfrontadas, porque anos atrás, unha rapaza dunha das familias deixou plantado ao namorado, da outra familia, e fuxiu cun colar valiosísimo que el lle regalara. Dous curmáns descobren o misterio do colar, “As lágrimas de Shiva”, e conseguen que as dúas familias deixen de estar enfrontadas. Recomendaríallelo a lectores que lles guste ler e teñan tempo. Darío Abuín 1º ESO A

5. A historia do home can Do libro gustoume todo de principio a fin. Conta a historia dun home que ao tomar un xarope rexuvenecedor convértese en can por mesturalo con alcohol. Entón marcha da casa e empézanlle a ocorrer unha serie de problemas e situacións sorprendentes. A noite do aniversario da súa voda volve á casa. Recoméndollo a todo o mundo porque está moi ben, aínda que lle vai gustar máis aos rapaces. Gabriel Fariña 1º ESO A

6. Vaiche boa! O libro encantoume. O personaxe Brian Bell pareceume moi inxenioso. Son un feixe de relatos que van sobre unha barra de labios que volve tolas as rapazas, uns calzóns que proporcionan calidades prodixiosas a quen os pon... Os relatos que máis me gustaron foron “O esqueleto do retrete” e “Crema de bosta de vaca”. O que menos, foi “Xeado da intelixencia” . Eu recomendaríallelo aos que lles gusten os libros de relatos. Darío Santiso 1º ESO B

7. A casiña azul Cartas de inverno Encantoume. O que máis me gustou foi o misterio que agocha a casa de Adrián. Malia a axuda do seu amigo Xabier non conseguen saír da casa e non se sabe nada máis deles. O que menos me gustou foi o final porque Tareixa e o inspector non son capaces de atopalos. O libro remata así, a min gustaríame que seguira e que se desvelase o misterio un pouco máis. É un deses libros que non podes deixar de ler sen rematalo. Recoméndollo a todos os lectores que lles guste o medo e o misterio. Rocío Méndez 1º ESO B O libro encantoume de verdade. O principio non tanto pero ao final entusiasmoume. Gustaríame perder a memoria para volver a gozalo. Ensina o amor de dous rapaces, o misterio dunha casa, as lágrimas dunhas cartas e a verdadeira amizade. Recomendaríallo ao que saiba valoralo e que lle guste ler. Tamén animo aos que non lles guste ler porque é un libro moi especial. Pablo Romar Santos 1º ESO A

8. Chamádeme Simbad O libro é fascinante. Trata dun rapaz que ten un avó con alzheimer e un día desapareceu. Paulo está moi preocupado e investiga. Ao final atópao co seu irmán Bernandiño na Taberna do pirata. Encantoume esta novela porque tiña moita intriga e case non podía parar de ler. Ademais é moi divertido. Recoméndovolo a todos! Iñaki Gómez 1º ESO A

9. O cocho de carreiras Rudi Fuciños O libro gustoume bastante porque é moi divertido. Trata sobre uns rapaces que gañan un porco e o converten nun cocho de carreiras. A parte que máis me gustou foi cando Rudi estaba na carreira porque se namora dunha cocha e en vez de ir ao final da pista correu cara ela. A parte que menos me gustou foi cando o dono do edificio os bota fóra da casa. Anímovos a lelo porque é moi divertido. Recoméndollelo a persoas ás que lle gusten os libros de humor. Alejandro Rivera 1º ESO B

10. A filla do ladrón de bicicletas Este libro trata dunha nena que se chama Serafina. O único que quere é andar na súa bicicleta Celerífera para ser equilibrista; pero ten un problema: a súa tía quere impedirllo. O que máis me gustou do libro é que Serafina sempre andaba na bicicleta. O que menos, foi que cando lle viñeron a facer unha entrevista a Serafina, a tía Perfecta inventábase as cousas para quedar ben. Eu animaría a lelo porque é un libro moi divertido; recoméndollelo a todos aos que lle gusten as aventuras. Alberto Pombo 1º ESO B

