1. მე-6 და მე-9 კლასელთა ტესტირება
შეფასებისა და გამოცდების ეროვნულმა ცენტრმა გაითვალისწინა საქართველოს სხვადასხვა რეგიონის
სკოლების წარმომადგენელთა თხოვნა ცენტრალიზებული ტესტირების ჩატარების შესახებ და 2013 წელს
შეიმუშავა პროექტი, რომელიც მე-6 და მე-9 კლასებში ცენტრალიზებულ ტესტირებას ითვალისწინებს.
ტესტირების მიზანი სკოლებისათვის იმ მონაცემების მიწოდებაა, რომელიც მათ სასწავლო პროცესის
გაუმჯობესებაში დაეხმარება.
ტესტირებაში სკოლების მონაწილობა ნებაყოფლობითია.
კონკრეტული სკოლის შედეგები ხელმისაწვდომია მხოლოდ ამ სკოლისათვის.
ზოგადი ინფორმაცია
მე-6 კლასის მოსწავლეები ტესტირებას 3 საგანში (ქართული ენა და ლიტერატურა, მათემატიკა,
ინგლისური ენა) გადიან, მე-9 კლასის მოსწავლეები კი - 9 საგანში (ქართული ენა და ლიტერატურა,
მათემატიკა, უცხოური ენა, ისტორია, გეოგრაფია, ფიზიკა, ქიმია, ბიოლოგია, სახვითი და გამოყენებითი ხელოვნება).
საგნები თავის მხრივ დაყოფილია ბლოკებად, რაც საშუალებას იძლევა, გამოჩნდეს არა მხოლოდ საგნის,
არამედ მისი ნაწილების სწავლების მხრივ არსებული სურათი.
ტესტირება ყველა მონაწილე სკოლაში ერთსა და იმავე დროს კომპიუტერულად ტარდება და
მიმდინარეობს 6 დღის განმავლობაში. ტესტირების დაწყებამდე ერთი დღე ეთმობა პრეტესტს).
ტესტირება ტარდება არაქართულენოვანი სკოლებისთვისაც.
დავალებები არ სცდება ეროვნულ სასწავლო გეგმას
ტესტირების შედეგები
მოსწავლე ეკრანზე ხედავს ტესტირების ბოლოს მიღებულ ქულას.
თითოეული მონაწილე სკოლა იღებს შემდეგი სახის ინფორმაციას:
ინფორმაცია მოსწავლეების შესახებ
თითოეული მოსწავლის რეიტინგული შედეგი პროექტში მონაწილე ყველა მოსწავლეს შორის
(პროცენტილი);
თითოეული მოსწავლის მიერ სწორად გაცემული პასუხების რაოდენობა კონკრეტულ საგანში;
მოსწავლის მიერ კონკრეტული საგნის თემატურ ბლოკში მიღწეული შედეგი;
მოსწავლის მიერ თემატურ ბლოკში სწორად გაცემული პასუხების რაოდენობა;
მოსწავლის მიერ მარტივ, საშუალო და რთულ დავალებებზე სწორად გაცემული პასუხების
რაოდენობა;
მოსწავლის მიერ დავალებაზე დახარჯული საშუალო დრო (ასევე თემატური ბლოკებისა და
დავალებათა სირთულის მიხედვით);
2.
3. ზოგადი ინფორმაცია საგნის (საგნების) მიხედვით მიღწეული შედეგების შესახებ
სკოლის რეიტინგული ადგილი შესაბამის საგანში, ანუ რამდენ სკოლაზე უკეთესი შედეგი აჩვენა
კონკრეტულმა სკოლამ შესაბამის საგანში(პროცენტილი);
სკოლის რეიტინგული შედეგი პროექტში მონაწილე ყველა სკოლას შორის;
შესაბამისი სკოლის მოსწავლეთა მიერ კონკრეტული საგნის თემატურ ბლოკში მიღწეული
საშუალო შედეგი;
სკოლის მოსწავლეთა მიერ მარტივ, რთულ და საშუალო დავალებების მიხედვით ნაჩვენები
შედეგი.
4. სკოლები შედეგებს სპეციალური სისტემის მეშვეობით გაეცნობაიან. სისტემა შედეგების სურვილის
მიხედვით ფილტრაციის შესაძლებლობას მისცემს სკოლას.
პროექტმა პირველივე წელს მოიცვა:
თბილისი და 62 რაიონი;
500-ზე მეტი სკოლა;
8,000-ზე მეტი მე-6 კლასის მოსწავლე;
9,000-ზე მეტი მე-9 კლასის მოსწავლე;
მონაწილე სკოლებმა შედეგები მიიღეს ტესტირებიდან 5 დღის შემდეგ.
5. მე-6 და მე-9 კლასის მოსწავლეთა ცენტრალიზებული ტესტირების ჩატარება 2013-2014 სასწავლო წელსაც
იგეგმება. ტესტირება ივნისში ჩატარდება. სკოლები ტესტირებისათვის რეგისტრაციის გავლას შეფასებისა
და გამოცდების ეროვნული ცენტრის ვებგვერდზე (www.naec.ge), მარტში შეძლებენ.
შეფასებისა და გამოცდების ეროვნული ცენტრი მზადაა, ტესტირებაში მონაწილეობის მსურველ ყველა
სკოლას გაუწიოს კონსულტაცია და მიაწოდოს დეტალური ინფორმაცია პროცედურული თუ
შინაარსობრივი საკითხების შესახებ.
www.naec.ge
ცხელი ხაზი: 2473333