11. Usha O libro gustoume moito porque trata dos nenos que teñen menos vantaxes ca nós. Tamén me chamou a atención como se resolven os problemas dunha curmá da amiga da protagonista á que non lle deixaban estudar por ser muller. O que máis me agradou foi que a protagonista, Usha, é moi amiga de Lakshmi, unha nena dese país. O que menos, foi que unha profesora de Galicia lle dixo a Usha que tiña menos nivel en clase por ir á India no verán. Recomendaríallelo a lectores que lles gusten as viaxes a outros países, que queiran coñecer novas culturas. Elena Vázquez 1º ESO A

12. Tristes Armas Este libro ao principio pareceume moi triste, pero o final gustoume porque os protagonistas quedaron felices. Trata sobre unhas rapazas que tiveron que ir a un orfanato en Rusia, porque os pais estaban na guerra de España. O pai morre, a nai casa con outro home e as fillas seguen a súa vida. Recoméndollelo a todos. Alberto Gómez 1º ESO A

13. Este libro pareceume un pouco triste ao principio, pero despois gustoume moito. Vai dunha rapaza chamada Branca que enfermou de hepatite e tivo que pasar varias semanas na cama. Tivo que pasar o seu aniversario na cama. Lois é o rapaz do que está namorada. A súa mellor amiga chámase Raquel. Estas son algunhas das cousas que lembra a protagonista mirando fotos. Recoméndollelo a todos os que lles gusten os libros sentimentais. Sofia Mato. 1º ESO A Trece anos de Branca

14. Chamádeme Simbad O libro, ao principio, non me gustou moito ata que me fun metendo na historia. Deume moita mágoa cando soubo que o avó tiña unha enfermidade “a do esquecemento”. O final, cando neto e avó se reencontran, foi moi emocionante. Recoméndollelo aos que lles guste o misterio. Sergio Lema 1º ESO A

15. Vaiche boa! Gustoume moito porque é moi divertido. Son historias curtas, amenas e algunha moi perigosa. O relato que máis me gustou foi “Superfuciños” porque foi o que máis me fixo rir. O que menos, foi “O esqueleto do retrete” porque non lle collín gusto. Ana Méndez 1º ESO B

16. Trece anos de Branca Este libro pareceume un pouco triste ao principio, pero despois gustoume moito. Vai dunha rapaza chamada Branca que enfermou de hepatite e tivo que pasar varias semanas na cama. Tivo que pasar o seu aniversario na cama. Lois é o rapaz do que está namorada. A súa mellor amiga chámase Raquel. Estas son algunhas das cousas que lembra a protagonista mirando fotos. Recoméndollelo a todos os que lles gusten os libros sentimentais. Sofia Mato. 1º ESO A

17. Folerpas O libro encantoume. A protagonista é moi boa. Ela e os seus amigos pasan unha semana moi interesante dun lado para outro desobedecendo a pais e familiares. Intentan adiviñar quen é o Folerpas; ademais descobren unha nova planta azul con características nunca vistas. Xa o veredes cando o leades. Veña, eu anímovos sobre todo aos que vos guste o misterio. Laura Nantón 1º ESO B

18. As lágrimas de Shiva O libro gustoume moito. O protagonista Xabier e a súa curmá Violeta investigan sobre un colar desaparecido hai moitos anos. Todo comeza cando Xabier chega á casa dos seus tíos, que por certo era unha familia moi rara: imaxinade... non tiñan televisión! Pero el empeza a escoitar e ver formas humanas nas escaleiras. pensaba que era a súa imaxinación pero non... Despois de investigar deducen que hai unha pantasma na casa e así descobren toda a historia. Anímovos a lelo porque a min gustoume e espero que a vós tamén. É unha historia de amor do pasado que impide unha no presente. Patricia Taboada 1º ESO B

19. Kafka e a boneca viaxeira O libro encantoume. Pareceume moi bonito que Kafka se molestase por Elsi cando a viu chorar, pois eu teño unha irmá pequena á que lle encantan as bonecas e non pode vivir sen elas. Non me gustou nada que os veciños de Kafka lle chamasen tolo sen coñecelo ben. Deume pena que se acabase o libro; está “de rechupete”. Recoméndollelo a tod@s @s lector@s aos que lles guste a tenrura. Mariña Lema 1º ESO A

20. A vida encaixa O libro non me gustou moito. Todo empeza porque o pai de Sachika levantou o dedo maimiño no almorzo para indicar a cantidade de café que quería. Sachinka preguntoulle porque o levantara pero o pai non lle soubo contestar. A min non me gustou porque por culpa dunha pequena pregunta desátanse unha serie de acontecementos que cambian a vida cotiá de todo un pobo. Eu animo á xente a ler este libro porque, aínda que é raro, engancha e métete dentro da historia. Silvia Olivera 1º ESO B

21. É un libro que ten un conxunto de relatos independentes como o da bosta de vaca, o do esqueleto no retrete, etc. O relato que máis me gustou foi “ O blues do faro”, porque é de medo e, ao mesmo tempo, de valentía. O que menos, foi “Superfuciños”, que vai dun neno que grazas a unha bruxa podía bicar a todas as femias que quería, pero ese neno ao final leva un bo escarmento. Aconsellaríallelo aos rapaces que lles guste o misterio, a vinganza, a alegría, o humor e, sobre todo, a simpatía. Aida García 1º ESO A Vaiche boa!

22. Os Megatoxos e o aprendiz de druída Nenos con superpoderes que retroceden no tempo para atrapar un toxo. Rapaces vencidos unha vez por un monstro. Noutra ocasión un rapaz queda atrapado no interior do monstro. Pero vencérono definitivamente e volveron ao presente. Aconséllolles este libro, que me encantou, a todos os que lles guste a aventura e a fantasía. Adrián Lema 1º ESO B

23. Cartas de inverno Este libro gustoume moito, sobre todo, pola intriga que presenta. A parte que máis me gustou foi cando Xabier, un dos protagonistas dille a súa irmá as súas últimas palabras a través de cartas. Recoméndolles este libro a persoas que gocen con historias de terror e medo. E se son suficientemente valentes que o intenten ler pola noite! Alejandro Lema 1º ESO A

24. Os Megatoxos e o aprendiz de druída Gustoume moito. É un libro de moita fantasía e aventura. Ao querer encontrar o Toxo que lles deu os poderes aos protagonistas, pásanlles moitas cousas divertidas e misteriosas. Ademais os rapaces poden viaxar a través do tempo a un poboado celta. Eu recomendaríallo a xente que lle guste a fantasía. Lara Varela 1º ESO A

25. Historia do home can O libro trata dun home que toma un xarope que o converte en can. A partir de aí vive distintas situacións: Vai detrás dun garda, pelexa cun can, intentan usalo para ser famoso porque o can falaba; finalmente a noite de San Xoán o can volveu... Gustoume moito e recoméndollelo a lectores aos que lles guste a fantasía. David Mato 1º ESO B

26. Tristes armas O libro encantoume pois reflicte aspectos da vida real. Trata de dúas rapazas que tiveron que marchar a Rusia mentres seus pais loitaban na guerra. Alí refixeron as súas vidas sen a presenza de seres queridos. Se che gustan os libros de tristeza, de amor, de loita por vivir... este pode ser o teu porque é un libro fermosísimo. María Jesús Allo 1º ESO B

27. O cocho de carreiras Rudi Fuciños O libro encantoume. O cocho tocoulles nunha tómbola e tiveron que cambiar de casa porque non lles deixaban telo alí. A continuación tiveron que encontrarlle unha actividade: converterse nun cocho de carreiras. A parte que máis me gustou foi cando tiveron que sacar o cocho do coche cunha táboa de pasar o ferro. A que menos, foi cando ían mandar a Rudi ao matadoiro. Ana Lema 1º ESO B

28. Chamádeme Simbad O libro encántame. Dos personaxes o que máis me gustou foi o protagonista, Paulo. O que máis destacaría foi cando Simbad atopa ao tío Bernardino no seu bar co avó e cando volveron cos seus pais todos xuntos para casa. Anímovos a que o collades porque a min gustoume moito. Miguel Varela 1º ESO B